Additional Assistant Commissioner II Nowshera

Website

Additional Assistant Commissioner II Nowshera "Serving with integrity! Committed to public service, transparency, and accountability.

آج ایڈیشنل اسسٹنٹ کمشنر نوشہرہ محترمہ فاطمہ خالق نے آر ایچ سی خیشگی کلے اور بی ایچ یو بابا جی کلے نوشہرہ کا دورہ کیا۔ مع...
08/10/2026

آج ایڈیشنل اسسٹنٹ کمشنر نوشہرہ محترمہ فاطمہ خالق نے آر ایچ سی خیشگی کلے اور بی ایچ یو بابا جی کلے نوشہرہ کا دورہ کیا۔ معائنے کے دوران دونوں مراکزمیں بالخصوص میڈیکل افسران، ڈینٹل سرجنز اور فکسڈ پے پر تعینات نرسوں کی حاضری کے ریکارڈ کی تفصیلی جانچ پڑتال کی گئی۔ اس کے علاوہ دونوں مراکزِ صحت میں ادویات کا کافی ذخیرہ موجود پایا گیا جبکہ سولر سسٹم، پانی، واش رومز کی سہولیات اور آگ بجھانے والے آلات بھی فعال حالت میں دستیاب پائے گئے اور انتظامی لحاظ سے کسی قسم کی خامی یا مسئلہ رپورٹ نہیں ہوا۔

ایڈیشنل اسسٹنٹ کمشنر نوشہرہ محترمہ فاطمہ خالق نے آج رشکئی انٹرچینج کے مقام پر تجاوزات کے خاتمے اور سرکاری اراضی کی حد ب...
07/10/2026

ایڈیشنل اسسٹنٹ کمشنر نوشہرہ محترمہ فاطمہ خالق نے آج رشکئی انٹرچینج کے مقام پر تجاوزات کے خاتمے اور سرکاری اراضی کی حد برداری کے سلسلے میں دورہ کیا۔

دورے کے دوران ریونیو فیلڈ سٹاف، محکمہ این ایچ اے کے اسسٹنٹ ڈائریکٹر اور مقامی پولیس بھی ہمراہ تھی۔ موقع پر سرکاری زمین پر قائم عارضی تجاوزات کا تفصیلی جائزہ لیا گیا اور عارضی تجاوزات کو موقع پر ہٹا دیا گیا۔ ریونیو ریکارڈ کی روشنی میں سرکاری اراضی کی نشاندہی و حد برداری عمل میں لائی گئی۔

1. تجاوزات کی نشاندہی کے لیے *فیصل موورز اڈہ اور رشکئی / ڈائیوو اڈہ* کی حد برداری کی نگرانی کی گئی۔

2. *فیصل موورز اڈہ* کے مالک کو ایک ہفتے کے اندر چار دیواری تعمیر کرنے کی ہدایت دی گئی، جسے اس نے مقررہ مدت میں مکمل کرنے کی یقین دہانی کرائی۔

3. *این ایچ اے کے اسٹنٹ ڈائریکڑ کو ہدایت کی گئی کہ جہاں عارضی یوٹرن بنائے گئے ہیں وہاں خراب شدہ میڈین (درمیانی پٹی) کی مرمت کی جائے۔ مرمت کا کام جلد شروع کیا جائے گا۔

4. سڑک کی *مخالف سمت* پر قائم عارضی تجاوزات کو مسمار کر کے ہٹا دیا گیا۔
اس موقع پر ایڈیشنل اسسٹنٹ کمشنر نے ہدایت جاری کی کہ سرکاری اراضی پر کسی قسم کے ناجائز تجاوزات کو ہرگز برداشت نہیں کیا جائے گا، بصورت دیگر خلاف ورزی کرنے والوں کے خلاف قانونی کارروائی عمل میں لائی جائے گی۔

حد برداری کا عمل مکمل کر لیا گیا ہے جبکہ تجاوزات کے مکمل خاتمے تک کارروائیاں جاری رہیں گی۔

