Times Of Quetta

Times Of Quetta BalochistanAwamiPartyofficailNews

Times of Quetta is a digital news & media platform dedicated the stories, culture, development, and voices of Quetta and Balochistan & reliable news, social insights, and public interest content, we aim to inform, inspire, the true spirit of the region.

06/10/2026

ولی عہد شہزادہ پرنس محمد خان احمدزئی

ڈائریکٹر جنرل گوادر ڈویلپمنٹ اتھارٹی معین الرحمن خان کی زیر صدارت آباد ایسوسی ایشن آف بلڈرز اینڈ ڈیولپرز اور گوادر بلڈرز...
06/10/2026

ڈائریکٹر جنرل گوادر ڈویلپمنٹ اتھارٹی معین الرحمن خان کی زیر صدارت آباد ایسوسی ایشن آف بلڈرز اینڈ ڈیولپرز اور گوادر بلڈرز اینڈ ڈویلپرز ایسوسی ایشن کا اجلاس منعقد ہوا

گوادر : ڈائریکٹر جنرل گوادر ڈویلپمنٹ اتھارٹی معین الرحمن خان کی زیر صدارت آباد ایسوسی ایشن آف بلڈرز اینڈ ڈیولپرز اور گوادر بلڈرز اینڈ ڈویلپرز ایسوسی ایشن (GBDA) کا اجلاس منعقد ہوا، جس میں گوادر میں قائم مختلف رہائشی، کمرشل اور انڈسٹریل ہاؤسنگ اسکیموں سے متعلق ترقیاتی سرگرمیوں، الاٹیز کی شکایات، زمین سے متعلق مسائل اور بنیادی سہولیات کی فراہمی کا تفصیلی جائزہ لیا گیا۔اجلاس میں گوادر میں قائم ہاؤسنگ اسکیموں میں ترقیاتی کاموں کی سست روی، الاٹیز کو پلاٹس کا قبضہ نہ ملنے اور دیگر متعلقہ شکایات کا بھی جائزہ لیا گیا۔ اس حوالے سے نیب سمیت متعلقہ اداروں کو موصول ہونے والی شکایات اور تحفظات پر بھی تفصیلی تبادلہ خیال کیا گیا۔اجلاس میں جی ڈی اے کی جانب سے ڈائریکٹر ٹاؤن پلاننگ شاہد علی، چیف انجینئر جی ڈی اے سید محمد، ڈپٹی ڈائریکٹر ٹاؤن پلاننگ عبدالرزاق، آباد گوادر چیپٹر کے کنوینر اور ممبر ایگزیکٹو کمیٹی عفان قریشی، آباد کے کو کنوینر حاجی عبدالغنی، محمود یعقوب، ارشاد علی شاد، منصور ہوت، عبدالسلام اور شبیر بلوچ نےشرکت کی۔اجلاس میں آباد کے وائس چیئرمین سید خورشید عالم، کرنل (ر) مقبول آفریدی، گوادر بلڈرز اینڈ ڈویلپرز ایسوسی ایشن (GBDA) کے صدر احمد اقبال بلوچ، سیکریٹری جنرل باسط ملک، فیصل ادریس، محمود اے خان، شماز عثمان، ہمایوں سعید اور فہد احسن نے بذریعہ ویڈیو لنک شرکت کی۔اس موقع پر ڈائریکٹر جنرل جی ڈی اے معین الرحمن خان نے کہا کہ گوادر میں گزشتہ دو دہائیوں کے دوران مختلف ہاؤسنگ اسکیمیں قائم کی گئیں، تاہم بعض اسکیموں میں الاٹیز کو تاحال ان کے پلاٹس کا قبضہ نہیں مل سکا جبکہ ترقیاتی سرگرمیاں بھی مطلوبہ رفتار سے آگے نہیں بڑھ سکیں انہوں نے کہا کہ اس صورتحال کے باعث الاٹیز کی جانب سے متعلقہ اداروں، بالخصوص نیب، سے رجوع کرنے کی شکایات سامنے آتی رہی ہیں، جس سے رئیل اسٹیٹ سیکٹر میں سرمایہ کاروں کے اعتماد پر اثر پڑتا ہے۔