ANP Balochistan

Website

ANP Balochistan Official page for Awami National Party Balochistan Chapter

05/10/2026

🟥 بدقسمتی سے پاپولزم کی سیاست میں ایسے معاملات کو زیادہ اہمیت دی جاتی ہے جن کا عوام کو کوئی حقیقی فائدہ نہیں پہنچتا

🟥 دہشت گردی صرف آپریشنز سے ختم نہیں ہوگی، انتہاپسندی کی فکری بنیادوں کا خاتمہ بھی ضروری ہے

🟥 آج لکی مروت، ڈی آئی خان اور بنوں میں پولیس امن و امان کی صورتحال پر احتجاج کر رہی ہے۔

🟥 سوال یہ ہے کہ نیشنل ایکشن پلان کے نام پر ملنے والے اربوں روپے کہاں خرچ ہوئے اور پولیس اصلاحات کیوں نہ ہو سکیں؟

🟥 پی ٹی آئی فکری طور پر طالبان کے ساتھ ہم آہنگ ہے۔ طالبان نے ایک زمانے میں عمران خان صاحب کو اپنی طرف سے ملاقات کے لیے نامزد کیا تھا، جبکہ پرویز خٹک نے انہیں پشاور میں دفتر آفر کیا تھا

🟥 عوامی نیشنل پارٹی نے دہشت گردی کے خلاف عملی جدوجہد کی اور اپنے 1300 سے زائد کارکنان کی قربانیاں دیں

🟥 اے این پی کی ترجیح ہمیشہ امن، تعلیم، عوامی فلاح اور ایک روشن خیال معاشرہ رہی ہے۔

احسان اللہ خان
مرکزی ترجمان، عوامی نیشنل پارٹی

| |

05/10/2026

سیاسی اختلاف کو غداری اور اینٹی پاکستان کے القابات تک نہیں لے جانا چاہیے۔ مسلم لیگ ہو یا پی ٹی آئی، ہر جماعت کو اپنا ماضی یاد رکھنا چاہیے۔ آج جو کچھ آپ اپنے مخالف کے ساتھ کریں گے، کل وہی آپ کے ساتھ بھی ہو سکتا ہے۔ سیاست کو سیاسی اصولوں پر کریں، مقدمات کا فیصلہ عدالتوں پر چھوڑیں۔ سیاسی مخالفین کو غدار قرار دینا کسی مسئلے کا حل نہیں۔

احسان اللہ خان
مرکزی ترجمان، عوامی نیشنل پارٹی

| |

04/10/2026

کیا عمران خان دنیا کے کوئی منفرد لیڈر ہیں؟ چند برس جیل میں رہنے سے کیا ملک مفلوج ہو جائے گا؟ سیاسی انتقام کی بات کرنے سے پہلے پی ٹی آئی اپنے ماضی کو بھی دیکھے۔ پی ٹی آئی کو چاہیے کہ اپنی حکومت چلائے، صوبے کے عوام کی خدمت کرے اور عوام کے حقیقی مسائل پر سیاست کرے۔ مہنگائی، بے روزگاری، پٹرول اور عوام کے مسائل کہاں ہیں؟ پوری سیاست صرف خان صاحب کی رہائی تک کیوں محدود ہے؟ اور اقتدار میں بیٹھے لوگوں کو بھی سوچنا ہوگا کہ یہ سیاسی میوزیکل چیئر کا سلسلہ کب تک چلتا رہے گا کہ آج ایک جیل میں ہو اور کل دوسرا؟

احسان اللہ خان
مرکزی ترجمان، اے این پی

| |

04/10/2026

پی ٹی آئی میں فیصلہ سازی کا اختیار کس کے پاس ہے؟ خیبر پختونخوا کے عوام نے حکومت گورننس اور خدمت کے لیے منتخب کی ہے، احتجاج اور سیاسی سرگرمیوں کے لیے سرکاری وسائل استعمال کرنے کے لیے نہیں۔ خیبر پختونخوا میں مسلسل حکومت کے باوجود گورننس کی صورتحال سب کے سامنے ہے۔ پشاور سمیت صوبے کے شہروں، ہسپتالوں اور بنیادی سہولیات کی حالت اس نظام کی کارکردگی کا واضح ثبوت ہے۔ مذاکرات اگر سیاسی جماعتوں کے درمیان ہیں تو پھر میز پر سیاسی نمائندے ہونے چاہئیں۔ سوال یہ ہے کہ محسن نقوی کس حیثیت سے پی ٹی آئی اور حکومت، دونوں کی طرف سے مذاکرات کر رہے ہیں؟

