24/08/2026
سرکاری آٹے سے متعلق سوشل میڈیا پر وائرل ویڈیو کی حقیقت/عوامی آگاہی کے لیے اہم وضاحت
سوشل میڈیا پر ایک پرانی ویڈیو وائرل کی جا رہی ہے، جس کے ذریعے یہ تاثر دینے کی کوشش کی جا رہی ہے کہ خیبرپختونخوا میں سرکاری آٹے کو سبز تھیلے سے نکال کر عام تھیلوں میں پیک کیا جا رہا ہے اور مارکیٹ ریٹ پر فروخت کیا جا رہا ہے۔
حقیقت یہ ہے کہ وائرل ویڈیو کا خیبرپختونخوا کے موجودہ سرکاری آٹے سے کوئی تعلق نہیں۔
یہ دراصل سال 2022-23 کی پنجاب کی سرکاری آٹے کے تھیلے سے متعلق ایک پرانی ویڈیو ہے۔ ویڈیو میں نظر آنے والے تھیلے پر موجود لوگو، ڈیزائن اور درج شدہ قیمت واضح طور پر اس بات کی نشاندہی کرتے ہیں کہ یہ خیبرپختونخوا کے موجودہ سرکاری آٹے کا تھیلا نہیں ہے۔
لہٰذا شہریوں سے گزارش ہے کہ سوشل میڈیا پر گردش کرنے والی ایسی پرانی ویڈیوز کو موجودہ صورتحال سے منسلک کرنے سے گریز کریں اور غیر مصدقہ معلومات کو آگے شیئر کرنے سے پہلے اس کی تصدیق ضرور کریں۔
