21/08/2026
ایس ایس پی آفس سبی میں ایس ایس پی سبی کی زیرِ صدارت 12 ربیع الاول کے موقع پر منعقد ہونے والے جلوس کے سیکیورٹی انتظامات کے حوالے سے اہم اجلاس منعقد ہوا ۔اجلاس میں ڈی ایس پیز، ایس ایچ اوز، علماء کرام، انجمن تاجران، کے عہدیداران اور جلوس کمیٹی کے نمائندگان نے شرکت کی ۔اجلاس کے دوران 12 ربیع الاول کے جلوس کے روٹ، سیکیورٹی انتظامات، پولیس نفری کی تعیناتی، ٹریفک مینجمنٹ اور دیگر حفاظتی اقدامات کا تفصیلی جائزہ لیا گیا ۔ایس ایس پی سبی نے متعلقہ افسران کو ہدایات جاری کیں کہ جلوس کے دوران جامع سیکیورٹی، مؤثر نگرانی، باہمی رابطہ و کوآرڈینیشن اور امن و امان کو ہر صورت یقینی بنایا جائے ۔انہوں نے علماء کرام، تاجران اور جلوس کمیٹی کے نمائندگان سے بھی اپیل کی کہ پولیس کے ساتھ بھرپور تعاون کرتے ہوئے 12 ربیع الاول کے جلوس کو پرامن اور خوشگوار ماحول میں منعقد کرنے میں اپنا کردار ادا کریں ۔
