Commandant Malakand Levies

14/08/2026

✨ 14 اگست جشنِ آزادی کے موقع پر لیویز ہیڈکوارٹر ملاکنڈ میں ایک پروقار تقریب کا انعقاد

ڈپٹی کمشنر/کمانڈنٹ ملاکنڈ لیویز، محمد فیاض خان شیرپاؤ کی زیرِ نگرانی 14 اگست جشنِ آزادی کے موقع پر لیویز ہیڈکوارٹر ملاکنڈ میں ایک پروقار تقریب کا انعقاد کیا گیا۔ تقریب میں کمانڈنگ آفیسر 143 پاک آرمی، ایڈیشنل ڈپٹی کمشنر ( فنانس اینڈ پلاننگ) ملاکنڈ، ایڈیشنل اسسٹنٹ کمشنر درگئی اور صوبیدار میجر ملاکنڈ لیویز بھی شریک تھے۔

پروگرام کے آغاز پر ایک منٹ کیلئے سائرن بجایا گیا، جس کے بعد پرچم کشائی کی گئی۔ لیویز کے چاق و چوبند دستے کی جانب سے قومی پرچم کو سلامی پیش کی گئی اور قومی ترانہ گونج اُٹھا۔

تقریب کے اختتام پر ملک، وطنِ عزیز پاکستان اور تمام امتِ مسلمہ کی سلامتی، ترقی اور خوشحالی کے لیے خصوصی دعا بھی کی گئی.

14/08/2026

*جشن آزادی سپورٹس فیسٹیول 2026 کے سلسلے میں سائیکل ریس اور میراتھن ریس کا انعقاد*

صوبائی حکومت خیبر پختونخوا اور ڈپٹی کمشنر ملاکنڈ محمد فیاض خان شیرپاؤ کی ہدایات پر ضلعی انتظامیہ، پاک آرمی اور ڈسٹرکٹ سپورٹس آفس ملاکنڈ کے باہمی تعاون سے جشنِ آزادی کی مناسبت سے سائیکل ریس اور میراتھن ریس کا انعقاد کیا گیا۔

ریس ملاکنڈ فورٹ مین گیٹ سے ہیلی پیڈ ملاکنڈ فورٹ تک رکھی گئی، جس میں ملاکنڈ ڈویژن اور صوبے کے مختلف علاقوں سے تعلق رکھنے والے نوجوانوں نے بھرپور حصہ لیا۔

ڈپٹی کمشنر ملاکنڈ نے سپورٹس ایونٹ میں بطور مہمان خصوصی شرکت کی۔ دیگر شرکاء میں کمانڈنگ آفیسر ملاکنڈ فورٹ، ڈسٹرکٹ سپورٹس آفیسر اور صوبیدار میجر ملاکنڈ لیویز شامل تھے۔

ایونٹ کے اختتام پر ڈپٹی کمشنر ملاکنڈ اور کمانڈنگ آفیسر نے ریس میں پہلی، دوسری اور تیسری پوزیشن حاصل کرنے والے نوجوانوں میں انعامات تقسیم کئے اور ایونٹ کے کامیاب انعقاد پر تمام شرکاء اور منتظمین کا شکریہ ادا کیا۔

13/08/2026

🇵🇰 جشنِ آزادی مبارک! 🇵🇰

ڈپٹی کمشنر/کمانڈنٹ ملاکنڈ لیویز محمد فیاض خان شیرپاؤ کی خصوصی ہدایات کے مطابق ضلع ملاکنڈ میں جشنِ آزادی کی تمام تیاریاں مکمل کر لی گئی ہیں۔

ڈپٹی کمشنر آفس، سیکرٹریٹ، تمام لائن ڈیپارٹمنٹس اور ملاکنڈ لیویز کے تمام پوسٹوں، چوکیوں اور گاردات کو سبز و سفید قومی رنگوں اور خوبصورت برقی قمقموں سے شاندار انداز میں سجایا گیا ہے۔ 🇵🇰✨

اسی سلسلے میں لیویز پوسٹ بٹ خیلہ میں اسسٹنٹ کمشنر بٹ خیلہ شکیل احمد اور صوبیدار میجر ملاکنڈ لیویز نیک رحمان کی نگرانی میں جشنِ آزادی کے موقع پر شاندار آتش بازی کا مظاہرہ بھی کیا گیا، جس سے جشنِ آزادی کی خوشیاں دوبالا ہو گئیں۔ 🎆🇵🇰

پاکستان زندہ باد! 🇵🇰
ملاکنڈ لیویز پائندہ باد!

