03/06/2026
انا للہ وانا الیہ راجعون
جمعیت علماء اسلام پی کے 73 کے امیر قاری حضرت حسین ظرافت اور تمام ذمہ داران و کارکنان نے مفتی فضل غفور صاحب کی والدہ ماجدہ کے انتقال پر گہرے رنج و غم اور افسوس کا اظہار کیا ہے۔
اپنے تعزیتی بیان میں انہوں نے کہا کہ مرحومہ ایک نیک، صالحہ، پرہیزگار اور دین دار خاتون تھیں جنہوں نے اپنی زندگی اسلامی اقدار کے مطابق بسر کی۔ ان کی وفات اہلِ خانہ، عزیز و اقارب اور متعلقین کے لیے ایک بڑا صدمہ ہے۔
جمعیت علماء اسلام پی کے 73 اللہ تعالیٰ کے حضور دعا گو ہے کہ وہ مرحومہ کی کامل مغفرت فرمائے، ان کی لغزشوں سے درگزر کرے، انہیں جنت الفردوس میں اعلیٰ مقام عطا فرمائے اور ان کی قبر کو جنت کے باغوں میں سے ایک باغ بنائے۔
ہم مفتی فضل غفور صاحب اور تمام اہلِ خانہ کے غم میں برابر کے شریک ہیں اور دعا کرتے ہیں کہ اللہ تعالیٰ انہیں اور تمام پسماندگان کو صبرِ جمیل، ہمت اور استقامت عطا فرمائے۔
آمین یا رب العالمین۔