آج ضلعی انتظامیہ نوشہرہ نے ایجوکیشن ڈیپارٹمنٹس کے تعاون سے جی ایچ ایس نمبر 1 میں ’یومِ اساتذہ‘ کی پروقار تقریب کا انعقاد...
05/10/2026

آج ضلعی انتظامیہ نوشہرہ نے ایجوکیشن ڈیپارٹمنٹس کے تعاون سے جی ایچ ایس نمبر 1 میں ’یومِ اساتذہ‘ کی پروقار تقریب کا انعقاد کیا۔ تقریب کی میزبانی ڈسٹرک ایڈمنیسٹریشن کی جانب سے ایڈیشنل اسسٹنٹ کمشنر نوشہرہ میڈم فاطمہ خالق نے کی جبکہ اے ڈی سی (جی) میڈم سارہ ثواب اور اے اے سی اختر رسول صاحب نے خصوصی شرکت کی۔ اس موقع پر نمایاں کارکردگی والے اساتذہ کو شیلڈز اور اسناد پیش کی گئیں اور طلباء نے ملی نغمے پیش کیے۔ تقریب کا اختتام افسرانِ بالا کے تربیتی خطابات پر ہوا۔

آج ایڈیشنل اسسٹنٹ کمشنر نوشہرہ میڈم فاطمہ خالق نے نوشہرہ کلاں کی مختلف دکانوں میں این سی پی (نان کسٹم پیڈ) سگریٹس کے خل...
05/10/2026

آج ایڈیشنل اسسٹنٹ کمشنر نوشہرہ میڈم فاطمہ خالق نے نوشہرہ کلاں کی مختلف دکانوں میں این سی پی (نان کسٹم پیڈ) سگریٹس کے خلاف معائنے کیے، جن کے دوران این سی پی سگریٹس کا ذخیرہ ضبط کیا گیا اور خلاف ورزی کرنے والوں کو قانون کے مطابق کارروائی کے لیے عدالت طلب کر لیا گیا۔

**راشکئی میں قائم بس اڈہ جات (ڈائیوو و فیصل موورز) کے قریب تجاوزات کے خاتمے سے متعلق اہم اجلاس**عوام الناس کی سہولت، ٹری...
02/10/2026

**راشکئی میں قائم بس اڈہ جات (ڈائیوو و فیصل موورز) کے قریب تجاوزات کے خاتمے سے متعلق اہم اجلاس**

عوام الناس کی سہولت، ٹریفک کی روانی کو بہتر بنانے اور سڑکوں کو تجاوزات سے پاک رکھنے کے لیے ایڈیشنل اسسٹنٹ کمشنرنوشہرہ،میڈم فاطمہ خالق کی زیرِ صدارت آج ایک اہم اجلاس منعقد ہوا، جس میں راشکئی کے مقام پر ڈائیوو اور نیو فیصل موورز بس اڈوں کے قریب موجود تجاوزات اور ٹریفک کی روانی میں حائل رکاوٹوں کا تفصیلی جائزہ لیا گیا۔

اجلاس میں درج ذیل متعلقہ فریقین نے شرکت کی:

* دونوں بس اڈوں، ڈائیوو اور فیصل موورز، کے مالکان/نمائندگان
* موٹروے مینٹیننس کے اسسٹنٹ ڈائریکٹر
* انچارج ٹریفک پولیس
* ریونیو سٹاف، بشمول پٹواری اور متعلقہ ٹیم
* این ایچ اے (NHA) کے نمائندگان
* ٹی-ایم-اے نوشہرہ

**اہم فیصلے و پیشرفت:**

**حدبندی اور تجاوزات کا خاتمہ:**
تمام اہم اسٹیک ہولڈرز کے باہمی اتفاقِ رائے سے بس اڈوں کی حدود کی باقاعدہ نشاندہی (Demarcation) اور تجاوزات کے فوری خاتمے کے لیے ایک جامع لائحہ عمل تیار کر لیا گیا ہے، جس پر جلد عمل درآمد شروع کیا جائے گا۔

