17/09/2026
عوام کا سوال
اگر دہشت گرد پہاڑوں میں موجود ہیں تو ریاست وہاں کارروائی کرے، دہشت گردی کا خاتمہ کرے۔
لیکن عام لوگوں کی بستیوں، گھروں اور بازاروں کو نشانہ بنا کر غریب عوام کی زندگی مشکل کیوں بنائی جائے؟
ایک انسان اپنی پوری زندگی محنت کرکے ایک گھر آباد کرتا ہے۔ اس گھر میں اس کے بچوں کا مستقبل، اس کی جمع پونجی اور اس کی پوری زندگی کی محنت شامل ہوتی ہے۔
اس گھر کو ایک دن میں خالی کروا دینا یا تباہ کر دینا صرف ایک مکان ختم کرنا نہیں، ایک خاندان کی پوری زندگی اجاڑنا ہے۔
ہم دہشت گردی کے خلاف کارروائی کے مخالف نہیں، لیکن ہمارا سوال ہے:
اگر مسئلہ دہشت گرد ہیں تو سزا دہشت گردوں کو دی جائے، عام عوام کو کیوں؟
پہاڑوں میں دہشت گردوں کے خلاف کارروائی کریں، مگر جہاں عام شہری آباد ہیں وہاں عوام کے جان و مال، گھروں اور عزت کا تحفظ بھی ریاست کی ذمہ داری ہے۔
آپریشن ہو، مگر عوام کی قیمت پر نہیں۔
امن قائم کریں، مگر لوگوں کے گھر نہ اجاڑیں۔
دہشت گردی ختم کریں، مگر بے گناہ عوام کی زندگی تباہ نہ کریں۔
یہ عوام دشمنی نہیں، عوام کے بنیادی حقوق کی بات ہے۔
