04/09/2025
ننکانہ صاحب: سیلاب متاثرین کی امداد کے لیے سرگرم عمل
وزیرِاعلیٰ پنجاب کے ویژن اور ڈپٹی کمشنر ننکانہ محمد تسلیم اختر راؤ کی خصوصی ہدایات کی روشنی میں سب ڈویژنل انفورسمنٹ آفیسر رمشاء عبدالرحمن متاثرہ عوام کی امداد کے لیے متحرک ہیں۔ سیلاب سے متاثرہ علاقوں میں ریلیف سرگرمیوں کی نگرانی اور متاثرہ خاندانوں کو انتظامیہ کے تعاون سے ہر ممکن سہولیات کی فراہمی کو یقینی بنا رہی ہیں۔
امدادی کارروائیوں کے دوران متاثرین کو محفوظ مقامات پر منتقل کرنے، خوراک اور ضروری سامان کی فراہمی کے ساتھ ساتھ طبی سہولیات بھی فراہم کی جا رہی ہیں۔ انتظامیہ کا کہنا ہے کہ عوام کے جان و مال کے تحفظ کے لیے ہنگامی بنیادوں پر تمام تر وسائل بروئے کار لائے جا رہے ہیں۔
