05/06/2026
پریس ریلیزمورخہ: 4 جون 2026
ضلع گنگچھے میں انتخابات کے انعقاد کے لیے بیلٹ پیپرز اور انتخابی سامان ریٹرننگ افسران کے حوالے
ڈسٹرکٹ ریٹرننگ آفیسر و ڈپٹی کمشنر ضلع گنگچھے، جناب اقبال جان نے آج گلگت بلتستان صوبائی اسمبلی کے انتخابات کے سلسلے میں ضلع گنگچھے کے تینوں انتخابی حلقوں کے ریٹرننگ افسران کو بیلٹ پیپرز، انتخابی دستاویزات اور دیگر ضروری انتخابی سامان باقاعدہ طور پر حوالے کر دیا۔
اس موقع پر ڈسٹرکٹ ریٹرننگ آفیسر نے ریٹرننگ افسران کو ہدایت دیتے ہوئے کہا کہ انتخابی عمل کے دوران کسی قسم کی کوتاہی، غفلت یا جانبداری کی کوئی گنجائش نہیں ہونی چاہیے۔ انہوں نے زور دیا کہ انتخابات کا انعقاد مکمل شفافیت، غیر جانبداری، دیانتداری اور انتخابی قوانین کے مطابق ہر صورت یقینی بنایا جائے تاکہ عوام کے اعتماد کو برقرار رکھا جا سکے اور جمہوری عمل کی ساکھ مزید مضبوط ہو۔
انہوں نے متعلقہ افسران کو ہدایت کی کہ انتخابی مواد کی حفاظت، بروقت ترسیل اور پولنگ کے تمام انتظامات کو احسن طریقے سے مکمل کیا جائے۔ مزید برآں، انتخابی عمل میں شامل تمام عملہ اپنی ذمہ داریاں پیشہ ورانہ انداز میں انجام دے اور الیکشن کمیشن کے جاری کردہ ضابطہ کار پر مکمل عملدرآمد کو یقینی بنائے۔
ڈپٹی کمشنر نے اس امید کا اظہار کیا کہ ضلع گنگچھے میں انتخابات پرامن، شفاف اور منصفانہ انداز میں منعقد ہوں گے اور تمام متعلقہ ادارے اپنی ذمہ داریاں احسن طریقے سے نبھائیں گے۔
عبد الرحیم
پبلک ریلیشنز آفیسر
ڈی سی آفس گنگچھے