انہوں نے کہا کہ جی ڈی اے گوادر میں ہونے والی سرمایہ کاری کے تحفظ اور بلڈرز و الاٹیز کے درمیان اعتماد کے فروغ کے لیے اپنا مؤثر کردار ادا کرے گی۔ جی ڈی اے کا مقصد ایک ایسا شفاف اور سازگار ماحول فراہم کرنا ہے جہاں سرمایہ کاروں کے مفادات کا تحفظ ہو اور منظور شدہ ہاؤسنگ اسکیموں میں ترقیاتی سرگرمیاں مقررہ تقاضوں کے مطابق مکمل کی جائیں اجلاس میں بلڈرز اینڈ ڈویلپرز کی جانب سے بھی اپنے مسائل اور تحفظات پیش کیے گئے، جن میں لینڈ سے متعلق معاملات، بعض ہاؤسنگ اسکیموں کے گرد و نواح میں بنیادی انفراسٹرکچر کی عدم دستیابی اور سیکیورٹی سے متعلق بعض مسائل شامل تھے۔ڈائریکٹر جنرل جی ڈی اے نے زور دیاکہ گوادر اسمارٹ پورٹ سٹی ماسٹر پلان کے فیز ون میں شامل اور آبادی کے قریب واقع ان ہاؤسنگ سکیم جہاں جی ڈی اے کی جانب سے بنیادی انفراسٹرکچر فراہم کیا جا چکا ہے جہاں پانی، بجلی، سڑکوں اور دیگر بنیادی سہولیات دستیاب ہیں، وہاں متعلقہ بلڈرز کو اپنی اسکیموں کے اندر باقی ماندہ ترقیاتی کام ترجیحی بنیادوں پر مکمل کرنے چاہئیں۔انہوں نے بلڈرز پر زور دیا کہ وہ اپنے الاٹیز کے لیے ترقیاتی سرگرمیاں مکمل کرتے ہوئے انہیں ان کے پلاٹس کا باقاعدہ قبضہ فراہم کریں اور ضروری بنیادی سہولیات کی فراہمی یقینی بنائیں، تاکہ الاٹیز کی شکایات کا ازالہ اور ان کا اعتماد بحال کیا جا سکے۔معین الرحمن خان نے کہا کہ گوادر میں رئیل اسٹیٹ اور پراپرٹی کا شعبہ شہر کی ترقی اور سرمایہ کاری کے فروغ میں اہم کردار رکھتا ہے۔ لوگوں نے اعتماد کے ساتھ یہاں سرمایہ کاری کی ہے، لہٰذا سرمایہ کاروں اور الاٹیز کے مفادات کا تحفظ تمام متعلقہ اسٹیک ہولڈرز کی مشترکہ ذمہ داری ہے۔انہوں نے کہا کہ جی ڈی اے گوادر میں جائز اور قانون کے مطابق ہونے والی سرمایہ کاری کے لیے سازگار ماحول کی فراہمی، بنیادی شہری سہولیات کی بہتری اور بلڈرز و الاٹیز کے درمیان پیدا ہونے والے مسائل کے حل کے لیے متعلقہ فورمز کے ساتھ مل کر اپنا کردار ادا کرتی رہے گی۔اجلاس میں فیصلہ کیا گیا کہ آئندہ اجلاس تک گوادر میں قائم تمام متعلقہ ہاؤسنگ اسکیموں کے بارے میں جامع بنیادی معلومات فراہم کی جائیں گی، جن میں اسکیم میں شامل الاٹیز کی تعداد، الاٹیز کی جانب سے کی گئی ادائیگیوں کی تفصیلات، زمین کی موجودہ حیثیت، الاٹیز کو پلاٹس کا قبضہ فراہم کرنے کی صورتحال اور دیگر متعلقہ معلومات شامل ہوں گی۔اس موقع پر اس امر پر بھی اتفاق کیا گیا کہ گوادر کی ہاؤسنگ اسکیموں، الاٹیز کے مسائل، ترقیاتی سرگرمیوں اور زمین سے متعلق معاملات کا جائزہ لینے کے لیے وقتاً فوقتاً اجلاس منعقد کیے جائیں گے، تاکہ مسائل کے حل کے لیے پیش رفت کا جائزہ لیا جا سکے اور متعلقہ فریقین کے درمیان مؤثر رابطہ برقرار رہے۔