احسان اللہ خان
مرکزی ترجمان، اے این پی

| |

عابد شیر علی، سیٹیں جب سے دینے لگے ہیں، ہم نے لینے والوں کی فہرست میں اے این پی کا نام نہیں دیا، کیونکہ پھر دینے والے، ل...
02/10/2026

عابد شیر علی، سیٹیں جب سے دینے لگے ہیں، ہم نے لینے والوں کی فہرست میں اے این پی کا نام نہیں دیا، کیونکہ پھر دینے والے، لینے والوں سے لیٹ کر کردار ادا کرنے کا تقاضا کرتے ہیں۔ ہمارے سامنے آپ اور آپ کی ’’لیٹی لیگ‘‘ کی مثال بطورِ سبق پہلے ہی موجود تھی۔

‏سیٹ ایک ہو یا نہ ہو، اس سے کوئی فرق نہیں پڑتا۔ مسئلہ اصولوں کو گروی رکھنے کا ہے، جو آپ اور آپ کی جماعت نے اپنی تخلیق سے لے کر آج تک جاری و ساری رکھا ہوا ہے۔ آج بھی پنجابستان کو درپیش اندرونی و بیرونی مشکلات اور مسائل کی بنیادی وجہ آپ اور آپ کی ’’لیٹی لیگ‘‘ کا کردار، طرزِ عمل اور مستقل بوٹوں پر پڑی ہوئی پوزیشن ہے۔

‏فرق صرف اتنا ہے کہ آپ اور آپ کی ’’لیٹی لیگ‘‘ کے نزدیک عزت، اصول اور اختیار کی کوئی اہمیت نہیں، صرف اقتدار
‏جبکہ ہم، اے این پی، کے نزدیک جمہور کی طاقت سے قائم حقیقی، اصولی اور بااختیار جمہوریت ۔
‏اس وجہ سے لینے اور دینے کی فہرست میں اپ اور اپ کی لیٹی لیگ فٹ
‏ہم اور ہماری جماعت اے این پی ان فٹ

اصغر خان اچکزئی ( صدر عوامی نیشنل پارٹی، بلوچستان)

پشین: عوامی نیشنل پارٹی بلوچستان ضلع پشین، تحصیل حرمزئی کے زیر اہتمام ایک عظیم الشان ورکرز کنونشن تحصیل صدر اخونزادہ آغ...
02/10/2026

پشین: عوامی نیشنل پارٹی بلوچستان ضلع پشین، تحصیل حرمزئی کے زیر اہتمام ایک عظیم الشان ورکرز کنونشن تحصیل صدر اخونزادہ آغا کی زیرِ صدارت منعقد ہوا، جس کے مہمانِ خصوصی عوامی نیشنل پارٹی بلوچستان کے صوبائی صدر اصغر خان اچکزئی تھے۔ کنونشن میں پارٹی کے مرکزی، صوبائی ،ضلعی و تحصیلی ذمہ داران، عہدیداران، کارکنان اور مختلف یونٹوں سے تعلق رکھنے والے ساتھیوں نے بھرپور شرکت اور خطاب کیا۔
ورکرز کنونشن سے خطاب کرتے ہوئے صوبائی صدر اصغر خان اچکزئی نے کہا کہ سیاسی جماعتوں کی اصل طاقت ان کے کارکن ہوتے ہیں، اور عوامی نیشنل پارٹی کی سیاسی قوت بھی اس کے نظریاتی، جمہوری اور فکری کارکنوں سے وابستہ ہے۔ انہوں نے کہا کہ باچا خان کی عدم تشدد، رواداری، امن، جمہوریت اور عوامی خدمت پر مبنی سیاسی فکر آج بھی ہماری جدوجہد کی بنیاد ہے۔
انہوں نے کہا کہ خطے ،وطن،جغرافیے، کی حفاظت اور امن کی بحالی کو اولین ترجیح اور شعور کیساتھ پشتون افغان ملت کے بقا کی جنگ کو منظم طریقے کیساتھ آگے لیجانے کیلئۓ تنظیمی فعالیت کو اولیت دینی ھوگی اور ساتھ ھی ساتھ اپنے معدنیات کو محفوظ بنانے کیلئے عوامی نیشنل پارٹی کا ھر کارکن خون کے آخری قطرے تک قربانی دینے سے گریز نہیں کریں گی
انہوں نے کہا کہ مسلط شدہ دھشتگردی اور انتہاپسندی کو ھر فورم پر قابل تنقید اور قابل گرفت عمل قرار دیا اور فکر باچاخان بابا کے تمام پیروکاروں کو ھدایت جاری کی گئی کہ تنظیم کے آئین دستور اور منشور کو مد نظر رکھتے ھوئے پارٹی سیاسی جمہوری و آئینی مقاصد اور نصب العین کو مد نظر رکھتے ھوئے سرگرمیوں کو تیز کرنے کی ضرورت ھیں

