امن و اتحاد ویلفیئر فاونڈیشن پنڈدادن خان

25/08/2026

اختلاف اپنی جگہ، محبت اور احترام اپنی جگہ۔
مسلک اور رائے کا اختلاف ہمیں ایک دوسرے سے دور کرنے کے بجائے ایک دوسرے کو سمجھنے کا ذریعہ بننا چاہیے۔ ہم سب سے پہلے مسلمان ہیں، اس لیے ضروری ہے کہ اختلافِ رائے کے باوجود ایک دوسرے کا احترام کریں، نفرت سے بچیں اور محبت، برداشت اور انسانیت کو فروغ دیں۔
آئیں اختلاف رکھیں، مگر نفرت نہیں۔
اتحاد، احترام اور بھائی چارے کو اپنا شعار بنائیں۔ 🇵🇰🤝

24/08/2026

2010 میں شروع ہونے والا UET ٹیکسلا انجینئرنگ یونیورسٹی کیمپس پنڈ دادن خان آج بھی تکمیل کا منتظر ہے۔

تعلیم جیسے اہم منصوبے کو سیاست کی بھینٹ نہیں چڑھنا چاہیے۔ اگر یہ کیمپس مکمل ہو جائے تو تحصیل پنڈ دادن خان سمیت پورے علاقے کے نوجوانوں کے لیے اعلیٰ اور فنی تعلیم کے نئے دروازے کھل سکتے ہیں۔

خدارا اس منصوبے کو مکمل کریں، نوجوانوں کے مستقبل کو مزید انتظار نہ کروائیں۔

21/08/2026

صفائی صرف حکومت کی ذمہ داری نہیں، ہم سب کی ذمہ داری ہے۔
اگر حکومت نے ہماری سہولت کے لیے مقررہ جگہوں پر کوڑا دان اور باکس رکھ دیے ہیں تو ہمیں بھی ان کا درست استعمال کرنا چاہیے۔ سہولت حکومت دے سکتی ہے، لیکن اس سہولت کا صحیح استعمال کرنا ہماری ذمہ داری ہے۔
اگر کوڑا دان موجود ہونے کے باوجود کچرا سڑکوں، گلیوں اور بازاروں میں پھینکا جائے اور باکس خالی پڑے رہیں تو پھر صرف انتظامیہ کو قصوروار ٹھہرانا درست نہیں۔ ہمیں بھی اپنے رویوں پر غور کرنا ہوگا اور اپنے اندر تبدیلی لانا ہوگی۔
آئیں عہد کریں کہ کوڑا مقررہ جگہ اور باکس میں ہی ڈالیں گے، اپنے اردگرد صفائی کا خیال رکھیں گے اور اپنے بچوں کو بھی صفائی کی عادت سکھائیں گے۔ کیونکہ صاف ماحول صرف خوبصورتی نہیں بلکہ صحت مند زندگی کی ضرورت ہے۔
آج ہماری ایک چھوٹی سی ذمہ داری ہمارے بچوں کو کل ایک صاف، صحت مند اور خوبصورت شہر دے سکتی ہے۔
یہ شہر ہمارا ہے، اسے صاف رکھنا بھی ہماری ذمہ داری ہے۔

18/08/2026

Writing
خراب فلٹر پلانٹ کی فوری بحالی کی اپیل
گورنمنٹ گرلز ہائی سکول پنڈدادن خان کے ساتھ نصب فلٹر پلانٹ کافی عرصے سے خراب پڑا ہے۔ اس فلٹر پلانٹ سے سکول کی بچیاں اور محلہ کوٹ سلطان عالم شاہ، خیرشاہ سمیت تین محلوں کی کثیر آبادی صاف پانی حاصل کرتی تھی، مگر پلانٹ بند ہونے کے باعث اہلِ علاقہ اس بنیادی سہولت سے محروم ہیں۔
اسسٹنٹ کمشنر صاحبہ پنڈدادن خان سے مؤدبانہ اپیل ہے کہ سکول کھلنے سے قبل اس فلٹر پلانٹ کی فوری مرمت کروائی جائے تاکہ سکول کی طالبات اور اہلِ علاقہ دوبارہ صاف اور محفوظ پانی کی سہولت سے مستفید ہو سکیں۔
صاف پانی ہر شہری کا بنیادی حق ہے۔
آئیے، اس اہم عوامی مسئلے کے حل کے لیے آواز اٹھائیں۔ 🤲
اہلِ علاقہ پنڈدادن خان

14/08/2026