گورنمنٹ بوائز مڈل اسکول ڈھنک میں ہیڈ ماسٹر ماجد علی کی زیرِ نگرانی یومِ اساتذہ کے سلسلے میں پروقار تقریب کا انعقاد کیا گ...
06/10/2026

گورنمنٹ بوائز مڈل اسکول ڈھنک میں ہیڈ ماسٹر ماجد علی کی زیرِ نگرانی یومِ اساتذہ کے سلسلے میں پروقار تقریب کا انعقاد کیا گیا

تربت :گورنمنٹ بوائز مڈل اسکول ڈھنک میں ہیڈ ماسٹر ماجد علی کی زیرِ نگرانی یومِ اساتذہ کے سلسلے میں پروقار تقریب کا انعقاد کیا گیا، جس میں طلبہ اور اساتذہ نے شرکت کی۔ تقریب کی نظامت کے فرائض مہراب کریم نے انجام دیے، جبکہ جماعت ہفتم کے طالب علم حمدان نے تلاوتِ کلامِ پاک کی سعادت حاصل کی۔تقریب کے دوران طلبہ نے یومِ اساتذہ کی مناسبت سے مختلف تقاریر پیش کیں۔ اپنے خطابات میں طلبہ نے اساتذہ کی عظمت، محنت، اخلاص اور قوم کی تعمیر و ترقی میں ان کے اہم کردار کو خراجِ تحسین پیش کیا۔ طلبہ نے اپنے اساتذہ کے لیے محبت، عقیدت اور احترام کے جذبات کا اظہار کرتے ہوئے کہا کہ استاد طلبہ کی شخصیت سازی اور روشن مستقبل کی بنیاد رکھنے میں بنیادی کردار ادا کرتے ہیں۔اس موقع پر بزرگ اور قابلِ احترام استاد عبدالرشید نے استاد کی عظمت اور مقام کے حوالے سے پُرجوش اور فکر انگیز خطاب کیا۔ انہوں نے کہا کہ تعلیم انسان کی شخصیت کو سنوارنے کا اہم ذریعہ ہے، جبکہ استاد طلبہ کی رہنمائی کرکے انہیں معاشرے کا ذمہ دار اور مفید شہری بناتا ہے۔ انہوں نے طلبہ پر زور دیا کہ وہ حصولِ علم کے ساتھ ساتھ اپنے اساتذہ کا احترام بھی ملحوظِ خاطر رکھیں۔ہیڈ ماسٹر ماجد علی نے یومِ اساتذہ کے حوالے سے خطاب کرتے ہوئے کہا کہ اساتذہ قوم کے معمار ہیں اور کسی بھی قوم کا روشن مستقبل اس کے اساتذہ کی محنت، اخلاص اور رہنمائی سے وابستہ ہوتا ہے۔ انہوں نے کہا کہ استاد طالب علم کی تربیت میں والد کی طرح اہم کردار ادا کرتا ہے اور جو طالب علم اپنے اساتذہ کا احترام، ان کی ہدایات پر عمل اور تعلیم پر بھرپور توجہ دیتا ہے، وہ زندگی میں کامیابی و کامرانی حاصل کرتا ہے۔انہوں نے طلبہ کو تلقین کی کہ وہ اپنے اساتذہ کا دل سے احترام کریں، باقاعدگی سے تعلیم حاصل کریں اور اپنی صلاحیتوں کو مثبت سرگرمیوں میں بروئے کار لائیں تاکہ مستقبل میں وہ معاشرے اور ملک کے ذمہ دار، تعلیم یافتہ اور باکردار شہری بن سکیں۔تقریب کے اختتام پر اساتذہ نے طلبہ کی جانب سے یومِ اساتذہ کے حوالے سے پیش کی جانے والی تقاریر اور اظہارِ محبت کو سراہا۔ تقریب میں اساتذہ کے مقام و کردار کو اجاگر کرتے ہوئے طلبہ کو تعلیم کے ساتھ ساتھ اخلاق، نظم و ضبط اور اساتذہ کے احترام کو اپنی زندگی کا حصہ بنانے کی تلقین کی گئی۔

