Balochistan Police

17/09/2026

تھانہ شہید عبدالخالق کے علاقے خلجی کالونی علی زئی اسٹریٹ میں فائرنگ کے واقع میں شہید ہونے والے پولیس کانسٹیبل محمد عباس کی نماز جنازہ ادا کر دی گئی۔
نماز جنازہ میں آئی جی پولیس بلوچستان محمد طاہر، ایڈووکیٹ جنرل بلوچستان ملک لطیف کاکڑ، ایڈیشنل آئی جی کمانڈنٹ بی سی اشفاق احمد، ڈی آئی جی کوئٹہ عمران شوکت سمیت پولیس کے دیگر اعلیٰ حکام، اہلکاروں اور شہید کے اہلخانہ و لواحقین کی بڑی تعداد نے شرکت کی۔
اس موقع پر آئی جی پولیس بلوچستان محمد طاہر نے شہید کانسٹیبل محمد عباس کی خدمات کو خراج عقیدت پیش کیا اور اہلخانہ سے اظہار تعزیت کی۔

17/09/2026

17/09/2026

ڈسٹرکٹ پولیس اوستہ محمد نے فوری کارروائی کرتے ہوئے سول ہسپتال سے مبینہ طور پر اغواء ہونے والے نومولود بچے کو چند ہی گھنٹوں میں بحفاظت بازیاب کرلیا۔
پولیس کے مطابق ایس پی اوستہ محمد حافظ معاذ الرحمٰن کی ہدایات اور ڈی ایس پی سرکل اوستہ محمد محمد داود کھوسہ کی نگرانی میں نومولود بچے کے مبینہ اغواء کی اطلاع ملتے ہی فوری کارروائی شروع کی۔
پولیس کی بروقت کوششوں کے نتیجے میں نومولود بچے کو چند ہی گھنٹوں میں بحفاظت بازیاب کرکے والدین کے حوالے کردیا گیا۔
پولیس حکام کے مطابق واقعے میں ملوث ملزمان کی شناخت اور گرفتاری کے لیے مزید قانونی کارروائی اور تفتیش جاری ہے۔
ڈسٹرکٹ پولیس اوستہ محمد نے اس عزم کا اظہار کیا ہے کہ جرائم پیشہ عناصر کے خلاف بلاامتیاز کارروائیاں جاری رکھی جائیں گی اور شہریوں کے جان و مال کے تحفظ کو ہر صورت یقینی بنایا جائے گا

17/09/2026

ایس پی حب مرزا بلال کی واضح ہدایات پر ضلع حب میں منشیات فروشوں اور جرائم پیشہ عناصر کے خلاف کریک ڈاو¿ن کا سلسلہ جاری ہے۔ ڈسٹرکٹ پولیس حب نے مختلف کارروائیوں کے دوران 6 ملزمان کو گرفتار کرکے مجموعی طور پر 6 کلو 88 گرام منشیات برآمد کرلی۔
پولیس کے مطابق حب سٹی پولیس اور ہائٹ پولیس نے مختلف کارروائیوں کے دوران 4 ملزمان کو گرفتار کیا جن کے قبضے سے 1500گرام آئس/کرسٹل اور 4 کلو 613 گرام چرس برآمد کی گئی۔جبکہ دوسری جانب بیروٹ پولیس نے کارروائی کرتے ہوئے مختلف مقدمات میں مطلوب 2 ملزمان کو گرفتار کرلیا۔حب پولیس کے مطابق منشیات فروشوں، جرائم پیشہ عناصر اور قانون شکن افراد کے خلاف کارروائیاں بلاامتیاز جاری رکھی جائیں گی جبکہ عوام کے جان و مال کے تحفظ اور امن و امان کے قیام کے لیے تمام دستیاب وسائل بروئے کار لائے جا رہے ہیں۔

17/09/2026

وزیر اعلیٰ بلوچستان میر سرفراز بگٹی اور آئی جی پولیس بلوچستان محمد طاہر کی خصوصی ہدایات پر پولیسنگ نظام میں مستقبل کے تقاضوں کے مطابق جدت لانے اور جرائم پیشہ عناصرپر کڑی نظر رکھنے کے لیے گشت کے نظام کو موثر بنانے کے لئے اضلاع کی سطح پر پولیس اہلکاروں کو موٹرسائیکلوں کی فراہمی کی جارہی ہیں۔

15/09/2026

Balochistan Police | ATF Training Exercises

14/09/2026

نیشنل ہاءی وے این-25 پر زیرو پوائنٹ چیک پوسٹ اوتھل کی سنیپ چیکنگ کے دوران ، اوتھل پولیس نے گوادر سے کراچی جانے والی ایک ٹویوٹا کرولا GLI گاڑی کی تلاشی کے دوران اس میں سے 05 کلو 640 گرام چرس/گانجا برآمد کیا۔ ملزم غلام محمد ولد پشنبے، قوم بلوچ، سکنہ ضلع گوادر کو موقع پر گرفتار کر لیا گیا۔تھانہ اوتھل میں سی این ایس اے (CNSA) ایکٹ کے تحت مقدمہ درج کر لیا گیا ہے۔ مزید تفتیش جاری ہے۔