12/08/2026

11/08/2026

موسمِ برسات شجرکاری مہم کا آغاز

ڈپٹی کمشنر/کمانڈنٹ ملاکنڈ لیویز محمد فیاض خان شیرپاؤ نے دیودار (Cedrus deodara) کا پودا لگا کر موسمِ برسات شجرکاری مہم کا باقاعدہ آغاز کر دیا۔

اس موقع پر ڈسٹرکٹ فارسٹ آفیسر محمد وسیم بھی موجود تھے۔ شجرکاری مہم کے تحت ڈپٹی کمشنر کیمپ آفس کے آس پاس میوہ دار اور غیر میوہ دار اقسام کے 150 پودے لگائے گئے۔

ڈپٹی کمشنر نے اس موقع پر کہا کہ شجرکاری ماحولیاتی تحفظ، صاف ستھری فضا اور سرسبز و شاداب مستقبل کے لیے انتہائی اہم ہے۔ عوام بالخصوص نوجوان نسل کو چاہیے کہ وہ زیادہ سے زیادہ پودے لگائیں اور ان کی حفاظت کو بھی یقینی بنائیں۔

🌳 زیادہ درخت، صاف ماحول، محفوظ مستقبل

10/08/2026

جرائم پیشہ عناصر کے خلاف ملاکنڈ لیویز کی کارروائیاں جاری

ڈپٹی کمشنر/کمانڈنٹ ملاکنڈ لیویز محمد فیاض خان شیرپاؤ کی خصوصی ہدایات پر ضلع ملاکنڈ میں جرائم پیشہ عناصر کے خلاف کارروائیوں کا سلسلہ جاری ہے۔

اس سلسلے میں آج صوبیدار میجر ملاکنڈ لیویز نیک رحمان، لائن آفیسر انعام اللہ خان اور پوسٹ کمانڈر تھانہ سخاکوٹ سیف الرحمان نے بمعہ نفری تھانہ سخاکوٹ کے مختلف علاقوں میں جرائم پیشہ عناصر کے خلاف چھاپہ زنی کی۔

دورانِ کارروائی مشکوک مقامات پر ناکہ بندیاں کی گئیں، جبکہ منشیات فروشوں کے گھروں کے سامنے تعینات ملاکنڈ لیویز اہلکاروں کا بھی جائزہ لیا گیا اور انہیں مزید مؤثر نگرانی اور چوکس رہنے کے حوالے سے ضروری ہدایات جاری کی گئیں۔

ملاکنڈ لیویز کی جانب سے جرائم کے خاتمے، منشیات فروشوں کے خلاف کارروائی اور عوام کے جان و مال کے تحفظ کے لیے کارروائیاں مزید تیز کرنے کا عزم کیا گیا ہے۔

09/08/2026

ڈپٹی کمشنر/کمانڈنٹ ملاکنڈ لیویز محمد فیاض خان شیرپاؤ کی ہدایات پر بروقت اقدامات

ڈپٹی کمشنر/کمانڈنٹ ملاکنڈ لیویز محمد فیاض خان شیرپاؤ کی ہدایات کے مطابق آج اسسٹنٹ کمشنر بٹ خیلہ شکیل احمد اور صوبیدار میجر ملاکنڈ لیویز نیک رحمان نے نفری کے ہمراہ تھانہ قلنگئی کی حدود میں پیش آنے والے موٹر کار حادثے میں زخمی ہونے والے افراد کی ہسپتال میں عیادت کی۔

اس موقع پر ہسپتال انتظامیہ کو زخمیوں کو ہر ممکن طبی سہولیات فراہم کرنے اور علاج معالجے میں کسی قسم کی کوتاہی نہ برتنے کی ہدایات جاری کی گئیں۔

علاوہ ازیں، تھانہ تھانہ کی حدود میں گھریلو تنازعے کے دوران زخمی ہونے والے بچے کی بھی ہسپتال میں عیادت کی گئی۔
مذکورہ افسوسناک واقعے میں ایک شخص جاں بحق بھی ہوا، جبکہ ملاکنڈ لیویز نے بروقت کارروائی کرتے ہوئے قتل میں ملوث ملزمان کو آلۂ قتل سمیت گرفتار کرلیا ہے۔ مزید تفتیش جاری ہے۔