Deputy Commissioner MBDin

06/08/2026

السلام وعلیکم
یہ کنزیومر پروٹیکٹ ایپ جس میں پنجاب کنزیومر پروٹیکشن ایکٹ کے تحت بازار میں دوران خریداری عوام کو جو مسائل درپیش ہوتے ہیں ان کے بارے میں آپ گھر بیٹھے شکایت درج کروا سکتے ہیں. مثلاً
ریٹ لسٹ کا نہ لگا ہونا۔
آئٹم پہ ایکسپائری نہ لکھا ہونا یہ ایکسپائر ہونا.
سیل رسید جاری نہ کرنا۔
ناقص مصنوعات کی فروخت اور وارنٹی گارنٹی کلیم۔
ناقص سروسز مہیا کرنا۔
اپنی فراہم کردہ سروسز یا مصنوعات کے فوائد اور نقصانات کے بارے میں آگاہ نہ کرنا۔

اس ایپ کے ذریعے آپ اپنی شکایت درج کروا سکتے ہیں جس پر فوری ایکشن ہوگا

Click here to download
https://play.google.com/store/apps/details?id=com.gop.protectioncouncil.gop_protec_council

06/08/2026

وزیراعلیٰ پنجاب مریم نواز شریف کی زیر قیادت پی ڈی ایم اے پنجاب موسم برسات کے دوران ہنگامی صورتحال سے نمٹنے کے لیے ہر پل تیار

عوام احتیاط اپنائیں ___ ذمہ داری نبھائیں

06/08/2026

اب ہوگا ہر مسئلہ حل ✅
سوشل میڈیا پر مسائل کی نشاندہی پر عوام کے مسائل حل کرنے کا سلسلہ روزانہ کی بنیاد پر جاری ہے۔

05/08/2026

منڈی بہاءالدین: یومِ استحصالِ کشمیر کے موقع پر پرچم کشائی، ریلی اور کشمیری عوام سے اظہارِ یکجہتی

ڈپٹی کمشنر عدیل حیدر نے یومِ استحصالِ کشمیر کے موقع پر ضلع کونسل ہال میں پاکستانی اور کشمیری پرچموں کی پرچم کشائی کی۔ اس موقع پر سائرن بجایا گیا، ایک منٹ کی خاموشی اختیار کی گئی اور کشمیری عوام سے اظہارِ یکجہتی کے لیے ریلی بھی نکالی گئی۔

ریلی کی قیادت ڈپٹی کمشنر عدیل حیدر نے کی، جبکہ ضلعی افسران، سول سوسائٹی کے نمائندگان اور شہریوں کی بڑی تعداد نے شرکت کی۔ ریلی ضلع کونسل ہال سے شروع ہو کر مین پھالیہ روڈ پر اختتام پذیر ہوئی۔ شرکاء نے کشمیری عوام کے حق میں نعرے لگائے اور اقوام متحدہ کی قراردادوں کے مطابق مسئلہ کشمیر کے حل کے مطالبے پر زور دیا۔

ریلی کے شرکاء سے خطاب کرتے ہوئے ڈپٹی کمشنر عدیل حیدر نے کہا کہ 5 اگست 2019 جنوبی ایشیا کی تاریخ کا ایک سیاہ دن ہے، جب بھارت نے مقبوضہ جموں و کشمیر کی خصوصی حیثیت کو غیر قانونی طور پر ختم کرکے وہاں کے عوام کے بنیادی حقوق سلب کیے۔ انہوں نے کہا کہ یومِ استحصالِ کشمیر منانے کا مقصد کشمیری عوام کی اپنے حقِ خودارادیت کے لیے جاری جدوجہد، ان کی قربانیوں اور بھارتی مظالم کو دنیا کے سامنے اجاگر کرنا ہے۔

انہوں نے کہا کہ کشمیر پاکستان کی شہ رگ ہے اور پاکستانی قوم کشمیری عوام کی آزادی تک ان کے ساتھ کھڑی رہے گی۔ پاکستان کشمیریوں کی اخلاقی، سفارتی اور سیاسی حمایت جاری رکھے گا اور وہ دن دور نہیں جب کشمیری عوام کو ان کا حقِ خودارادیت حاصل ہوگا۔

