10/04/2026
پریس ریلیز
جمعیۃ طلباء اسلام پاکستان کا فہمیدہ لغاری کے واقعے پر شدید ردِعمل، تعلیمی اداروں میں ہراسگی کے بڑھتے واقعات پر اظہار تشویش
اسلام آباد/میرپورخاص:
جمعیۃ طلباء اسلام پاکستان کے مرکزی و صوبائی قائدین نے محمدی میڈیکل کالج میرپورخاص کی تھرڈ ایئر کی طالبہ فہمیدہ لغاری کی خودسوزی کے افسوسناک اور المناک واقعے پر گہرے رنج و غم اور شدید غصے کا اظہار کیا ہے۔
مرکزی صدر ملک محمد اویس اور جنرل سیکرٹری عبدالمنان کاکڑ نے اپنے مشترکہ بیان میں کہا کہ نمبر کم زیادہ دینے کے بہانے طالبات کو ہراساں کرنا اور انہیں ذہنی اذیت میں مبتلا کر کے موت کے دہانے تک پہنچانا ایک نہایت سنگین اور قابلِ مذمت جرم ہے۔ انہوں نے کہا کہ آئے روز تعلیمی اداروں سے نوجوان طالبات کی لاشوں کا ملنا پورے تعلیمی نظام اور متعلقہ انتظامیہ کی کارکردگی پر سوالیہ نشان ہے۔
انہوں نے افسوس کا اظہار کرتے ہوئے کہا کہ بدقسمتی سے ان واقعات کے پس منظر کو سنجیدگی سے نہیں دیکھا جاتا اور نہ ہی ذمہ داران کو قرار واقعی سزا دی جاتی ہے، جس کے باعث ایسے افسوسناک واقعات میں مسلسل اضافہ ہو رہا ہے۔
مرکزی ارکانِ مجلسِ عاملہ حافظ اختر علی، عبد الخالق صدیقی، ابوذر وزیر، حافظ سجاد قاسمانی، محکم دین بروہی، محمد عثمان قاسمی، ادریس سبحانی، ملک معین الدین، حافظ محمد عظیم، اکرام کھرل، حنین خان، صدیق اللہ شملانی، عبدالغفور سمالانی، جبکہ صوبائی صدور و جنرل سیکرٹریز طاہر شاہ، فرمان اللہ ایڈووکیٹ، ملک محمد عدیل، راؤ ساجد شمس ، اسامہ محمود ہالیجوی، محمد علی درس، حکمت اللہ کاکڑ، سرفراز احمد لانگو، آفتاب اللہ، محمد آفریدی، امیر اللہ وزیر ل، امین اللہ خاکسار اور دیگر ذمہ داران نے بھی اس واقعے کی شدید مذمت کی۔
اور مطالبہ کیا کہ
واقعے کی شفاف اور اعلیٰ سطحی تحقیقات فوری طور پر کرائی جائیں۔
ہراسگی میں ملوث عناصر اور طالبہ کو ذہنی اذیت دینے والے ذمہ داران کو فوری گرفتار کر کے قرار واقعی اور عبرتناک سزا دی جائے۔
تعلیمی اداروں میں طالبات کے تحفظ کو یقینی بنانے کے لیے مؤثر اور عملی اقدامات کیے جائیں تاکہ مستقبل میں ایسے سانحات کی روک تھام ہو سکے۔
آخر میں قائدین نے دعا کی کہ اللہ تعالیٰ مرحومہ فہمیدہ لغاری کو اپنے جوارِ رحمت میں جگہ عطا فرمائے اور لواحقین کو صبرِ جمیل نصیب فرمائے۔ آمین
شعبہ اطلاعات و نشریات
جمعیۃ طلباء اسلام پاکستان
Malik Awais
