Kohistan Lower Police

02/08/2026

5 اگست یومِ شہدائے پولیس کے سلسلے میں ڈسٹرکٹ پولیس آفیسر کوہستان لوئر ظفر احمد خان کی ہدایت پر ضلع بھر کے اہم مقامات، تھانہ جات اور پولیس چوکیات پر شہدائے پولیس کو خراجِ عقیدت پیش کرنے کے لیے یادگاری بینرز آویزاں کر دیے گئے۔
یہ بینرز قوم کو شہدائے پولیس کی لازوال قربانیوں، بہادری اور وطن سے وفاداری کی یاد دلاتے ہیں۔ کوہستان لوئر پولیس شہداء پولیس کی عظیم قربانیوں کو سلام پیش کرتے ہوئے اس عزم کا اعادہ کرتی ہے کہ شہداء کی قربانیاں ہمیشہ یاد رکھی جائیں گی۔
شہداء پولیس ہمارا فخر، ہماری پہچان۔ 🇵🇰🕊️

01/08/2026

ڈی ایس پی ہیڈکوارٹر کی زیرِ نگرانی بازار میں غیر قانونی پارکنگ اور تجاوزات کے خلاف کارروائی

ڈسٹرکٹ پولیس آفیسر کوہستان لوئر کی ہدایات پر ڈی ایس پی ہیڈکوارٹر جوہر داد شاہ کی زیرِ نگرانی ایس ایچ او تھانہ پٹن، ٹریفک پولیس اور پولیس نفری نے پٹن بازار میں غیر قانونی پارکنگ، تجاوزات اور ٹریفک قوانین کی خلاف ورزی کرنے والوں کے خلاف کارروائی کی۔

کارروائی کے دوران متعدد گاڑیوں کے موقع پر چالان کیے گئے، جبکہ غیر قانونی پارکنگ، تجاوزات اور دیگر خلاف ورزیوں میں ملوث افراد کے خلاف مقدمات درج کرکےبندحوالات تھانہ کیا گیا۔

کوہستان لوئر پولیس عوام سے اپیل کرتی ہے کہ ٹریفک قوانین کی پابندی کریں، گاڑیاں صرف مقررہ مقامات پر پارک کریں، تجاوزات سے گریز کریں اور بازار میں ٹریفک کی روانی برقرار رکھنے کے لیے پولیس کے ساتھ تعاون کریں۔ قانون کی خلاف ورزی کرنے والوں کے خلاف بلاامتیاز قانونی کارروائی جاری رہے گی۔

31/07/2026

شہداء پولیس خیبرپختونخوا کو خراجِ عقیدت پیش کرنے کا سلسلہ جاری
ڈسٹرکٹ پولیس آفیسر کوہستان لوئر ظفر احمد خان کی ہدایت پر ڈی ایس پی سرکل بنکڈ رانولیاء گل خطاب عباسی نے شہید پولیس اہلکار ہدایت الرحمان شہید کے گھر جا کر ان کی فیملی سے ملاقات کی، ان کی خیریت دریافت کی اور اظہارِ یکجہتی کرتے ہوئے تحائف پیش کیے۔ اس موقع پر انہوں نے شہید کی وطن، عوام اور پولیس فورس کے لیے دی گئی عظیم قربانی، جرات اور فرض شناسی کو زبردست خراجِ تحسین پیش کرتے ہوئے کہا کہ شہداء پولیس ہمارا فخر اور قومی سرمایہ ہیں، جن کی لازوال قربانیوں کو کبھی فراموش نہیں کیا جا سکتا۔ انہوں نے یقین دلایا کہ خیبرپختونخوا پولیس اپنے شہداء کے اہل خانہ کی عزت، فلاح و بہبود اور ہر ممکن معاونت کے لیے ہمیشہ ان کے شانہ بشانہ کھڑی رہے گی۔
بعد ازاں ڈی ایس پی گل خطاب عباسی نے ہدایت الرحمان شہید کی قبر پر حاضری دی، پھولوں کی چادر چڑھائی، فاتحہ خوانی کی اور شہید کے ایصالِ ثواب کے لیے خصوصی دعا کی۔ اس موقع پر شہداء کے بلند درجات، ملک میں پائیدار امن، سلامتی اور خوشحالی کے لیے بھی دعا کی گئی۔
شہداء ہمارا فخر ہیں، ان کی عظیم قربانیاں ہمیشہ قوم کے دلوں میں زندہ رہیں گی۔

30/07/2026

30/07/2026

30/07/2026

ڈسٹرکٹ پولیس آفیسر کوہستان لوئر کی ہدایات پر ڈی ایس پی ہیڈکوارٹر جوہر داد شاہ کا بائیکا، رکشہ ڈرائیوروں اور ریڑھی بانوں کے ساتھ میٹنگ۔

میٹنگ میں بازار ٹریفک جام، غیر قانونی پارکنگ اور تجاوزات کے خاتمے کے حوالے سے تفصیلی گفتگو کی گئی۔ شرکاء کو ہدایت کی گئی کہ وہ ٹریفک قوانین کی مکمل پابندی کریں، گاڑیاں اور رکشے صرف مقررہ مقامات پر کھڑے کریں، سڑکوں پر رکاوٹ پیدا کرنے سے گریز کریں اور عوام کے ساتھ خوش اخلاقی سے پیش آئیں۔

بائیکا ڈرائیوروں کو ہیلمٹ کے استعمال کو ہر صورت یقینی بنانے کی ہدایت کی گئی، جبکہ ریڑھی بانوں کو مقررہ مقامات پر کاروبار کرنے کی تاکید کی گئی۔ ڈی ایس پی ہیڈکوارٹر نے واضح کیا کہ شہریوں کی سہولت اور ٹریفک کی روانی برقرار رکھنے کے لیے پولیس کے ساتھ تعاون ناگزیر ہے، بصورت دیگر قانون کی خلاف ورزی کرنے والوں کے خلاف قانونی کارروائی عمل میں لائی جائے گی۔

میٹنگ کے شرکاء نے کوہستان لوئر پولیس کے ساتھ مکمل تعاون کی یقین دہانی کرائی۔