Deputy Commissioner Quetta

Website

Deputy Commissioner Quetta The page has been created to inform people of Quetta about activities of District Administration.

07/10/2026

ڈپٹی کمشنر کوئٹہ مہراللہ بادینی کا بلوچستان یونیورسٹی میں زیر تعمیر جدید آئی ٹی لیب کا دورہ۔

ڈپٹی کمشنر نے تعمیراتی کام، معیار اور پیش رفت کا جائزہ لیا۔ متعلقہ حکام نے منصوبے پر بریفنگ دی۔

کوئٹہ: ڈپٹی کمشنر کوئٹہ مہراللہ بادینی کے زیرِ صدارت پولیو مہم کے بعد پوسٹ کمپین ریویو اجلاس منعقد ہوا، جس میں ڈسٹرکٹ ہی...
07/10/2026

کوئٹہ: ڈپٹی کمشنر کوئٹہ مہراللہ بادینی کے زیرِ صدارت پولیو مہم کے بعد پوسٹ کمپین ریویو اجلاس منعقد ہوا، جس میں ڈسٹرکٹ ہیلتھ آفیسر کوئٹہ، پولیو حکام اور متعلقہ افسران نے شرکت کی۔

اجلاس میں حالیہ پولیو مہم کی کارکردگی، ای ایس آئیسولیشن، ایم پی کیو اے، ایل کیو اے ایس، زیرو ڈوز بچوں کی کوریج، پولیو ٹیموں کو درپیش مسائل، شِپمنگ سمیت دیگر اہم امور کا تفصیلی جائزہ لیا گیا اور متعلقہ حکام کی جانب سے بریفنگ دی گئی۔

اس موقع پر ڈپٹی کمشنر مہراللہ بادینی نے پولیو مہم کے دوران پیش آنے والے مسائل اور خامیوں کی نشاندہی کرتے ہوئے ہدایت کی کہ آئندہ مہم میں ان کے تدارک کے لیے مؤثر اقدامات یقینی بنائے جائیں۔ انہوں نے زیرو ڈوز بچوں تک رسائی، ٹیموں کی کارکردگی اور مانیٹرنگ کے نظام کو مزید مؤثر بنانے پر بھی زور دیا۔

اجلاس میں پولیو کے مکمل خاتمے کے لیے ضلعی انتظامیہ، محکمہ صحت اور پولیو پروگرام کے درمیان مربوط رابطہ کاری اور مشترکہ کاوشوں کو مزید بہتر بنانے پر اتفاق کیا گیا۔

06/10/2026

ریلوے اراضی اور میٹروپولیٹن پراپرٹیز سے متعلق اجلاس

کوئٹہ: ایڈیشنل ڈپٹی کمشنر (ریوینیو) حافظ محمد طارق کے زیرِ صدارت ریلوے کی اراضی، اس پر قائم تعمیرات کے جائزے اور میٹروپولیٹن پراپرٹیز سے متعلق اجلاس منعقد ہوا۔

اجلاس میں پاکستان ریلوے کے حکام، میٹروپولیٹن کارپوریشن کے افسران اور محکمہ ریونیو کے نمائندگان نے شرکت کی۔ اجلاس میں ریلوے کی اراضی اور اس پر موجود تعمیرات کا تفصیلی جائزہ لیتے ہوئے متعلقہ ریکارڈ، اراضی کی موجودہ صورتحال اور ملکیتی امور پر غور کیا گیا۔

اس موقع پر میٹروپولیٹن پراپرٹیز سے متعلق ریکارڈ اور دیگر متعلقہ امور کا بھی جائزہ لیا گیا۔ ایڈیشنل ڈپٹی کمشنر (ریوینیو) نے متعلقہ حکام کو ریکارڈ کی جانچ پڑتال اور تمام امور کو قواعد و ضوابط کے مطابق مکمل کرنے کی ہدایت کی۔

05/10/2026

ایک معصوم اور معذور بچی کی محبت سے بنائی گئی خوبصورت پینٹنگ، ڈپٹی کمشنر کوئٹہ مہراللہ بادینی کو پیش۔ ❤️

05/10/2026

ڈپٹی کمشنر کوئٹہ مہراللہ بادینی کا بلوچستان یونیورسٹی میں زیر تعمیر جدید آئی ٹی لیب کا دورہ

کوئٹہ: ڈپٹی کمشنر کوئٹہ مہراللہ بادینی نے بلوچستان یونیورسٹی میں زیر تعمیر جدید آئی ٹی لیب کا دورہ کیا اور منصوبے پر جاری تعمیراتی کام کا تفصیلی معائنہ کیا۔

اس موقع پر ایکسین، متعلقہ انجینئرز، اسسٹنٹ کمشنر کوئٹہ سٹی اور کنٹریکٹر سمیت دیگر متعلقہ حکام بھی ان کے ہمراہ تھے۔ ڈپٹی کمشنر نے آئی ٹی لیب کے مختلف حصوں کا دورہ کرتے ہوئے تعمیراتی کام کے معیار، پیش رفت اور دیگر انتظامات کا جائزہ لیا۔

دورے کے دوران آئی ٹی لیب، کانفرنس روم، آئی ٹی روم، ہیڈ منسٹریشن روم، کیبنز اور دیگر زیر تعمیر حصوں کا معائنہ کیا گیا۔ متعلقہ حکام اور کنٹریکٹر کی جانب سے ڈپٹی کمشنر کو منصوبے پر جاری کام اور تکمیل کے حوالے سے بریفنگ بھی دی گئی۔

