16/07/2026
ایم ڈی پیڈیاٹرکس کی ڈگری حاصل کرنے پر ڈاکٹر عاطر بھٹی کو مبارکباد
پسرور: چونڈہ کی ایک علمی اور سماجی فیملی کے سپوت چاٸلڈ سپیشلسٹ ڈاکٹر عاطر بھٹی ولد وقار احمد بھٹی نے کامیابی کے ساتھ ایم ڈی (پیڈیاٹرکس) کی ڈگری حاصل کر لی ہے، جس پر اہلِ خانہ، دوستوں اور طبی حلقوں کی جانب سے انہیں مبارک پیش کی جا رہی ہے۔
ڈاکٹر عاطر بھٹی نے سوشل میڈیا پر جاری اپنے پیغام میں سابق ایم ایس پسرور ڈاکٹر محمد جنید کو یاد کرتے ہوئے کہا گیا کہ ان کی رہنمائی اور حوصلہ افزائی ہمیشہ یاد رہے گی۔ پیغام میں اس عزم کا اظہار بھی کیا گیا کہ محنت کبھی رائیگاں نہیں جاتی اور مسلسل جدوجہد ہی کامیابی کی ضمانت بنتی ہے۔
ڈاکٹر عاطر بھٹی کی اس نمایاں کامیابی پر دوستوں اور عزیزوں نے نیک تمناؤں کا اظہار کرتے ہوئے ان کے روشن مستقبل کے لیے دعا کی ہے۔
