21/07/2026
پشتونخوا ملی عوامی پارٹی کے رہنماؤں کی ظہور خان کے انتقال پر گہرے رنج و غم کا اظہار
پشتونخوا ملی عوامی پارٹی تحصیل حرمزئی کے کلی ٹانگی ابتدائی یونٹ کے ایگزیکٹو ممبر ظہور خان دل کا دورہ پڑنے کے باعث انتقال کر گئے۔ مرحوم سابق یونٹ سیکرٹری نصیر خان، قدر احمد اور جمیل احمد کے بھائی تھے۔
پشتونخوا ملی عوامی پارٹی کے صوبائی صدر قہار خان ودان، صوبائی نائب صدر شراف آغا، ضلع پشین کے صدر عمر خان ترین، تحصیل حرمزئی کے صدر مناف وکیل اور جنرل سیکرٹری سید ولی جان آغا نے اپنے مشترکہ تعزیتی بیان میں مرحوم کے انتقال پر گہرے دکھ اور افسوس کا اظہار کرتے ہوئے سوگوار خاندان سے دلی ہمدردی اور تعزیت کا اظہار کیا۔
رہنماؤں نے کہا کہ اس غم کی گھڑی میں پشتونخوا ملی عوامی پارٹی مرحوم کے اہلِ خانہ کے ساتھ کھڑی ہے اور ان کے دکھ میں برابر کی شریک ہے۔
انہوں نے دعا کی کہ اللہ تعالیٰ مرحوم ظہور خان کو اپنی جوارِ رحمت میں اعلیٰ مقام عطا فرمائے، ان کی مغفرت فرمائے، درجات بلند کرے اور پسماندگان کو یہ صدمہ صبر و حوصلے کے ساتھ برداشت کرنے کی توفیق عطا فرمائے۔ آمین۔