انہوں نے کہا کہ موجودہ سیاسی حالات میں کارکنوں کی ذمہ داریاں مزید بڑھ گئی ہیں۔ عوامی نیشنل پارٹی نے ہمیشہ پشتون قوم اور صوبے کے عوام کے بنیادی، سیاسی، معاشی اور جمہوری حقوق کے لیے پرامن اور آئینی جدوجہد کی ہے۔ پارٹی کارکنوں کو چاہیے کہ وہ تنظیم کو مضبوط بنانے کے ساتھ ساتھ عوام کے ساتھ اپنا رابطہ مزید مؤثر بنائیں اور انہیں درپیش مسائل کو اجاگر کرنے کے لیے سیاسی و جمہوری پلیٹ فارم کو فعال رکھیں۔

اصغر خان اچکزئی نے کہا کہ تنظیمی مضبوطی کے بغیر سیاسی جدوجہد کو مؤثر انداز میں آگے نہیں بڑھایا جاسکتا، اس لیے تحصیل، یونٹ اور وارڈ کی سطح پر تنظیم کو فعال بنانا وقت کی اہم ضرورت ہے۔ انہوں نے کارکنوں پر زور دیا کہ وہ باہمی رابطے، نظم و ضبط، اتحاد اور سیاسی شعور کو فروغ دیں اور پارٹی کے پیغام کو گھر گھر پہنچانے کے لیے اپنا کردار ادا کریں۔

انہوں نے کہا کہ عوامی نیشنل پارٹی نفرت، انتہاپسندی اور تشدد کے بجائے امن، برداشت، مکالمے اور جمہوری سیاست پر یقین رکھتی ہے۔ باچا خان کی سیاسی تعلیمات ہمیں یہ درس دیتی ہیں کہ قوموں کی ترقی کا راستہ تعلیم، سیاسی شعور، اجتماعی جدوجہد اور پُرامن جمہوری عمل سے ہوکر گزرتا ہے۔

کنونشن سے مرکزی ایڈیشنل جنرل سکیرٹری عبید اللہ عابد،مرکزی ایڈیشنل ڈپٹی سکیرٹری جاوید خان کاکڑ ،مرکزی سکیرٹری طلباء امور سردار رشید خان ناصر،،صوبائی ایڈیشنل جنرل سکیرٹری عبدالباری کاکڑ، ضلع خیبر صدر عبدالرزاق آفریدی،ضلعی صدر پشین اصغرعلی ترین،ضلع پشین جنرل سکیرٹری وسیم آغا، تحصیل حرمزئی سکیرٹری عبدلرازق طوغیوال نے بھی خطاب کیا

کنونشن میں تحصیل حرمزئی کی تنظیمی صورتحال، کارکنوں کو درپیش مسائل، آئندہ کے سیاسی و تنظیمی لائحۂ عمل اور پارٹی سرگرمیوں کو مزید فعال بنانے کے حوالے سے بھی تفصیلی تبادلۂ خیال کیا گیا۔ شرکاء نے اس عزم کا اظہار کیا کہ تحصیل حرمزئی میں پارٹی کی تنظیم کو مزید منظم، فعال اور مضبوط بنایا جائے گا اور کارکن عوامی رابطہ مہم کو مؤثر انداز میں آگے بڑھائیں گے۔

