09/07/2026
🚑🏥 *انسانیت کی ایک عظیم مثال - ٹی ایچ کیو ہسپتال کوٹ سلطان*
"پہلے" اور "بعد میں" کی یہ تصاویر صرف ایک تصویر نہیں، بلکہ انسانی ہمدردی اور فرض شناسی کی زندہ جاوید کہانی ہے۔
نامعلوم شخص، جو مبینہ طور پر نشے کی زیادتی کی وجہ سے نیم بے ہوشی کی حالت میں تھا، ریسکیو 1122 کی ٹیم نے فرض شناسی کا مظاہرہ کرتے ہوئے برقت ٹی ایچ کیو ہسپتال کوٹ سلطان منتقل کیا۔
ہسپتال لانے پر، *ایم ایس ڈاکٹر علی رضا* کی خصوصی نگرانی میں، *ڈسپنسر احمد سلیم ارشاد* اور دیگر عملے نے صرف اس کا طبی علاج ہی نہیں کیا، بلکہ اس کے ساتھ ایک مثالی انسانی سلوک بھی کیا۔
مریض کو نہ صرف طبی امداد دی گئی بلکہ ہسپتال لانے کے بعد اسے غسل دے کر، نئے اور صاف ستھرے کپڑے پہنائے گئے اور اسے ایک نیا، باوقار روپ دیا گیا۔ عملے کی اس ہمدردی نے ثابت کیا کہ انسانیت سب سے بڑا مذہب ہے۔
اب اس شخص کا علاج جاری ہے اور وہ بہتر ہو رہا ہے، لیکن ابھی اس کے لواحقین کی کوئی اطلاع نہیں ہے۔
ہم آپ سب سے اپیل کرتے ہیں کہ اس پوسٹ کو زیادہ سے زیادہ شیئر کریں تاکہ اس نامعلوم شخص کے لواحقین کا پتہ لگایا جا سکے۔ اگر آپ اس شخص کو پہچانتے ہیں تو براہ کرم ٹی ایچ کیو ہسپتال کوٹ سلطان کے ایمرجنسی ڈیپارٹمنٹ سے رابطہ کریں۔
اللہ تعالٰی ہم سب کو ایک دوسرے کی مدد کرنے کی توفیق دے۔ آمین!