ایک باشعور، تعلیم یافتہ اور ترقی یافتہ معاشرے کی تشکیل میں اساتذہ کا کردار کلیدی اہمیت کا حامل ہے۔کمشنر لسبیلہ ڈویژن سائ...
06/10/2026

ایک باشعور، تعلیم یافتہ اور ترقی یافتہ معاشرے کی تشکیل میں اساتذہ کا کردار کلیدی اہمیت کا حامل ہے۔کمشنر لسبیلہ ڈویژن سائرہ عطاء

اوتھل : کمشنر لسبیلہ ڈویژن سائرہ عطاء اورڈی سی لسبیلہ حمیرا بلوچ کے احکامات کی روشنی میں آج 5 اکتوبر کو ڈویژنل ہیڈکواٹر اوتھل سمیت ضلع لسبیلہ کے مختلف بوائز و گرلز اسکولوں میں عالمی یومِ اساتذہ ڈسٹرکٹ ایجوکیشن آفیسر لسبیلہ مسعود حلیم کی سربراہی میں شایانِ شان طریقے سے منایا گیا۔اس موقع پر اساتذہ کی تعلیمی خدمات کو خراجِ تحسین پیش کیا گیا اور معاشرے کی تعمیر و ترقی میں ان کے اہم کردار کو اجاگر کیا گیا۔ کمشنر لسبیلی ڈویژن نے اساتذہ کو قوم کا معمار قرار دیتے ہوئے کہا کہ ایک باشعور، تعلیم یافتہ اور ترقی یافتہ معاشرے کی تشکیل میں اساتذہ کا کردار کلیدی اہمیت کا حامل ہے۔یومِ اساتذہ کے موقع پر اساتذہ کی محنت، لگن اور تعلیمی میدان میں ان کی گراں قدر خدمات کو سراہا گیا۔ اس عزم کا اظہار بھی ہے معیاری تعلیم کے فروغ اور طلبہ کی بہتر تربیت کے لیے اساتذہ اپنی ذمہ داریاں مزید محنت، خلوص اور لگن کے ساتھ ادا کرتے رہیں گے۔اس موقع پر ڈی سی حمیرابلوچ اورڈسٹرکٹ ایجوکیشن آفیسر لسبیلہ مسعود حلیم کی جانب سے اساتذہ کی خدمات کو خراجِ تحسین پیش کرتے ہوئے تعلیمی معیار کی بہتری اور نئی نسل کی بہترین تعلیم و تربیت کے لیے اساتذہ کے کردار کو ناگزیر قرار دیا گیا۔

اساتذہ کی غیر حاضری کسی صورت برداشت نہیں ہوگی، غیر حاضر اساتذہ کے ساتھ کوئی رعایت نہیں ہوگی، ڈپٹی کمشنر خضدارڈپٹی کمشنر ...
06/10/2026

اساتذہ کی غیر حاضری کسی صورت برداشت نہیں ہوگی، غیر حاضر اساتذہ کے ساتھ کوئی رعایت نہیں ہوگی، ڈپٹی کمشنر خضدار

ڈپٹی کمشنر خضدار عبدالرزاق ساسولی نے کہا ہے کہ اساتذہ کی غیر حاضری کسی صورت برداشت نہیں ہوگی، غیر حاضر اساتذہ کے ساتھ کوئی رعایت نہیں ہوگی اور جو اساتذہ اپنے فرائض کی ادائیگی میں مسلسل کوتاہی کے مرتکب ہوں گے ان کے خلاف کارروائی ہوگی۔

ڈسٹرکٹ ایجوکیشن آفیسر نیاز اللہ سمالانی نے محکمہ تعلیم کی اراضی واگزار کرانے اور محکمہ تعلیم کے مسائل کو حل کرنے میں ذاتی دلچسپی لینے پر ڈپٹی کمشنر کا شکریہ ادا کیا۔ بعد ازاں ڈپٹی کمشنر نے گورنمنٹ گرلز مڈل اسکول بولان کالونی کا دورہ کیا جہاں اسکول کی اساتذہ نے اپنے مسائل سے آگاہ کیا، جس پر ڈپٹی کمشنر نے مسائل کو فوری حل کرنے کی یقین دہانی کرائی۔