اس موقع پر پارٹی رہنماؤں نے کہا کہ پشین سمیت پورے بلوچستان میں عوام کو تعلیم، صحت، روزگار، امن، بنیادی سہولیات اور سیاسی و جمہوری حقوق کے حوالے سے مختلف مسائل کا سامنا ہے۔ ان مسائل کے حل کے لیے مؤثر آواز بلند کرنا اور عوام کو منظم سیاسی پلیٹ فارم فراہم کرنا سیاسی کارکنوں کی ذمہ داری ہے۔

ورکرز کنونشن کے شرکاء نے صوبائی صدر اصغر خان اچکزئی کو تحصیل حرمزئی میں پارٹی کارکنوں کے ساتھ تفصیلی نشست اور تنظیمی امور پر رہنمائی فراہم کرنے پر خراجِ تحسین پیش کیا۔ کنونشن کے اختتام پر کارکنوں نے پارٹی کو مزید فعال بنانے، تنظیمی نظم و ضبط برقرار رکھنے اور عوامی مسائل کے حل کے لیے آئینی و جمہوری جدوجہد جاری رکھنے کے عزم کا اظہار کیا۔

عوامی نیشنل پارٹی تحصیل حرمزئی کا یہ ورکرز کنونشن اس عزم کی تجدید کے ساتھ اختتام پذیر ہوا کہ باچا خان کے عدم تشدد، امن، جمہوریت اور خدمتِ خلق کے فلسفے کو مشعلِ راہ بناتے ہوئے پارٹی کی تنظیمی و سیاسی جدوجہد کو مزید مضبوط اور مؤثر بنایا جائے گا۔

02/10/2026

🔴افغان شہریوں کی آڑ میں جو سلوک پاکستانی پختون شہریوں کے ساتھ کراچی، لاہور، اسلام آباد اور راولپنڈی میں ہورہا ہے، وہ ناقابل برداشت ہے، ایمل ولی خان

🔴ان کے روزگار بند کئے جارہے ہیں اور انکے ساتھ تیسرے درجے کے شہریوں جیسا سلوک ہورہا ہے جیسے وہ اس ملک کے شہری ہی نہیں

🔴کراچی میں پختون شہریوں سے باپ دادا کے ڈومیسائل کا مطالبہ کیا جارہا ہے

🔴یہ لوگ تو محنت مزدوری کیلئے کراچی گئے ہیں، ان کے باپ دادا کا ڈومیسائل تو وزیرستان، پشاور، مومند، مردان یا پختونخوا کے کسی دوسرے ضلع کا ہوگا

🔴وہ پختون جو پاکستان کے شہری ہیں، یہاں رہتے ہیں، ٹیکس ادا کرتے ہیں، ملک سے وفاداری کے حلف اٹھا اٹھا کر تھک گئے ہیں، ان کے ساتھ ایسا سلوک کیوں ہورہا ہے؟

🔴جس بندے کے ساتھ پاکستان کا شناختی کارڈ ہے وہ پاکستانی ہے، کیا یہ شناختی کارڈ ہم نے بنا کر دیا ہے یا ریاست نے؟

🔴جن غیر ملکیوں نے جعلی شناختی کارڈ بنوائے ہیں، وہ بھی ریاست نے ہی بنوائے ہیں اور ان سے پیسے لئے ہیں

🔴شناختی کارڈ ہم گھر میں نہیں بناتے، اس کے لئے ریاست نے ایک ادارہ بنایا ہے، یہ اس کا کام ہے

🔴جنہوں نے ایسے شناختی کارڈ بنوائے ہیں، اس کی شناخت کرکے اس کو بلاک کریں مگر اس کی آڑ میں پوری قوم کے شناختی کارڈ نہ بلاک کئے جائیں

🔴مہاجر مغرب سے آئے ہوں یا مشرق سے، ان کے ساتھ یکساں سلوک ہونا چاہیئے

🔴ایسا نہیں ہونا چاہیئے کہ ایک مہاجر کو صدر پاکستان بناؤ اور دوسرے کو ڈنڈے مارو

🔴غیر قانونی شہریوں کی ہم بالکل حمایت نہیں کرتے، افغان شہریوں کو یہاں لانے والے ہم نہیں تھے

🔴ان کو سہرے پہنانے والے بھی ہم نہیں، بلکہ ہم تو متاثرین ہیں، ہم اس دور کے بھی متاثرین ہیں اور آج کے بھی

