JUI Tehsil Model Town Lahore

06/09/2026

مولانا محمد امجد خان صاحب کو امیر منتخب ہونے پر مبارکباد پیش کرتے ہیں ۔

05/09/2026

خطیب اسلام، حضرت مولانا،،امجد خان،، صاحب کو امیر جمعیت علماء اسلام پنجاب منتخب ہونے پر دل کی گہرائیوں سے,,مبارکباد,, پیش کرتے ہیں

منجانب
مولانا عبد المنان انبالوی

03/09/2026

03/09/2026

حجاز مقدس سے لاہور کی عوام کے نام پیغام
شیخ الحدیث مولانا مفتی عبد الحفیظ صاحب

31/08/2026

تمہاری وجہ سے ملک ٹوٹا ہے، 80 سال اس ملک کے پورے ہو رہے ہیں۔ تمہاری وجہ سے ہم اوپر سے نیچے کی طرف آ رہے ہیں۔ اپنے 80 سال کا محاسبہ کیجیے۔ ہر زمانے میں تم تھے، یا تم جیسے۔۔۔ اگر فکر تھی تو وہ بھی تمہارا مفاد تھا، اور جو آج ہم تنزّل میں گرے ہیں، وہ تمہارے اس 80 سالہ فکر و نظر اور 80 سالہ مفاداتی سیاست کے نتیجے میں ہم پہنچے ہیں یہاں تک۔

🔥اس کو اَنا کا مسئلہ کیوں بناتے ہو؟ یہ ملک کوئی صرف تمہارا ہے؟ یہ ملک ہمارا ہے، اور میں اپنے وطنِ عزیز کے ساتھ وفاداری کا آپ سے کوئی سرٹیفیکیٹ بھی نہیں لینا چاہتا، کیونکہ تم میرے لیے معیار نہیں ہو۔

📢امیر جےیوآئی مولانا فضل الرحمٰن کا سکھر میں خطاب

31/08/2026

31/08/2026

رپورٹ برائے علمی و فکری سیمینار
موضوع: ’شاہ ولی اللہ محدث دہلوی رحمہ اللہ تعالیٰ‘

تاریخ: 30 اگست 2026ء
مقام: لاہور
زیرِ اہتمام: جمعیۃ علماء اسلام (کاہنہ)، لاہور
زیرِ سرپرستی: مولانا مفتی خلیل احمد، سرپرست جمعیۃ علماء اسلام ماڈل ٹاؤن
صدارت: مولانا عبد المنان انبالوی، رہنما جمعیۃ علماء اسلام تحصیل ماڈل ٹاؤن لاہور

تمہید
مورخہ30 اگست 2026ء کو جمعیۃ علماء اسلام (کاہنہ)، لاہور کے زیراہتمام قائدِ لاہور مفتی عبدالحفیظ صاحب کی دعاؤں اور ہدایات کی روشنی میں ایک اہم علمی و فکری سیمینار منعقد کیا گیا۔ سیمینار کا موضوع برصغیر کی عظیم علمی شخصیت حضرت شاہ ولی اللہ محدث دہلوی رحمہ اللہ تعالیٰ تھا۔
قائدِ لاہور مفتی عبدالحفیظ صاحب اس وقت عمرہ کی سعادت کے لیے حرمین شریفین میں موجود ہیں، تاہم پروگرام کے حوالے سے ان کی خصوصی توجہات، دعائیں اور رہنمائی مسلسل شاملِ حال رہیں۔

سیمینار کی کارروائی
پروگرام کا آغاز تلاوتِ کلامِ پاک سے ہوا، جس کی سعادت مولانا منظور احمد چترالی نے حاصل کی۔ بعد ازاں حافظ محمد اسد عبداللہ نے بارگاہِ رسالت مآب ﷺ میں نعتِ رسولِ مقبول ﷺ پیش کی۔
اس کے بعد حافظ عرفان حیدر نے خطبۂ استقبالیہ پیش کیا اور معزز علماء کرام، اساتذہ، محققین، پروفیسرز اور دیگر شرکاء کو خوش آمدید کہا۔

