30/05/2024
*ایم کیو ایم پنجاب کے ڈیجیٹل میڈیا فوکل پرسن شیخ محمد اویس کے بھائی کے روڈ ایکسیڈنٹ میں انتقال کے بعد انکی ہمشیرہ بھی خالق حقیقی سے جا ملیں*
*حکومت پنجاب حادثے میں انتقال کرنے والے بہن بھائی کے خاندان کی داد رسی کرے اور حادثے میں ملوث سپیڈو بس سروس کے مالکان کیخلاف قانونی چارہ جوئی کرتے ہوئے مرحومین کو انصاف فراہم کرے، سید مصطفی کمال*
*ایم کیو ایم پاکستان کے سینئر رہنما سید مصطفی کمال کا شیخ محمد اویس کی ہمشیرہ کی شہادت پر درجات بلندی اور غمزدہ خاندان کیلئے صبر و استقامت کی دعا*
کراچی۔۔۔29 مئی 2024ء
متحدہ قومی موومنٹ پاکستان کے سینئر رہنما سید مصطفی کمال نے پنجاب سے تعلق رکھنے والے ڈیجیٹل میڈیا فوکل پرسن شیخ محمد اویس کی ہمشیرہ کی شہادت پر درجات بلندی اور غمزدہ خاندان کیلئے صبر و استقامت کی دعا، واضح رہے گزشتہ دنوں شیخ محمد اویس کے اہل خانہ کا روڈ ایکسیڈنٹ میں چھوٹے بھائی کا موقع پر ہی انتقال ہوگیا تھا گزشتہ روز ہمشیرہ بھی اپنے خالق حقیقی سے جا ملیں حادثے میں والد اور دو کزن بھی شدید زخمی ہوئے تھے جو کہ اسپتال میں زیر علاج ہیں۔ سید مصطفی کمال نے حکومت پنجاب سے بھی اپیل کی ہے کہ حادثے میں متاثرہ خاندان کی داد رسی کی جائے اور حادثے میں ملوث سپیڈو بس سروس کے مالکان کیخلاف قانونی چارہ جوئی کرتے ہوئے مرحومین کو انصاف فراہم کرے۔
٭٭٭٭٭
