Hope Of Overseas Pakistani's

03/10/2026

ہوپ آف اوورسیز پاکستانیز (HOOP) کے مفت ووکیشنل ٹریننگ سنٹر، منڈی بہاؤالدین کے باقاعدہ آغاز کو مختلف ٹی وی چینلز اور اخبارات میں نمایاں کوریج دی گئی۔

تمام میڈیا اداروں اور نمائندگان کے شکر گزار ہیں جنہوں نے HOOP کی اس فلاحی کاوش کو عوام تک پہنچایا۔

02/10/2026

📺 اوورسیز بننے سے پہلے ہنرمند بنیے

Proud to see the “Become Skilled Before Going Overseas” initiative officially launched in Mandi Bahauddin under Hope of Overseas Pakistanis (HOOP).

The project also received coverage from various local media channels.

🎥 Here are a few highlights from the media coverage of the launch.

01/10/2026

تنظیم اور سوشل سرکل کی اہمیت

ایک مرتبہ میں نے افتخار حسین تارڑ صاحب سے پوچھا کہ ہوپ آف اوورسیز پاکستانیز کرتی کیا ہے؟ چند دن بعد وائٹ فیلڈ میں رزق ریسٹورنٹ پر دوستوں کی ایک خوشگوار بیٹھک ہوئی۔ سب اکٹھے بیٹھے، کھانا کھایا، گپ شپ ہوئی، ہنسی مذاق ہوا، خیالات اور تجربات شیئر ہوئے اور ایک بہت اچھا ماحول بنا۔ اسی دوران انہوں نے مسکراتے ہوئے کہا:

“ہوپ یہ کرتی ہے۔”

بات مزاح میں کہی گئی تھی، مگر اس ایک جملے میں تنظیمی اور سماجی زندگی کا ایک خوبصورت پہلو بھی موجود تھا۔

کسی بھی مثبت تنظیم کا مقصد صرف میٹنگز، منصوبوں اور رسمی سرگرمیوں تک محدود نہیں ہوتا۔ ایک اچھی تنظیم لوگوں کو ایک دوسرے کے قریب لاتی ہے، نئے تعلقات بنانے کا موقع دیتی ہے، پرانے تعلقات مضبوط کرتی ہے اور مختلف تجربات، صلاحیتوں اور شعبوں سے تعلق رکھنے والے افراد کو ایک دوسرے سے جوڑتی ہے۔ یوں لوگ ایک دوسرے سے سیکھتے بھی ہیں اور ضرورت کے وقت ایک دوسرے کے کام بھی آتے ہیں۔

اچھا سوشل سرکل انسان کی زندگی کا ایک قیمتی سرمایہ ہے۔ اعتماد، محبت، احترام، مشاورت اور تعاون پر قائم تعلقات نہ صرف مشکل وقت میں سہارا بنتے ہیں بلکہ ذہنی سکون، خوشی اور مجموعی صحت پر بھی مثبت اثر ڈالتے ہیں۔ انسان جب اچھے لوگوں کے ساتھ جڑا رہتا ہے تو تنہائی کا احساس کم ہوتا ہے، حوصلہ بڑھتا ہے اور زندگی کے مختلف مراحل میں اسے رہنمائی اور تعاون میسر آتا ہے۔ کبھی کسی کا تجربہ کام آتا ہے، کبھی ایک اچھا مشورہ، کبھی کوئی رابطہ، اور کبھی صرف کسی مخلص انسان کا ساتھ بہت بڑی طاقت بن جاتا ہے۔

اسی لیے عید ملن، ثقافتی پروگرام، دوستانہ بیٹھکیں، مشترکہ کھانا اور غیر رسمی ملاقاتیں بھی محض وقت گزارنے کی سرگرمیاں نہیں ہوتیں۔ ایسے مواقع لوگوں کو ایک دوسرے کو بہتر جاننے، اعتماد پیدا کرنے اور تعلقات مضبوط کرنے کا موقع دیتے ہیں۔ بہت سے مضبوط سماجی اور تنظیمی تعلقات ایسی ہی سادہ ملاقاتوں سے پروان چڑھتے ہیں۔