مقررین کے خطابات
سیمینار میں مختلف علمی و فکری شعبوں سے تعلق رکھنے والے جید علماء، محققین اور نامور اساتذہ نے شرکت کی اور حضرت شاہ ولی اللہ محدث دہلوی رحمہ اللہ کی شخصیت اور علمی خدمات کے مختلف پہلوؤں پر تفصیلی گفتگو کی۔
مقررین نے بالخصوص حضرت شاہ ولی اللہ رحمہ اللہ کے علمی مقام، فلسفۂ فکر، تفسیری خدمات، اصلاحی جدوجہد، اجتہادی بصیرت اور انقلابی فکر پر محققانہ روشنی ڈالی اور واضح کیا کہ بارہویں صدی ہجری میں شاہ ولی اللہ رحمہ اللہ نے برصغیر کے علمی، دینی اور فکری منظرنامے پر گہرے اثرات مرتب کیے۔
سیمینار سے خطاب کرنے والے مقررین میں:
محترم جناب مکرمہ اشرف — ایم فل اسکالر
جناب محسن خواجہ — پروفیسر جی سی کالج لاہور
مولانا عبد الودود شاہد — رہنما جمعیۃ علماء اسلام پنجاب
مولانا پروفیسر سعید عاطف — استاد جامعہ فتحیہ لاہور
جناب امجد علی شاکر — سابق پرنسپل اسلامیہ کالج لاہور
مولانا مفتی رشید احمد علوی — پی ایچ ڈی اسکالر
شامل تھے۔
تمام مقررین نے اپنے اپنے موضوع پر نہایت علمی، مدلل اور فکر انگیز گفتگو کی۔ حاضرین نے مقررین کے خطابات کو انتہائی توجہ اور دلچسپی سے سنا۔ سیمینار کا علمی ماحول اس قدر مؤثر تھا کہ شرکاء ہر مقرر کی گفتگو سے بھرپور استفادہ کرتے رہے۔
شرکاء کی بھرپور شرکت
سیمینار میں شرکاء کی غیر معمولی دلچسپی دیکھنے میں آئی۔ ہال کھچا کھچ بھرا ہوا تھا جبکہ ہال کے باہر بھی بڑی تعداد میں لوگ موجود تھے۔ موسم کی گرمی کے باوجود شرکاء نے پروگرام میں بھرپور شرکت کی اور مقررین کی گفتگو کو توجہ سے سنا۔
پروگرام کی ایک نمایاں خصوصیت یہ بھی تھی کہ دعوت نامے پر کسی مقرر یا خطیب کا نام درج نہیں کیا گیا تھا۔ اس کے باوجود بڑی تعداد میں علماء، طلبہ، اساتذہ اور عوام نے شرکت کی۔
اسکاایک سبب یہ تھاکہ حلقہ کاہنہ کے ذمہ داران کی از حد محنت تھی۔۔۔اور
اس کا بنیادی سبب یہ تھا کہ پروگرام کو کسی شخصیت کے گرد نہیں بلکہ حضرت شاہ ولی اللہ محدث دہلوی رحمہ اللہ کے علمی و فکری افکار کے گرد ترتیب دیا گیا تھا۔ یوں پروگرام میں شخصیت پرستی کے بجائے علم، فکر اور اکابرین کے علمی ورثے کو مرکزیت حاصل رہی۔
*اختتامی نشست*
اختتام پر صدرِ مجلس مولانا عبد المنان انبالوی نے تمام مقررین، علماء کرام، مہمانان اور شرکاء کا تشریف آوری پر شکریہ ادا کیا۔ انہوں نے اپنے اختتامی کلمات میں اعلان کیا کہ:
یہ پروگرام ایک آغاز ہے، ان شاء اللہ آئندہ بھی اپنے اکابرین اور سلفِ صالحین کے علمی و فکری موضوعات پر ایسے پروگرامز کا سلسلہ جاری رکھا جائے گا۔
سیمینار کا اختتام مفتی نوید احمد لاہور کی دعا سے ہوا۔ بعد ازاں شرکاء کے لیے طعامِ ماحضر کا اہتمام کیا گیا۔
حاصلِ رپورٹ
یہ سیمینار حضرت شاہ ولی اللہ محدث دہلوی رحمہ اللہ کی علمی، فکری اور اصلاحی خدمات کو اجاگر کرنے کے حوالے سے ایک اہم اور قابلِ قدر کاوش تھی۔ پروگرام میں علماء، محققین، اساتذہ اور عوام کی بھرپور شرکت نے اس امر کو واضح کیا کہ اکابرینِ امت کے علمی و فکری ورثے سے آج بھی عوام و خواص گہری وابستگی اور دلچسپی رکھتے ہیں۔
مرتب:
حافظ عرفان حیدر

30/08/2026

لاہور: شاہ ولی اللہ محدث دہلویؒ سیمینار کی تصویری جھلکیاں

شاہ ولی اللہ محدث دہلویؒ کی دینی، فکری و اصلاحی جدوجہد، آزادی کے شعور، حکومت سازی اور عوامی بیداری سے متعلق مقررینِ کرام نے پرمغز گفتگو کی اور سامعین کو فکر و عمل کی نئی جہتوں سے روشناس کرایا۔

شیخ الحدیث مفتی عبد الحفیظ صاحب کی زیرِ سرپرستی منعقدہ سیمینار میں علاقے بھر کے علماء، معززین اور نوجوانوں نے بھرپور شرکت کی۔

منتظمین و معززین سیمنار
مولانا عبد المنان انبالوی صاحب، مولانا حافظ عرفان حیدر صاحب، مولانا خلیل احمد صاحب، مولانا افضال صاحب ، قاری زکریا رحیمی، مولانا بلال صاحب، حافظ شفیق صاحب، جناب بلال میر صاحب، مولانا عبد الوحید اشرفی صاحب، مولانا خرم شہزاد صاحب، مولانا عبد المتین صاحب، چوہدری عتیق گجر صاحب، حافظ نوید انجم صاحب و دیگر حضرات شامل تھے ۔

منجانب
جمعیت علمائے اسلام تحصیل ماڈل ٹاؤن لاہور