**نوٹسز کا اجراء:**
این ایچ اے (NHA) حکام کی جانب سے متعلقہ فریقین کو پہلے ہی قانونی نوٹسز جاری کیے جا چکے ہیں۔

**چار دیواری اور داخلی و خارجی راستوں کی تعمیر:**
دونوں بس اڈوں کے مالکان نے اس امر پر اتفاق کیا کہ وہ اپنے متعلقہ اڈوں کی حدود کے اندر مناسب چار دیواری قائم اور برقرار رکھیں گے، جبکہ گاڑیوں کی آمد و رفت کو منظم رکھنے کے لیے علیحدہ داخلی (In) اور خارجی (Out) گیٹس بھی تعمیر کیے جائیں گے۔

**سروس روڈ پر گاڑیوں کی پارکنگ کی ممانعت:**
دونوں بس اڈوں کے مالکان نے اس بات پر بھی اتفاق کیا کہ ان کی بسیں اور دیگر گاڑیاں سروس روڈ پر پارک نہیں کی جائیں گی، بلکہ تمام گاڑیاں بس اڈوں کی مقررہ حدود اور چار دیواری کے اندر ہی کھڑی کی جائیں گی تاکہ ٹریفک کی روانی متاثر نہ ہو اور عوام کو کسی قسم کی دشواری کا سامنا نہ کرنا پڑے۔

ڈائیلاسز وارڈ قاضی حسین احمد میڈیکل کمپلیکس نوشہرہ کا دورہ و معائنہڈپٹی کمشنر نوشہرہ جناب گوہر زمان کی خصوصی ہدایات پر، ...
02/10/2026

ڈائیلاسز وارڈ قاضی حسین احمد میڈیکل کمپلیکس نوشہرہ کا دورہ و معائنہ

ڈپٹی کمشنر نوشہرہ جناب گوہر زمان کی خصوصی ہدایات پر، ایڈیشنل اسسٹنٹ کمشنر نوشہرہ میڈم فاطمہ خالق نے قاضی حسین احمد میڈیکل کمپلیکس نوشہرہ کے ڈائیلاسز وارڈ کا تفصیلی معائنہ کیا۔ یہ دورہ عوام کی جانب سے مختلف فورمز پر ڈائیلاسز سہولت میں درپیش مشکلات اور شکایات کے پیش نظر کیا گیا۔

معائنے کے دوران اہم نکات:

فعال مشینیں: اس وقت وارڈ میں 5 ڈائیلاسز مشینیں مکمل طور پر فعال ہیں اور مریضوں کو علاج کی سہولت فراہم کر رہی ہیں۔

خراب مشین و سپلائی مسئلہ: 1 ڈائیلاسز مشین سپیئر پارٹس کی خرابی کے باعث غیر فعال ہے۔ ہسپتال انتظامیہ کی جانب سے درکار سامان کا آرڈر پہلے ہی دیا جا چکا ہے، تاہم ٹرانسپورٹ اور راستوں کے مسائل کے باعث سپلائر کی جانب سے سامان کی فراہمی میں تاخیر ہوئی۔

مریضوں کا اضافی بوجھ: فعال مشینوں کے ذریعے روزانہ 13 سے 14 مریضوں کا ڈائیلاسز کیا جا رہا ہے۔ مردان اور ملحقہ علاقوں میں ڈائیلاسز سہولت کی عدم دستیابی کی وجہ سے دیگر اضلاع کے مریض بھی یہاں کا رخ کرتے ہیں، جس سے اس سینٹر پر بوجھ بڑھ جاتا ہے اور بعض اوقات مریضوں کو دوسرے ہسپتالوں میں ریفر کرنا پڑتا ہے۔

فارمیسی اور صحت کارڈ کا جائزہ: دورے کے دوران ہسپتال فارمیسی کا بھی معائنہ کیا گیا اور صحت کارڈ پلس سہولت کی فراہمی کو چیک کیا گیا۔ زیرِ علاج اور موقع پر موجود مریضوں سے ہسپتال کی جانب سے فراہم کردہ صحت کارڈ سہولیات کے بارے میں راست معلومات اور فیڈ بیک بھی حاصل کیا گیا۔

ہدایات:

