22/05/2026
بونیر : وزیراعلیٰ خیبرپختونخوا محمد سہیل آفریدی اور صوبائی صدر جنید اکبر خان کی ہدایت پر امبیلا چوک بونیر میں مہنگائی، بدامنی، بانی چیئرمین عمران خان کی خراب صحت اور فوری ہسپتال منتقلی، ہر قسم کے ظلم و استحصال اور تمام سیاسی اسیران کی رہائی کے حق میں پُرامن احتجاج کا انعقاد کیا گیا۔
جنرل سیکرٹری ملک ارشد اقبال نے خطاب کرتے ہوئے کہا کہ عوام بڑھتی ہوئی مہنگائی، بے روزگاری اور بدامنی کے باعث شدید مشکلات کا شکار ہیں جبکہ سیاسی انتقام کے ذریعے مخالف آوازوں کو دبانے کی کوشش کی جا رہی ہے۔
انہوں نے مزید کہا کہ بانی چیئرمین عمران خان کی صحت پر شدید تشویش پائی جاتی ہے، لہٰذا انہیں فوری طور پر بہتر طبی سہولیات فراہم کرتے ہوئے ہسپتال منتقل کیا جائے۔ اس موقع پر تمام سیاسی اسیران کی فوری رہائی، آئین و قانون کی بالادستی، جمہوری اقدار کے تحفظ اور عوامی مینڈیٹ کے احترام پر بھی زور دیا گیا۔
احتجاجی مظاہرے سے ضلعی صدر کامران خان ، سابق ناظم تحصیل گدیزی سالارزئی شیر عالم خان ، عبید فرمان خان ، جاوید خان ، محمد رحیم عرف تورنانا، ضیاء حسین ، ریجنل کوآرڈینیٹر پارٹی منیجمنٹ سیل محمد شاہد خان ، اقبال خان ناوگئی ، سجاد خان ، ملک امان خان اور دیگر قائدین نے خطاب کیا ۔
