JTI Chitral Halqa Peshawar

13/05/2026

جمعیت طلبہ اسلام چترال حلقہ پشاور کے زیرِ اہتمام 14 مئی بروز جمعرات جمعیت اسلامیہ دارالعلوم سرحد پشاور شہر میں ایک پروقار تقریب کا انعقاد کیا جا رہا ہے۔ اس تقریب میں نو منتخب صدر، جنرل سیکرٹری اور کابینہ کے اراکین کی حلف برداری عمل میں لائی جائے گی۔ اس موقع پر اکابرِ علماء، ذمہ داران اور کارکنان کی بڑی تعداد شریک ہوگی۔ تمام احباب سے شرکت کی گزارش ہے۔

11/05/2026

جے ٹی آئی حلقہ پشاور کی نئی کابینہ کا پہلا اجلاس، تنظیمی ذمہ داریاں تفویض

پشاور: جے ٹی آئی حلقہ پشاور کی نومنتخب کابینہ کا پہلا اجلاس صدر حافظ سجاد مقصود اور جنرل سیکرٹری ذیشان کی سربراہی میں منعقد ہوا، جس میں تنظیمی امور، آئندہ سرگرمیوں اور ذمہ داریوں کی تقسیم کے حوالے سے تفصیلی مشاورت کی گئی۔

اجلاس میں نومنتخب کابینہ کے اراکین نے شرکت کی اور حلقہ پشاور میں تنظیمی نظم و ضبط کو مزید بہتر بنانے، طلبہ کی رہنمائی، دعوتی و تربیتی سرگرمیوں کو فعال کرنے اور باہمی رابطوں کو مضبوط بنانے کے حوالے سے مختلف تجاویز پیش کیں۔

اجلاس کے دوران کابینہ کے اراکین کو مختلف شعبہ جات کی ذمہ داریاں تفویض کی گئیں تاکہ تنظیمی کام منظم انداز میں آگے بڑھ سکے۔ شرکاء نے اس عزم کا اظہار کیا کہ جے ٹی آئی حلقہ پشاور کو مزید فعال بنانے، طلبہ کے مسائل اجاگر کرنے اور تنظیمی اہداف کے حصول کے لیے بھرپور کردار ادا کیا جائے گا۔

اجلاس میں نومنتخب صدر حافظ سجاد مقصود اور جنرل سیکرٹری ذیشان نے تمام ذمہ داران پر زور دیا کہ وہ اخلاص، نظم و ضبط اور باہمی مشاورت کے ساتھ اپنی ذمہ داریاں انجام دیں تاکہ تنظیمی سرگرمیوں میں بہتری اور تسلسل برقرار رہے۔

08/05/2026

جمعیت طلبہ اسلام چترال حلقہ پشاور کے سالانہ انتخابات 7 مئی 2026 بروز جمعرات جامعہ اسلامیہ دارالعلوم سرحد پشاور میں نہایت شاندار، منظم اور پُرجوش انداز میں منعقد ہوئے۔

اس موقع پر نو منتخب صدر قاری سجاد احمد مقصود صاحب اور نو منتخب جنرل سیکرٹری قاری ذیشان صاحب کو دلی مبارکباد پیش کرتے ہیں اور ان کے لیے نیک خواہشات کا اظہار کرتے ہیں۔ امید ہے کہ وہ اپنی صلاحیتوں، اخلاص اور بہترین حکمتِ عملی کے ذریعے تنظیمی امور کو مزید بہتر بنانے میں اہم کردار ادا کریں گے۔