ڈیرہ مراد جمالی میں پی ٹی آئی دفتر پر چھاپہ، درجنوں کارکن گرفتارڈیرہ مراد جمالی (ٹائمز آف کوئٹہ) ڈیرہ مراد جمالی پولی...
06/10/2026

ڈیرہ مراد جمالی میں پی ٹی آئی دفتر پر چھاپہ، درجنوں کارکن گرفتار

ڈیرہ مراد جمالی (ٹائمز آف کوئٹہ) ڈیرہ مراد جمالی پولیس نے پی ٹی آئی کے دفتر پر چھاپہ مار کر عہدیداروں سمیت درجنوں کارکنوں کو حراست میں لے کر سٹی پولیس تھانے منتقل کردیا۔پولیس کے مطابق پی ٹی آئی کے عہدیدار اور کارکن لانگ مارچ میں شرکت کیلئے اسلام آباد روانگی کی تیاریوں میں مصروف تھے کہ پولیس نے دفتر پر چھاپہ مارا۔

بلوچستان کے بعض علاقوں میں آج بارش کا امکان کوئٹہ (ٹائمز آف کوئٹہ) محکمہ موسمیات کے مطابق مغربی ہواؤں کا سلسلہ ...
06/10/2026

بلوچستان کے بعض علاقوں میں آج بارش کا امکان

کوئٹہ (ٹائمز آف کوئٹہ) محکمہ موسمیات کے مطابق مغربی ہواؤں کا سلسلہ ملک میں داخل ہونے کے بعد آج منگل کو بلوچستان کے علاقوں ژوب، بارکھان اور موسیٰ خیل میں چند مقامات پر تیز ہواؤں اور گرج چمک کے ساتھ بارش کا امکان ہے۔

06/10/2026

میر فدا حکیم رند کا مند کی ترقی، بنیادی سہولیات اور عوامی مسائل کے فوری حل کا مطالبہ

مند : سیاسی و قبائلی شخصیت میر فدا حکیم رند نے اپنے ویڈیو پیغام میں مند کے عوام کو درپیش مسائل پر تشویش کا اظہار کرتے ہوئے کہا ہے کہ علاقے کی پائیدار ترقی اور عوام کو بنیادی سہولیات کی فراہمی وقت کی اہم ضرورت ہے۔ انہوں نے کہا کہ 35 سال قبل کے مقابلے میں آج بھی مند میں ترقیاتی کام مطلوبہ سطح تک نہیں پہنچ سکے۔ میر فدا حکیم رند نے کہا کہ مند مکران کا اہم سرحدی علاقہ ہے، جہاں سے قومی خزانے کو خطیر کسٹم ریونیو حاصل ہوتا ہے، تاہم تربت تا مند 120 کلومیٹر طویل زبیدہ جلال روڈ طویل عرصے سے خستہ حالی کا شکار ہے۔ انہوں نے تعلیمی، صحت، مواصلاتی نظام اور سڑکوں کی بہتری پر زور دیا۔ انہوں نے کہا کہ ہنگامی حالات اور ڈلیوری کیسز میں مریضوں کو طویل سفر کی مشکلات برداشت کرنا پڑتی ہیں۔ بارڈر پر غیر ضروری رکاوٹوں کے خاتمے اور چھوٹے کاروبار سے وابستہ عوام کو سہولت دینے کی ضرورت ہے۔ انہوں نے اعلیٰ حکام، کمشنر اور ڈپٹی کمشنر سے مطالبہ کیا کہ عوامی مسائل کا فوری نوٹس لے کر مند میں ترقیاتی عمل تیز کیا جائے اور بنیادی سہولیات یقینی بنائی جائیں۔

جرائم کی بیخ کنی کیلئے عوامی تعاون سے اقدامات جاری ہیں‘ایس پی سٹی کوئٹہ (ٹائمز آف کوئٹہ) ایس پی سٹی ڈویژن آصف غف...
06/10/2026

