31/08/2026
گڈ گورننس روڈ میپ (GGRM) کے تحت خیبر پختونخوا کی جیلوں میں قیدیوں کی صحت اور علاج معالجے کے نظام میں اصلاحات کی جانب اہم پیش رفت
انسپکٹوریٹ جنرل آف پرزنز خیبر پختونخوا میں انسپکٹر جنرل آف پرزنز، جناب ریحان گل خٹک کے زیرِ صدارت ایک اہم اجلاس منعقد ہوا، جس میں صوبے کی جیلوں میں قیدیوں کو جدید اور بروقت طبی سہولیات کی فراہمی کے لیے اہم فیصلوں اور اقدامات پر تفصیلی غور کیا گیا۔
اجلاس میں ڈی آئی جی ہیڈکوارٹرز محترمہ نیلم سلطانہ خٹک، ڈی آئی جی فائنانس اینڈ پلاننگ جناب حشمت اللہ خان، ڈی آئی جیز پشاور اور مردان ریجنز، سپرنٹنڈنٹس سنٹرل جیل پشاور، مردان اور ہری پور، میڈیکل آفیسر مردان، سینیئر میڈیکل آفیسر ہری پور، پولیس سروسز ہسپتال کی ٹیکنیکل ٹیم سمیت انسپکٹوریٹ جنرل جیل خانہ جات کے ڈپٹی ڈائریکٹر پروکیورمنٹ، اسسٹنٹ ڈائریکٹر جنرل اور نیٹ ورک ایڈمنسٹریٹرز نے شرکت کی۔
اجلاس کے دوران جیلوں میں قیدیوں کو جدید طبی سہولیات کی فراہمی اور ماہر ڈاکٹروں سے بروقت رابطے کے لیے پولیس سروسز ہسپتال اور ماہر ڈاکٹروں کے ساتھ ٹیلی میڈیسن نیٹ ورک کے قیام پر تفصیلی غور کیا گیا۔
ٹیلی میڈیسن کے اس جدید نظام کے ذریعے قیدیوں کو جیل کے اندر ہی ماہر ڈاکٹروں سے طبی مشاورت اور علاج کی سہولت فراہم کرنے کے امکانات کا جائزہ لیا گیا، جس سے مریض قیدیوں کو بروقت تشخیص، مشاورت اور بہتر علاج کی سہولت میسر آئے گی۔
اجلاس میں 21 اگست 2026ء کو تشکیل دی گئی ٹیکنیکل اور پروکیورمنٹ کمیٹیوں کے Terms of Reference (TORs) کا بھی تفصیلی جائزہ لیا گیا، تاکہ منصوبے پر شفاف، مؤثر اور مربوط انداز میں عمل درآمد کو یقینی بنایا جا سکے۔
انسپکٹر جنرل آف پرزنز ریحان گل خٹک نے اجلاس سے خطاب کرتے ہوئے کہا کہ گڈ گورننس روڈ میپ کے تحت جیلوں میں اصلاحات کا بنیادی مقصد قیدیوں کو بنیادی انسانی ضروریات اور معیاری سہولیات کی فراہمی کو یقینی بنانا ہے۔ انہوں نے کہا کہ صحت اور علاج معالجے کی سہولیات قیدیوں کے بنیادی حقوق میں شامل ہیں اور جدید ڈیجیٹل ٹیکنالوجی کے استعمال سے ان سہولیات کو مزید مؤثر اور قابلِ رسائی بنایا جا سکتا ہے۔
انہوں نے کہا کہ ٹیلی میڈیسن نیٹ ورک کے قیام سے بالخصوص سنٹرل جیل پشاور، سنٹرل جیل مردان اور سنٹرل جیل ہری پور میں قیدیوں کو ماہر ڈاکٹروں تک بہتر اور بروقت رسائی حاصل ہوگی، جس سے علاج معالجے کے نظام میں بہتری کے ساتھ ساتھ جیلوں کے طبی بنیادی ڈھانچے کو بھی مزید مضبوط بنایا جا سکے گا۔
یہ اقدام خیبر پختونخوا کے جیل اصلاحات کے نظام میں جدید ٹیکنالوجی کے استعمال کی جانب ایک اہم پیش رفت ہے، جو قیدیوں کے لیے معیاری طبی سہولیات، بروقت علاج اور صحت کی خدمات کی مؤثر فراہمی کو یقینی بنانے میں مددگار ثابت ہوگا۔
اجلاس کے اختتام پر انسپکٹر جنرل آف پرزنز خیبر پختونخوا، جناب ریحان گل خٹک نے تمام متعلقہ افسران اور حکام پر زور دیا کہ وہ حکومتِ خیبر پختونخوا کے گڈ گورننس روڈ میپ (GGRM) کے تحت شروع کیے گئے اس اہم اور انقلابی قدم کو بھرپور ذمہ داری، مربوط حکمتِ عملی اور مؤثر انداز میں کامیابی سے نافذ کریں۔
PMRU Khyber Pakhtunkhwa
Government of Khyber Pakhtunkhwa
Directorate General Information & PRs, KP
Chief Minister Khyber Pakhtunkhwa
Chief Secretary Khyber Pakhtunkhwa
Iftikhar ullah Jan
Home & Tribal Affairs Department Khyber Pakhtunkhwa
