21/06/2024
بانی پی ٹی آئی عمران خان کی رہائی اور مراد سعید کو تحفظ فراہم کرنے کیلئے مینگورہ میں احتجاجی مظاہرہ، مظاہرین کا عمران خان کی رہائی اور مراد سعید کو تحفظ فراہم کرنے کا مطالبہ، احتجاجی ریلی کی قیادت صوبائی وزیر جنگلات و ماحولیات فضل حکیم خان یوسفزئی نے کی، جس میں ممبران صوبائی سلطان روم، محمد نعیم اور پی ٹی آئی حلقہ پی کے 6 کے سینئر رہنماوں سمیت پارٹی کارکنوں اور عوام نے کثیر تعداد میں شرکت کی صوبائی وزیر نے خطاب کرتے ہوئے مطالبہ کیا کہ ناحق اور بے گناہ قید قائد عمران خان، بشری بی بی اور دیگر پارٹی رہنماؤں اور کارکنوں کو رہا کیا جائے اور سابق وفاقی وزیر فرزند سوات مراد سعید کو تحفظ دیا جائے انہوں نے کہا کہ پوری قوم کا سپریم کورٹ سے انصاف پر مبنی فیصلے کا انتظار ہے کہ عمران خان کی رہائی کا حکم دیں اور ہمارا چوری شدہ مینڈیٹ ہمیں واپس ملے، نہیں تو احتجاجی مظاہروں کا نہ رکنے والا سلسلہ جاری رہے گا اور یہ احتجاجی مظاہرے تب ہی ختم ہونگے جب تک ناحق قید بانی چیئرمین پی ٹی آئی عمران، بشریٰ بی بی اور دیگر پارٹی رہنماؤں و کارکنان کو رہائی نہیں ملتی اور مراد سعید کو تحفظ نہیں ملتا مظاہرین نے عمران خان اور مراد سعید کے حق میں نعرہ بازی کی اور ہاتھوں میں پلے کارڈ اٹھا رکھے تھے جس پر بانی چیئرمین تحریک انصاف عمران خان کو رہا کرنے اور مراد سعید کو تحفظ دینے کے الفاظ درج تھے صوبائی وزیر کا کہنا تھا کہ ہم اپنے قائد عمران خان کے ساتھ ڈٹ کر کھڑے ہیں پی ٹی آئی سوات کے کارکنان نے ہر موقع پر اول دستے کا کردار ادا کیا ہے انہوں نے کہا کہ پاکستانی عوام کے دلوں میں عمران خان رہتے ہیں ہم سب پاکستانیوں کا ایک ہی مطالبہ ہے کہ نا حق اور بے گناہ قید پارٹی قائد عمران خان سمیت دیگر پارٹی رہنماؤں اور کارکنوں کو فوری طور پر رہا کیا جائے اور ان کیخلاف جعلی درج ایف آئی آر کو ختم کیا جائے جبکہ فرزند سوات مراد سعید کو تحفظ فراہم کیا جائے انہوں نے کہا کہ ظلم کی تاریک رات ڈھلنے والی ہے اور ملک پر قابض نااہل حکمرانوں کی اصلیت پوری دنیا جان چکی ہے عمران خان جیل میں بھی سرخرو ہے انہوں نے واضح کیا کہ پی ٹی آئی محب وطن سیاسی جماعت ہے تمام ادارے ہمارے اپنے ہیں ہماری پارٹی انہیں نقصان پہنچانے کا تصور بھی نہیں کرسکتی آخر میں صوبائی وزیر جنگلات نے احتجاجی ریلی میں شرکت پر پی ٹی آئی کارکنان کا شکریہ بھی ادا کیا۔
