10/09/2026
⚠️ 916 آسامیوں کی بھرتی — کوہستان کے تینوں اضلاع کا حق کہاں ہے؟
ہیسکو نے حالیہ دنوں 916 لائن مین اور اسسٹنٹ لائن مین کی بھرتی کا اشتہار جاری کیا ہے۔ میری تشویش یہ ہے کہ یہ اشتہار عام اخبارات میں نمایاں طور پر شائع کرنے کے بجائے اپنے ایک ذاتی پیج پر جاری کیا گیا، جس کی وجہ سے بہت سے مقامی امیدوار اس اہم موقع سے بے خبر رہ گئے ہیں۔
اس سے بھی زیادہ اہم سوال بھرتی کے شفاف طریقۂ کار اور ضلعی کوٹے کا ہے۔
خود HAZECO کے جاری کردہ معیار میں واضح طور پر لکھا ہے کہ بھرتی مقامی بنیادوں پر کی جائے گی، یعنی HAZECO ریجن کے مقامی ڈومیسائل رکھنے والے افراد سے، جس میں یہ علاقے شامل ہیں:
ہری پور، ایبٹ آباد، مانسہرہ، تورغر، بٹگرام، کوہستان پالس، لوئر کوہستان اور اپر کوہستان۔
لیکن سوال یہ ہے کہ اگر بھرتی مقامی بنیادوں پر ہونی ہے تو ہر ضلع کے لیے کتنی آسامیاں مختص ہیں؟
916 آسامیوں کو 8 اضلاع میں تقریباً مساوی تقسیم کیا جائے تو فی ضلع تقریباً 114 سے 115 آسامیاں بنتی ہیں۔ لیکن اشتہار میں ضلع وار نشستوں کی واضح تقسیم سامنے نہیں لائی گئی۔ یہی وہ چیز ہے جس پر شفاف وضاحت ضروری ہے۔
خصوصاً تینوں کوہستانی اضلاع — اپر کوہستان، لوئر کوہستان اور کولائی پالس کوہستان — کے امیدواروں کا یہ حق ہے کہ انہیں واضح طور پر بتایا جائے کہ ان کے اضلاع کے لیے کتنی نشستیں مختص کی گئی ہیں اور میرٹ پر کن لوگوں کو بھرتی کیا جا رہا ہے۔
مجھے یہ بھی اطلاعات/تشویش ہے کہ لوئر کوہستان سے تقریباً 60 نام شامل کیے گئے ہیں، اور بعض امیدواروں کے حوالے سے ڈبلنگ یا صرف خانہ پُری کی شکایات بھی سامنے آ رہی ہیں۔ اگر یہ بات درست ہے تو اس کی مکمل اور غیر جانب دارانہ تحقیقات ہونی چاہیے۔
ہم کسی کا حق نہیں مانگ رہے، ہم اپنے علاقے کا جائز اور قانونی حق مانگ رہے ہیں۔
اس حوالے سے دیکھا جائے تو ہمارے تینوں کوہستان کے ٹوٹل 350 نوکریاں بنتی ہے
اسی لیے میں ان شاء اللہ لوئر کوہستان کی عدالت سے قانونی رجوع کرتے ہوئے بھرتی کے عمل میں شفافیت، ضلع وار کوٹے کی وضاحت اور میرٹ کو یقینی بنانے کے لیے قانونی درخواست دائر کرنے کا ارادہ رکھتا ہوں۔ ضرورت پڑنے پر متعلقہ فورمز، بشمول ہائی کورٹ، سے بھی رجوع کیا جائے گا۔
اسی طرح بٹگرام، تورغر اور دیگر اضلاع کے عوام سے بھی اپیل ہے کہ وہ اپنے اپنے اضلاع میں اس معاملے کو قانونی اور پُرامن طریقے سے اٹھائیں، تاکہ کسی بھی ضلع کے امیدواروں کے حق پر ڈاکا نہ پڑے۔
ہماری جدوجہد کا مقصد کسی فرد کو نشانہ بنانا نہیں بلکہ:
✅ ضلع وار نشستوں کی واضح تقسیم
✅ شفاف اور منصفانہ بھرتی
✅ مقامی ڈومیسائل کی پابندی
✅ ڈبلنگ اور جعلی/غیر شفاف ناموں کی مکمل جانچ
✅ میرٹ کی بنیاد پر تقرری
کو یقینی بنانا ہے۔
916 نوکریاں کسی کی ذاتی جاگیر نہیں۔ یہ عوامی ادارے کی بھرتی ہے اور عوام کو یہ جاننے کا مکمل حق ہے کہ ان کے ضلع کے حصے میں کتنی آسامیاں ہیں اور ان پر کون بھرتی ہو رہا ہے۔
میں اشتہار اور HAZECO کی جانب سے جاری کردہ کریٹیریا کا اصل صفحہ بھی ساتھ شیئر کر رہا ہوں۔ آپ خود پڑھیں، خود فیصلہ کریں اور سوال ضرور اٹھائیں
یہ ہمارا حق ہے اور عدالتوں سے بھی ہمیں انصاف نہ ملے تو انشاءاللہ ہر قسم کی قربانی دینے کے لیے تیار ہیں