بلاشبہ ہوپ آف اوورسیز پاکستانیز اوورسیز پاکستانیوں کے مسائل کے حل، رہنمائی، داد رسی، فلاحی سرگرمیوں اور مختلف عملی شعبوں میں اپنا کردار ادا کرتی ہے، لیکن لوگوں کو ایک مثبت سوشل سرکل میں جوڑنا اور کمیونٹی کے اندر باہمی رابطے اور تعلقات کو مضبوط کرنا بھی ایک اہم خدمت ہے۔

تنظیمی زندگی کی اصل خوبصورتی یہی ہے کہ ہم مختلف مزاج، آرا اور سوچ رکھنے کے باوجود ایک دوسرے کی عزت کرنا سیکھیں۔ اختلاف کو تعلق ختم کرنے کا سبب بنانے کے بجائے برداشت اور سمجھ داری سے کام لیں، چھوٹی چھوٹی باتوں پر فاصلے پیدا نہ کریں، اچھے کام کی حوصلہ افزائی کریں اور جہاں ممکن ہو درگزر، خلوص اور محبت کے ساتھ تعلقات نبھائیں۔

آئیے، مثبت تنظیموں کا حصہ بنیں، اچھے لوگوں سے جڑیں، تعلقات کو نبھائیں، اختلاف کے باوجود احترام قائم رکھیں اور اپنے سوشل سرکل کو مضبوط بنائیں۔ کیونکہ مضبوط تعلقات ہی مضبوط افراد، مضبوط کمیونٹیز اور مضبوط تنظیموں کی بنیاد بنتے ہیں۔

تنظیمیں لوگوں سے بنتی ہیں، اور مضبوط تنظیمیں مضبوط کردار، باہمی اعتماد اور اچھے تعلقات رکھنے والے لوگوں سے پروان چڑھتی ہیں۔

حسنات احمد رانجھا
مرکزی سیکرٹری اطلاعات
ہوپ آف اوورسیز پاکستانیز

01/10/2026

🌍 ہوپ آف اوورسیز پاکستانیز کے زیرِ اہتمام “اوورسیز بننے سے پہلے ہنرمند بنیے” کے تحت منڈی بہاؤالدین میں نوجوانوں کے لیے بالکل مفت ووکیشنل ٹریننگ سینٹر کا باقاعدہ آغاز 🛠️

ہوپ آف اوورسیز پاکستانیز کے زیرِ اہتمام جھولانہ، علامہ اقبال ٹاؤن، منڈی بہاؤالدین میں قائم مرکزی دفتر میں آج نوجوانوں کے لیے بالکل مفت ووکیشنل ٹریننگ سینٹر کا باقاعدہ آغاز کر دیا گیا۔

اس موقع پر جنرل سیکرٹری چوہدری مدثر فیض رانجھا، وائس چیئرمین سید طاہر شاہ، ایڈیشنل فنانس سیکرٹری تنویر احمد طور اور لیگل ایڈوائزر دانش فیض رانجھا ایڈووکیٹ بھی موجود تھے۔

یہ فلاحی منصوبہ ان نوجوانوں کے لیے ایک اہم موقع ہے جو ہنر سیکھ کر اپنے مستقبل کو بہتر بنانا چاہتے ہیں، بالخصوص ایسے نوجوان جو پاکستان میں یا بیرونِ ملک باعزت روزگار کے خواہاں ہیں۔ اس پروگرام کا مقصد نوجوانوں کو صرف روزگار کی تلاش کے لیے تیار کرنا نہیں بلکہ انہیں ایسا عملی، فنی اور قابلِ استعمال ہنر فراہم کرنا ہے جس کی بدولت وہ خودکفیل بن سکیں اور بہتر معاشی مستقبل کی بنیاد رکھ سکیں۔