جرائم کی بیخ کنی کیلئے عوامی تعاون سے اقدامات جاری ہیں‘ایس پی سٹی

کوئٹہ (ٹائمز آف کوئٹہ) ایس پی سٹی ڈویژن آصف غفور نے کہا ہے کہ پولیس عوامی مسائل کے حل اور جرائم پیشہ عناصر کی بیخ کنی کیلئے عوام کے تعاون سے اقدامات کر رہی ہے۔ ڈپٹی انسپکٹر جنرل پولیس کوئٹہ عمران شوکت اور ایس ایس پی آپریشنز ضیا الحق مندوخیل کی ہدایات پر تھانہ جناح ٹاؤن میں کھلی کچہری منعقد ہوئی۔جس میں ڈی ایس پی مختیار احمد موسیٰ خیل، ایس ایچ او نور اللہ جمالدینی، علاقے کے معززین اور شہریوں نے شرکت کی۔ شہریوں کی شکایات سن کر متعدد مسائل موقع پر حل کیے گئے جبکہ دیگر کے ازالے کیلئے متعلقہ افسران کو ہدایات جاری کی گئیں۔ایگل اسکواڈ سے متعلق شکایات پر شہریوں اور اہلکاروں کی ملاقات کرائی گئی، جس سے غلط فہمیوں کے ازالے میں مدد ملی۔ علاقے میں امن و امان کیلئے امن کمیٹی بھی تشکیل دی گئی، جبکہ شہریوں نے تھانے کے عملے کی کارکردگی کو سراہتے ہوئے اہلکاروں کو تعریفی اسناد دیں۔پولیس افسران نے کہا کہ کھلی کچہریوں کا مقصد پولیس اور عوام کے درمیان رابطہ مضبوط بنا کر شہریوں کے مسائل کا بروقت ازالہ یقینی بنانا ہے۔

کے پی حکومت غلط پالیسیوں کا حصہ نہیں بنے گی، ایبسلوٹلی ناٹ کہہ دیا، سہیل آفریدیپشاور، سوات ، مٹہ (ٹائمز آف کوئٹہ) وزیر...
06/10/2026

کے پی حکومت غلط پالیسیوں کا حصہ نہیں بنے گی، ایبسلوٹلی ناٹ کہہ دیا، سہیل آفریدی

پشاور، سوات ، مٹہ (ٹائمز آف کوئٹہ) وزیراعلیٰ خیبرپختونخوا محمد سہیل آفریدی نے کہا ہے کہ خیبر پختونخوا حکومت غلط پالیسی کا حصہ نہیں بنے گی، طاقتورو ںکو ایبسلوٹلی ناٹ کہہ دیا،جن لوگوں کو ملک پر مسلط کیا گیا ہے، وہ پاکستان کو تقسیم کرنا اور ملک میں تعصب پیدا کرنا چاہتے ہیں، کرک سمیت پورے ساوتھ ریجن کے غیور عوام کو لانگ مارچ کے شاندار استقبال پر خراج تحسین پیش کرتا ہوں۔ان خیالات کا اظہار انہوں نے کرک کے جیل چوک میں لانگ مارچ کے شرکاءسے خطاب کرتے ہوئے کیا۔ پی ٹی آئی مارچ جاری ہے۔ جبکہ پی ٹی آئی چیئرمین بیرسٹرگوہرنےکہا ہے کہ حکومت کے پاس اب بھی وقت ہے ، عمران سے ملاقات کرادے تو مذاکرات ہوسکتے ہیں، وزیراعلی سہیل آ فریدی نے کہا کہ عوام کے علم میں ہونا چاہیے کہ خیبرپختونخوا پر جو دہشت گردی مسلط کی گئی، وہ ایک سوچے سمجھے منصوبے کے تحت کی گئی۔ ایک دفعہ پھر پختونوں کا خون بہہ رہا ہے، لوگ بے گھر ہو رہے ہیں اور کاروبار تباہ ہو رہے ہیں۔ ملٹری آپریشنز اور ڈرون اٹیکس ہو رہے ہیں جبکہ ہمارے بے گناہ عوام، پولیس اہلکار اور فوجی جوان شہید ہو رہے ہیں۔

Address

Jinnah Road Quetta
Quetta Cantonment
87300

Website

Alerts

Be the first to know and let us send you an email when Times Of Quetta posts news and promotions. Your email address will not be used for any other purpose, and you can unsubscribe at any time.

Shortcuts

Share