شعبہ نشر و اشاعت
جمعیت طلباء اسلام چترال حلقہ پشاور

06/05/2026

05/05/2026

"إِنَّا لِلّٰهِ وَإِنَّا إِلَيْهِ رَاجِعُونَ"
"موتُ العالِمِ موتُ العالَم"
(ایک عالم کی موت، گویا پورے جہان کی موت ہے)
نہایت رنج و غم اور گہرے دکھ کے ساتھ یہ اندوہناک خبر موصول ہوئی کہ عالمِ اسلام کی ممتاز علمی و روحانی شخصیت، شیخ المشائخ، استاد العلماء والصلحاء، حضرت مولانا محمد ادریس ترنگزئی رحمہ اللہ جامِ شہادت نوش فرما کر اپنے خالقِ حقیقی سے جا ملے۔
حضرت کی شہادت امتِ مسلمہ کے لیے ایک عظیم سانحہ ہے۔ آپ کی پوری حیاتِ مبارکہ اشاعتِ قرآن و حدیث، خدمتِ دین اور اعلائے کلمۃ اللہ کے لیے وقف رہی۔ آپ ایک جید عالم، محدث، فقیہ اور مرشدِ کامل تھے جن کی علمی خدمات اور روحانی فیوض سے ایک وسیع حلقہ مستفید ہوتا رہا۔
جمعیت طلبہ اسلام چترال حلقہ پشاور اس عظیم سانحے پر گہرے رنج و غم کا اظہار کرتی ہے اور حضرت مرحوم کے پسماندگان، تلامذہ اور متعلقین کے ساتھ دلی ہمدردی اور تعزیت کا اظہار کرتی ہے۔
ہم دعا گو ہیں کہ اللہ تعالیٰ حضرت شیخ رحمہ اللہ کی شہادت کو شرفِ قبولیت عطا فرمائے، انہیں جنت الفردوس میں اعلیٰ مقام نصیب فرمائے اور ان کے درجات بلند فرمائے۔
اللہ تعالیٰ تمام لواحقین کو صبرِ جمیل اور اجرِ عظیم عطا فرمائے۔ آمین
منجانب:
عبدالجواد
صدر، جمعیت طلبہ اسلام چترال حلقہ پشاور
و جملہ اراکینِ کابینہ

04/05/2026

امیدواربراۓ صدارت،حافظ سجادالرحمٰن

03/05/2026

امیدوار براۓصدارت، عبدالرحمن الحذیفی

03/05/2026

رحمت للعالمین ﷺ صرف تاجدارِ کائنات حضرت محمد مصطفیٰ ﷺ ہیں

اللہ تعالیٰ نے قرآنِ مجید میں واضح ارشاد فرمایا:
وَمَا أَرْسَلْنَاكَ إِلَّا رَحْمَةً لِّلْعَالَمِينَ
یعنی اللہ رب العزت نے اپنے محبوب نبی حضرت محمد مصطفیٰ ﷺ کو تمام جہانوں کے لیے رحمت بنا کر مبعوث فرمایا۔ یہ عظیم لقب، یہ بے مثال مقام اور یہ شان صرف اور صرف خاتم النبیین ﷺ کا حق ہے۔

لہٰذا اس مقدس لقب کو کسی اور کے لیے استعمال کرنا اہلِ ایمان کے دلوں کو زخمی کرنے اور امتِ مسلمہ کے جذبات مجروح کرنے کے مترادف ہے، جس کی ہم شدید ترین الفاظ میں مذمت کرتے ہیں۔

جمعیت طلبہ اسلام چترال حلقہ پشاور واضح اعلان کرتی ہے کہ ناموسِ رسالت ﷺ، عقیدہ ختمِ نبوت اور مقامِ مصطفیٰ ﷺ پر کوئی سمجھوتہ ہرگز قبول نہیں۔ ہم متعلقہ اداروں سے مطالبہ کرتے ہیں کہ اس گستاخانہ حرکت میں ملوث عناصر کو فوری طور پر قانون کے مطابق گرفتار کیا جائے اور انہیں قرار واقعی، عبرتناک اور دردناک سزا دی جائے تاکہ آئندہ کوئی ایسی جسارت کی ہمت نہ کر سکے۔

ہم تمام اہلِ ایمان سے اپیل کرتے ہیں کہ ناموسِ رسالت ﷺ کے تحفظ کے لیے متحد رہیں اور پرامن، قانونی اور مؤثر آواز بلند کریں۔