🔧 ٹریننگ سینٹر میں موبائل ریپئرنگ، الیکٹریکل ورک، پلمبنگ، فریج اور ایئر کنڈیشنر کی مرمت سمیت مختلف فنی کورسز بالکل مفت کروائے جائیں گے۔

میڈیا سے گفتگو کرتے ہوئے رہنماؤں نے کہا کہ نوجوانوں کو بیرونِ ملک جانے سے پہلے ہنرمند بنانا وقت کی اہم ضرورت ہے، تاکہ وہ بہتر تیاری، اعتماد اور مہارت کے ساتھ روزگار کے میدان میں آگے بڑھ سکیں اور غیر ضروری مشکلات یا دھوکے سے محفوظ رہیں۔

🎓 کورسز کامیابی سے مکمل کرنے والے شرکاء کو تصدیق شدہ سرٹیفکیٹس بھی فراہم کیے جائیں گے، جو انہیں پاکستان اور بیرونِ ملک بہتر روزگار کے مواقع حاصل کرنے میں معاون ثابت ہوں گے۔

✨ ہوپ آف اوورسیز پاکستانیز کی جانب سے یہ ایک نہایت احسن، عملی اور قابلِ تحسین اقدام ہے، جو نوجوانوں کو ہنرمند بنانے، انہیں اپنے پاؤں پر کھڑا کرنے اور ایک باعزت مستقبل کی طرف لے جانے کی حقیقی کوشش ہے۔

27/09/2026

🇵🇰 دیارِ غیر میں پاکستانی ثقافت کی خوبصورت جھلک — ہوپ آف اوورسیز پاکستانیز فرانس کے صدر چودھری محمد افضل لنگا کی اٹلی میں نیزہ بازی کے میدان میں شاندار کامیابی

اٹلی میں منعقد ہونے والے روایتی نیزہ بازی کے میلے میں ہوپ آف اوورسیز پاکستانیز فرانس کے صدر محترم چودھری محمد افضل لنگا صاحب نے شاندار کارکردگی کا مظاہرہ کرتے ہوئے مقابلہ اپنے نام کیا۔ ان کی اس قابلِ فخر کامیابی پر ہوپ آف اوورسیز پاکستانیز کی جانب سے دلی مبارکباد اور نیک تمنائیں پیش کرتے ہیں۔

اس کامیابی کی خوشی میں چودھری محمد افضل لنگا صاحب نے گزشتہ روز دوست احباب کے اعزاز میں ایک خوبصورت دعوت کا اہتمام کیا، جہاں اوورسیز پاکستانی کمیونٹی کے دوستوں نے اکٹھے ہو کر اس کامیابی کی خوشی منائی۔

دیارِ غیر میں مقیم پاکستانی اپنی محنت، صلاحیت اور کامیابیوں سے وطن کا نام روشن کرنے کے ساتھ ساتھ ایسی مثبت، صحت مند اور ثقافتی سرگرمیوں کے ذریعے پاکستانی تہذیب، روایات اور ثقافتی ورثے کو بھی زندہ رکھے ہوئے ہیں۔ ایسے اجتماعات اوورسیز پاکستانیوں کو ایک دوسرے کے قریب لانے، باہمی روابط مضبوط کرنے اور محبت، بھائی چارے اور کمیونٹی کے جذبے کو فروغ دینے کا خوبصورت ذریعہ ہیں۔

خصوصاً نئی نسل کو اپنی تہذیب، ثقافت اور روایات سے جوڑنے کے لیے ایسی سرگرمیوں کی حوصلہ افزائی نہایت اہم ہے۔

پاکستانی ثقافت ہماری پہچان، ہمارا ورثہ اور ہمارا فخر ہے۔ 🇵🇰

ہوپ آف اوورسیز پاکستانیز

26/09/2026

دعائے مغفرت و ایصالِ ثواب — بولٹن

صدر ہوپ آف اوورسیز پاکستانیز انگلینڈ محترم عدنان رشید تارڑ اور محترم چوہدری عظمت اللہ تارڑ کی والدہ محترمہ، جن کا گزشتہ دنوں پاکستان میں انتقال ہوگیا تھا، کے ایصالِ ثواب کے لیے آج مسجد اقصیٰ، بولٹن میں دعائے مغفرت و ایصالِ ثواب کی محفل کا اہتمام کیا گیا۔