ایڈیشنل اسسٹنٹ کمشنر نے ہسپتال انتظامیہ کو سخت ہدایات جاری کیں کہ غیر فعال ڈائیلاسز مشین کی جلد از جلد مرمت یقینی بنائی جائے تاکہ تمام مشینیں فعال ہو سکیں اور تمام مریضوں کو صحت کارڈ کے تحت بلا تعطل اور بہتر طبي سہولیات میسر آئیں۔

ایڈیشنل اسسٹنٹ کمشنر نوشہرہ, میڈم فاطمہ خالق نے ڈھیری کٹی خیل، حکیم آباد کا دورہ کیا، جہاں محکمہ ریلوے کی جانب سے محکمہ ...
29/09/2026

ایڈیشنل اسسٹنٹ کمشنر نوشہرہ, میڈم فاطمہ خالق نے ڈھیری کٹی خیل، حکیم آباد کا دورہ کیا، جہاں محکمہ ریلوے کی جانب سے محکمہ مواصلات و تعمیرات (C&W) کی طرف سے مبینہ طور پر راستہ استعمال کرنے کے واجبات کی عدم ادائیگی کے باعث ریلوے پھاٹک بند کر دیا گیا تھا۔

ریلوے پھاٹک کی بندش سے عوام کی آمد و رفت میں شدید مشکلات پیدا ہو رہی تھیں۔ ایڈیشنل اسسٹنٹ کمشنر نے محکمہ ریلوے کے حکام سے مذاکرات کیے، جس کے نتیجے میں پھاٹک کو کامیابی سے دوبارہ کھول دیا گیا۔

مزید برآں، محکمہ ریلوے اور محکمہ مواصلات و تعمیرات کے متعلقہ حکام کو دفتر طلب کر لیا گیا ہے تاکہ معاملے کو قانون کے مطابق مستقل بنیادوں پر حل کیا جا سکے۔

ایڈیشنل اسسٹنٹ کمشنر نوشہرہ محترمہ فاطمہ خالق نے آج گورنمنٹ گرلز پرائمری سکول رحیم آباد بدرشی کا تفصیلی دورہ کیا۔دورے ک...
28/09/2026

ایڈیشنل اسسٹنٹ کمشنر نوشہرہ محترمہ فاطمہ خالق نے آج گورنمنٹ گرلز پرائمری سکول رحیم آباد بدرشی کا تفصیلی دورہ کیا۔
دورے کے دوران سکول انتظامیہ سے ملاقات کی اور سکول کی مجموعی صورتحال، سہولیات اور تدریسی عمل کا جائزہ لیا۔

معائنے کے دوران مندرجہ ذیل مسائل سامنے آئے: کمروں کی شدید کمی سکول میں صرف 2 کمرے دستیاب ہیں جن میں بغیر کسی پارٹیشن کے بیک وقت 2، 2 کلاسز چلائی جا رہی ہیں جس سے تدریسی عمل میں شدید مشکلات کا سامنا ہے۔
سولرائزیشن کا فقدان:* سکول میں شمسی توانائی (سولرائزیشن) کی سہولت موجود نہیں ہے۔

برآمدے میں کلاسز کا انعقاد* کمروں کی کمی کے باعث طلباء کو مجبوراً برآمدے میں بیٹھ کر تعلیم حاصل کرنا پڑ رہی ہے جہاں بجلی کی سہولت بھی موجود نہیں۔
سٹاف روم اور واش رومز کی عدم دستیابی سکول میں سٹاف روم موجود نہیں ہے۔ اس کے علاوہ صرف 2 واش رومز ہیں جو کہ ناکارہ / غیر فعال ہیں۔

اس سلسلے میں مسائل کے فوری تدارک کے لیے متعلقہ حکام کو ہدایات جاری کر دی گئیں تاکہ طالبات کو بہتر تعلیمی ماحول فراہم کیا جا سکے۔

Address

District Courts Nowshera
Nowshera
24170

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Additional Assistant Commissioner II Nowshera posts news and promotions. Your email address will not be used for any other purpose, and you can unsubscribe at any time.

Shortcuts

Share

Category