01/06/2026
**فیلڈ رپورٹ**
**محکمہ فشریز ضلع سوات**
**تاریخ: 01 جون 2026**
سیکرٹری لائیو اسٹاک و فشریز خیبرپختونخواہ، ڈائریکٹر جنرل فشریز خیبرپختونخواہ، اور ڈپٹی ڈائریکٹر فشریز سوات کی ہدایات کی روشنی میں محکمہ فشریز ضلع سوات کے فیلڈ اسٹاف نے ضلع بھر میں مختلف آبی ذخائر، دریاؤں اور ندی نالوں کا معائنہ کیا۔
فیلڈ ٹیموں نے دریائے سوات اور اس سے منسلک آبی گزرگاہوں میں مچھلیوں کے قدرتی ماحول کا جائزہ لیا اور غیر قانونی شکار کی روک تھام کے لیے نگرانی جاری رکھی۔ اس دوران مقامی ماہی گیروں سے ملاقاتیں کی گئیں اور انہیں فشریز قوانین، ممنوعہ شکار کے نقصانات اور آبی حیات کے تحفظ کی اہمیت سے آگاہ کیا گیا۔
عیدالاضحیٰ کے قریب آنے کے پیش نظر عوام کو دریاؤں اور نہروں میں آلائشیں، کچرا یا دیگر آلودہ مواد پھینکنے سے گریز کرنے کی تلقین کی گئی تاکہ آبی ماحول محفوظ رہے اور مچھلیوں کی افزائش متاثر نہ ہو۔
محکمہ فشریز ضلع سوات آبی وسائل کے تحفظ، مچھلیوں کی افزائش اور غیر قانونی ماہی گیری کے خاتمے کے لیے اپنی ذمہ داریاں بھرپور انداز میں انجام دے رہا ہے۔
** **
** **
** **
** **
** **
** **
** **
** **
** **
** **
** ** 🐟🌊