یومِ استحصالِ کشمیر کے سلسلے میں اسسٹنٹ کمشنر پھالیہ اور اسسٹنٹ کمشنر ملکوال کی قیادت میں بھی ریلیاں نکالی گئیں، جن میں سرکاری افسران، طلبہ اور شہریوں نے شرکت کرتے ہوئے کشمیری عوام سے بھرپور یکجہتی کا اظہار کیا۔

05/08/2026

5 اگست - کشمیریوں سے اظہارِ یکجہتی کا دن

04/08/2026

ڈپٹی کمشنر عدیل حیدر نے زیر تعمیر سرکٹ ہاؤس کا دورہ کرکے جاری تعمیراتی کاموں، معیار اور رفتار کا تفصیلی جائزہ لیا۔

اس موقع پر متعلقہ افسران نے منصوبے پر ہونے والی پیش رفت اور تکمیل کے مختلف مراحل سے آگاہ کیا۔

ڈپٹی کمشنر نے تعمیراتی کام اعلیٰ معیار کے مطابق اور مقررہ مدت میں مکمل کرنے کی ہدایت کرتے ہوئے کہا کہ سرکاری ترقیاتی منصوبوں میں شفافیت، معیاری تعمیر اور بروقت تکمیل حکومت پنجاب کی اولین ترجیحات ہیں۔

انہوں نے متعلقہ حکام کو ہدایت کی کہ تعمیراتی معیار پر کسی قسم کا سمجھوتہ نہ کیا جائے اور منصوبے کی بروقت تکمیل کو ہر صورت یقینی بنایا جائے۔

04/08/2026

ڈپٹی کمشنر عدیل حیدر اور ڈسٹرکٹ پولیس آفیسر کامران عامر خان نے چہلم حضرت امام حسینؓ کے حوالے سے منعقدہ مجلس کے سیکیورٹی انتظامات کا جائزہ لینے کے لیے امام بارگاہ حسینیہ کا دورہ کیا۔

انہوں نے سیکیورٹی، داخلی و خارجی راستوں، واک تھرو گیٹس، سی سی ٹی وی مانیٹرنگ، پولیس نفری، ٹریفک پلان اور دیگر انتظامات کا تفصیلی معائنہ کیا۔

انہوں نے انتظامی و پولیس حکام کو ہدایت کی کہ مجالس اور جلوسوں کے دوران فول پروف سیکیورٹی، بہترین ٹریفک مینجمنٹ اور عوام کی سہولت کو ہر صورت یقینی بنایا جائے۔

ڈپٹی کمشنر عدیل حیدر اور ڈی پی او کامران عامر خان نے کہا کہ چہلم حضرت امام حسینؓ کے موقع پر امن و امان کا قیام ضلعی انتظامیہ اور پولیس کی اولین ترجیح ہے۔ تمام ادارے باہمی تعاون اور مربوط حکمتِ عملی کے تحت فرائض انجام دے رہے ہیں تاکہ عزاداران کو پرامن، محفوظ اور سہولت سے بھرپور ماحول فراہم کیا جا سکے۔

04/08/2026

ڈپٹی کمشنر منڈی بہاءالدین کی ہدایت پر واسا منڈی بہاؤالدین کے عملے کے لیے ریسکیو 1122 کے زیر اہتمام تربیتی سیشن کا انعقاد کیا گیا۔

تربیت کے دوران عملے کو ہنگامی صورتحال سے نمٹنے، ابتدائی طبی امداد، حفاظتی تدابیر، ریسکیو تکنیک، ذاتی حفاظتی سامان (PPE) کے درست استعمال اور سیوریج و ڈرینج کے دوران پیش آنے والے ممکنہ خطرات سے محفوظ رہنے کے حوالے سے عملی تربیت فراہم کی گئی۔

تربیتی سیشن کا مقصد واسا کے عملے کی پیشہ ورانہ صلاحیتوں میں اضافہ، دورانِ ڈیوٹی حفاظت کو یقینی بنانا اور کسی بھی ہنگامی صورتحال میں بروقت اور مؤثر ردعمل کی استعداد کو مزید بہتر بنانا تھا۔

04/08/2026

اسسٹنٹ کمشنر ملکوال سہیل ریاض کی نگرانی میں پیرا فورس نے گوجرہ میں تجاوزات کے خلاف سخت کارروائی کی

Enjoy the videos and music you love, upload original content, and share it all with friends, family, and the world on YouTube.