اللہ تعالیٰ ہمیں عشقِ رسول ﷺ پر ثابت قدم رکھے۔ آمین۔

منجانب:
جمعیت طلبہ اسلام چترال حلقہ پشاور

01/05/2026

📣 اعلانِ سالانہ انتخابات (2026ء)
​جمیعت طلبہ اسلام چترال (حلقہ پشاور)
​تمام معزز اراکین، ذمہ داران اور کارکنان کو مطلع کیا جاتا ہے کہ جمیعت طلبہ اسلام چترال، حلقہ پشاور کے سالانہ انتخابات کا انعقاد کیا جا رہا ہے۔ وہ تمام ساتھی جو تنظیمی ذمہ داریوں کے ذریعے خدمت کا جذبہ رکھتے ہیں، اس جمہوری عمل کا حصہ بنیں۔
​🗓️ پروگرام کی تفصیلات
​تاریخ: 6 مئی 2026ء (بروز جمعرات)
​وقت: بعد از نمازِ عشاء
​مقام: جامعہ اسلامیہ دارالعلوم سرحد، پشاور
​🗳️ امیدواروں کے لیے ہدایات
​جو احباب درج ذیل عہدوں کے لیے الیکشن لڑنے کے خواہشمند ہیں:
​صدارت (President)
​نظامت (General Secretary)
​وہ اپنا نام اور اپنے جامعہ کا نام درج ذیل واٹس ایپ نمبرز پر فوری ارسال کریں:
​📞 0343-9436671
​📞 0345-1747767
​📞 0348-9734512
​⚠️ ضروری نوٹ
​"انتخابی عمل کو شفاف اور منظم بنانے کے لیے اپنے نام بروقت ارسال کرنا لازمی ہے۔"
​منجانب:
جمیعت طلبہ اسلام چترال، حلقہ پشاور

03/01/2026

چترال سے تعلق رکھنے والے تمام احباب کو اس بابرکت محفل میں شرکت کرنے کی اپیل کی جاتی ہے ،🙏

28/12/2025

علم و عمل کی محفل، کردار سازی کا سنگ میل
سالانہ دستارِ فضیلت و تربیتی کنونشن

رابطہ کمیٹی جمعیت علماء اسلام چترال (حلقہ پشاور) اور جمعیت طلباء اسلام چترال (حلقہ پشاور) کے زیرِ اہتمام ایک عظیم الشان، پرنور اور روح پرور دستارِ فضیلت و تربیتی کنونشن کا انعقاد کیا جا رہا ہے جو نہ صرف طلبہ کی علمی و دینی کامیابی کا جشن ہے بلکہ ان کی تربیت، فکری رہنمائی، اور اصلاحِ معاشرہ کا بھی ایک بابرکت ذریعہ ہے۔

یہ وہ اجتماع ہے جہاں:

دین کے خادم اپنی پُرخلوص محنت کا ثمر پاتے ہیں۔
علماء کرام کی زیرِ سایہ نوجوان نسل کو کردار، اخلاص، اور فہم دین کی روشنی عطا کی جاتی ہے۔
اکابرینِ جمعیت کی صحبت میں ایمان کو تازگی اور یقین کو استقامت نصیب ہوتی ہے۔
طلبۂ کرام
کی دستاربندی کے ساتھ ساتھ ان کی فکری و عملی رہنمائی کی جاتی ہے۔

یہ پروگرام جمعیت کی اُس علمی و تحریکی روایت کا تسلسل ہے جو دلوں کو جوڑتی ہے، قوم کے نوجوانوں کو فکری بیداری عطا کرتی ہے، اور دین کی سربلندی کے سفر میں ان کے قدم مضبوط کرتی ہے۔

آئیے!
اس مقدس و تاریخی اجتماع کا حصہ بنیں،
علم و تربیت کے چراغ روشن کریں،
اور جمعیت کی عظیم تحریک کو مضبوطی سے تھام لیں۔