01/09/2026
خیبرپختونخوا کے مدارس میں علم، مطالعہ اور تحقیق کے فروغ کے لیے اہم پیش رفت!
چیئرمین عمران خان کا وژن ہے کہ ایک فلاحی ریاست میں تعلیم کے ہر شعبے اور ہر طالب علم کو آگے بڑھنے کے یکساں مواقع اور ضروری سہولیات میسر ہوں۔ مدارس کے طلبہ بھی ہمارے معاشرے کا اہم حصہ ہیں، اس لیے ان کے لیے معیاری تعلیمی ماحول اور جدید سہولیات کی فراہمی وقت کی اہم ضرورت ہے۔
اسی وژن کے تحت وزیراعلیٰ خیبرپختونخوا محمد سہیل خان آفریدی کی قیادت میں صوبے کے مدارس میں تعلیمی، مطالعاتی اور تحقیقی سہولیات کو بہتر بنانے کے لیے عملی اقدامات کیے جا رہے ہیں۔
محکمہ اوقاف، حج، مذہبی و اقلیتی امور کے تحت صوبے کے 210 رجسٹرڈ مدارس میں نصابی کتب اور لائبریری فرنیچر کی فراہمی مکمل کر لی گئی ہے۔
🔹 210 رجسٹرڈ مدارس جن میں 140 بندوبستی اضلاع اور 70 ضم شدہ اضلاع میں واقع ہیں۔
🔹 11,760 نصابی کتب 8 تعلیمی درجات کے لیے فراہم کی جا رہی ہیں۔
🔹 ہر مدرسے کے لیے نصابی معاونت کے 7 سیٹس فراہم کیے جا رہے ہیں۔
🔹 2,940 فرنیچر آئٹمز جن میں 420 بک شیلف، 420 لائبریری ٹیبلز اور 2,100 کرسیاں شامل ہیں۔
ان اقدامات کا مقصد مدارس کے طلبہ کے لیے علم تک بہتر رسائی، مطالعے کے لیے سازگار ماحول اور تحقیق کے نئے مواقع پیدا کرنا ہے۔ ایک روشن مستقبل کی تعمیر اُس وقت ممکن ہے جب ہر بچے اور ہر طالب علم کو علم، تعلیم اور آگے بڑھنے کے یکساں مواقع میسر ہوں۔