اس موقع پر ہوپ آف اوورسیز پاکستانیز کی مرکزی و ملکی قیادت سمیت مختلف مکاتبِ فکر سے تعلق رکھنے والی کمیونٹی کی نمائندہ شخصیات اور احباب نے بڑی تعداد میں شرکت کی۔

شرکاء نے مرحومہ کے ایصالِ ثواب، مغفرت اور بلندیٔ درجات کے لیے اجتماعی دعا کی، جبکہ سوگوار خاندان اور تمام لواحقین کے لیے صبرِ جمیل کی دعا بھی کی گئی۔

اللہ تعالیٰ مرحومہ کی کامل مغفرت فرمائے، ان کے درجات بلند فرمائے، جنت الفردوس میں اعلیٰ مقام عطا فرمائے اور تمام لواحقین کو صبرِ جمیل عطا فرمائے۔ آمین یا رب العالمین

26/09/2026

پاکستان میں پہلی آفیشل میٹنگ — ایک اہم پیش رفت
جنرل سیکرٹری مدثر فیض رانجھا کی پاکستان آمد کے بعد پہلی آفیشل میٹنگ وائس چیئرمین سید طاہر شاہ، لیگل ایڈوائزر محسن رضا گوندل، لیگل ایڈوائزر دانش فیض رانجھا، صدر جرمنی ذوہیب گوندل اور ایڈیشنل ڈائریکٹر پیمرا عرفان گوندل صاحب کے ساتھ منعقد ہوئی۔

ملاقات کے دوران اوورسیز پاکستانیوں کو پاکستان میں پیش آنے والے مسائل اور مشکلات پر تفصیلی گفتگو کی گئی، جبکہ یکم اکتوبر سے شروع ہونے والے ہوپ آف اوورسیز پاکستانیز کے مرکزی دفتر میں فری کورسز کے حوالے سے بھی اہم امور زیرِ بحث آئے۔

اوورسیز پاکستانیوں کی بہتر رہنمائی، سہولت اور مسائل کے حل کے لیے باہمی مشاورت اور عملی اقدامات کے عزم کا اعادہ کیا گیا۔

26/09/2026

دلی مبارکباد اور نیک تمنائیں

ہوپ آف اوورسیز پاکستانیز کی مرکزی ایگزیکٹو، دنیا بھر میں قائم ملکی تنظیمات اور تمام وابستگان محترم محمد شعیب گھیگا صاحب، ایڈووکیٹ کو لیگل ٹیم میں بطور لیگل ایڈوائزر شامل ہونے پر دلی مبارکباد پیش کرتے ہوئے ان کا پُرتپاک خیرمقدم کرتے ہیں۔

محترم محمد شعیب گھیگا صاحب ایک معروف و ماہر قانون دان، باوقار، خوش اخلاق اور قابلِ احترام شخصیت ہیں، جو اسلام آباد اور راولپنڈی میں اپنی پیشہ ورانہ خدمات سرانجام دے رہے ہیں۔ ان کی قانونی مہارت، وسیع تجربہ اور پیشہ ورانہ صلاحیتیں تنظیم کے لیے ایک خوبصورت اور قابلِ قدر اضافہ ہیں۔

امید ہے کہ ان کی شمولیت بالخصوص اسلام آباد اور راولپنڈی میں اوورسیز پاکستانیوں کو مؤثر قانونی رہنمائی اور معاونت فراہم کرنے کی کاوشوں کو مزید تقویت دے گی۔

دعا ہے کہ اللہ تعالیٰ انہیں اوورسیز پاکستانی کمیونٹی کی خدمت میں بھرپور کامیابی عطا فرمائے۔ آمین۔

ہوپ آف اوورسیز پاکستانیز

26/09/2026