🔴یہ کھیل پختونوں نے نہیں رچایا تھا بلکہ ریاست نے کھیلا تھا اور بارڈر کھول کر ان کو ریاست ہی لے کر آئی تھی

|

♦️ کوئٹہ: عوامی نیشنل پارٹی بلوچستان ضلع کوئٹہ کے زیر اہتمام کوئٹہ پریس کلب میں شہید ایڈووکیٹ ارباب غلام کاسی کی تیسری ...
30/09/2026

♦️ کوئٹہ: عوامی نیشنل پارٹی بلوچستان ضلع کوئٹہ کے زیر اہتمام کوئٹہ پریس کلب میں شہید ایڈووکیٹ ارباب غلام کاسی کی تیسری برسی، ضلع کوئٹہ کے تمام شہداء، سیاسی کارکنوں اور پشتون سٹوڈنٹس فیڈریشن کے شہداء کی یاد میں ایک تعزیتی ریفرنس منعقد کیا گیا۔ جس کی صدارت عوامی نیشنل پارٹی ضلع کوئٹہ کے صدر ثناءاللہ کاکڑ نے کی۔
♦️ تعزیتی ریفرنس میں عوامی نیشنل پارٹی ضلع کوئٹہ کے تمام سیاسی اکابرین، کارکنوں اور شہداء کو خراجِ عقیدت پیش کیا گیا، اور ان کی زندگی، جدوجہد اور سیاسی خدمات پر بھی روشنی ڈالی گئی۔
♦️ تعزیتی ریفرنس سے عوامی نیشنل پارٹی کے مرکزی طلباء امور سیکرٹری رشید خان ناصر، صوبائی سینئر نائب صدر جمال الدین رشتیا، ضلعی سینئر نائب صدر حاجی شان عالم کاکڑ، ضلعی جنرل سیکرٹری حمزہ کاکڑ، ضلعی ڈپٹی جنرل سیکرٹری حاجی رشید خان ترہ کئی، ملگری وکیلان کے صوبائی صدر کلیم اللہ کاکڑ اور پشتون سٹوڈنٹس فیڈریشن کے صوبائی صدر رزاق عاصم خان نے خطاب کیا۔
♦️ تعزیتی ریفرنس کے اختتام پر عوامی نیشنل پارٹی ضلع کوئٹہ تحصیل سٹی کے لیبر سیکرٹری حاجی نجیب اللہ نے تمام شہداء کی مغفرت اور درجات کی بلندی کے لیے دعا کی۔

د عوامي نېشنل ګوند ضلع کوټي له اړخه به سبا پر دېرشم تاریخ د ضلع کوټي د شهیدانو ، اکابرینو او پي ایس ایف د شهیدانو تعزیتي...
29/09/2026

د عوامي نېشنل ګوند ضلع کوټي له اړخه به سبا پر دېرشم تاریخ د ضلع کوټي د شهیدانو ، اکابرینو او پي ایس ایف د شهیدانو تعزیتي غونډه ترسره کېږي.
د عوامي نېشنل ګوند ضلع کوټي، ټولو تحصیلونو، خدائي خدمتګار آرګنایزېشن او پښتون اسټوډنټس فېډرېشن له ټولو ذمه دارانو څخه بروقت شرکت هیله کېږي.

وخت : 02:30
ځای : پرېس کلب کوټه
له اړخه: عوامي نېشنل ګوند ضلع کوټه

29/09/2026

ملک کو چلانے والوں نے پختونخوا کو تباہ و برباد کر دیا ہے۔ گورنر راج یا ایمرجنسی لگانے سے حالات مزید خراب ہوں گے۔ سزا ان لوگوں کو دینی چاہیے جنہوں نے انہیں یہاں لایا اور بار بار حکومتیں دیں۔ ان کا کیا ہوگا؟ محسن نقوی کو نہ آئین کا پتا ہے، نہ روایات کا اور نہ جمہوریت کا۔ پختونخوا پاکستان سے بھی پرانا خطہ ہے اور ہزاروں سال پرانی تاریخ رکھتا ہے، اسے آپ کیسے تقسیم کریں گے؟ اگر پورے ملک میں انتخابات پر سوالات اٹھ رہے ہیں تو صرف پختونخوا نہیں، پورے ملک میں نئے انتخابات ہونے چاہئیں۔

ایمل ولی خان
مرکزی صدر، اے این پی

|

Address

Bacha Khan Markaz Quetta
Quetta
87300

Website

Alerts

Be the first to know and let us send you an email when ANP Balochistan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category