ڈپٹی کمشنر کوئٹہ مہراللہ بادینی نے ہدایت کی کہ منصوبے کے باقی ماندہ کام کو مقررہ معیار کے مطابق جلد مکمل کیا جائے۔ انہوں نے کہا کہ جدید آئی ٹی لیب طلبہ کو جدید ٹیکنالوجی اور آئی ٹی کی سہولیات کی فراہمی میں معاون ثابت ہوگی۔

متعلقہ حکام کے مطابق جدید آئی ٹی لیب کا تعمیراتی کام آخری مراحل میں داخل ہو چکا ہے اور منصوبے کو جلد مکمل کرکے فعال کرنے کے لیے اقدامات جاری ہیں۔

05/10/2026

پی ڈبلیو ڈی کی متنازعہ اراضی کے مسائل کے حل کے حوالے سے اجلاس

کوئٹہ: ایڈیشنل ڈپٹی کمشنر (ریونیو) حافظ محمد طارق کی زیرِ صدارت پی ڈبلیو ڈی کی متنازعہ اراضی کے مسائل کے حل کے حوالے سے اجلاس منعقد ہوا۔

اجلاس میں ڈائریکٹر پی ڈبلیو ڈی، ریونیو افسران، پٹواری اور دیگر متعلقہ حکام نے شرکت کی۔

اجلاس میں پی ڈبلیو ڈی کی زمین سے متعلق درپیش مسائل کا تفصیلی جائزہ لیا گیا۔ اس موقع پر ایڈیشنل ڈپٹی کمشنر نے متعلقہ ریکارڈ طلب کرتے ہوئے ہدایت کی کہ ریکارڈ کی مکمل جانچ پڑتال کے بعد اراضی سے متعلق مسائل کو جلد از جلد حل کیا جائے۔

انہوں نے متعلقہ افسران کو ہدایت کی کہ اس معاملے میں تمام قانونی و ریکارڈی تقاضے مکمل کرتے ہوئے پیش رفت کو یقینی بنایا جائے۔

01/10/2026

کوئٹہ: مسجد روڈ، بادام گلی اور چوہڑمل روڈ پر تجاوزات کے خلاف آپریشن، 70 سے زائد تجاوزات ختم، 4 افراد گرفتار، سامان ضبط

وزیراعلیٰ بلوچستان میر سرفراز احمد بگٹی کے احکامات، ڈپٹی کمشنر کوئٹہ مہراللہ بادینی اور ہیڈ ایڈمنسٹریٹر کوئٹہ بشیر احمد بڑیچ کی ہدایات پر کوئٹہ شہر کو تجاوزات سے پاک اور منظم بنانے کے لیے فاطمہ جناح روڈ، بادام گلی اور چوہڑمل روڈ پر غیر قانونی تجاوزات کے خلاف کارروائی کی گئی۔

اسسٹنٹ کمشنر سٹی محمد حمزہ، اسپیشل مجسٹریٹ عمران زیب کاسی، اعجاز حسین کھوسہ، مجسٹریٹ سٹی، مجسٹریٹ ایم سی کیو اور اینٹی انکروچمنٹ آفیسر میٹروپولیٹن کارپوریشن کوئٹہ نے کارروائی میں حصہ لیا۔

آپریشن کے دوران سڑکوں، فٹ پاتھوں اور عوامی گزرگاہوں پر قائم 70 سے زائد غیر قانونی تجاوزات ختم کر دی گئیں، جبکہ تجاوزات میں استعمال ہونے والا سامان ضبط اور میٹروپولیٹن کارپوریشن کوئٹہ کی جانب سے 4 افراد کو گرفتار کر لیا گیا۔

انتظامیہ کی جانب سے متعلقہ دکانداروں اور تجاوزات قائم کرنے والوں کو پہلے ہی نوٹسز جاری کیے گئے تھے، تاہم مقررہ مدت میں تجاوزات ختم نہ کرنے پر قانونی کارروائی عمل میں لائی گئی۔

ضلعی انتظامیہ نے واضح کیا ہے کہ شہر کی اہم شاہراہوں، بازاروں اور فٹ پاتھوں کو تجاوزات سے پاک رکھنے کے لیے آپریشنز کا سلسلہ جاری رہے گا اور سرکاری اراضی سمیت عوامی گزرگاہوں پر غیر قانونی قبضے کسی صورت برداشت نہیں کیے جائیں گے۔

01/10/2026

کوئٹہ: پرائس کنٹرول کی خلاف ورزی پر 16 تندور اور گوشت فروش گرفتار

ڈپٹی کمشنر کوئٹہ مہراللہ بادینی کے احکامات پر اسسٹنٹ کمشنر کوئٹہ (سٹی) محمد امیر حمزہ نے عوامی شکایات پر علمدار روڈ اور توغی روڈ پر تندوروں اور گوشت فروشوں کے خلاف کاروائیاں کیے۔

کارروائی کے دوران مقررہ نرخوں سے زائد قیمت پر اشیائے خوردونوش فروخت کرنے اور وزن میں کمی کرنے پر 16 تندور مالکان اور گوشت فروشوں کو گرفتار کر لیا گیا۔

ضلعی انتظامیہ کی جانب سے عوام کو مقررہ نرخوں پر اشیائے ضروریہ کی فراہمی یقینی بنانے اور ناجائز منافع خوری کے خاتمے کے لیے کارروائیاں جاری رکھنے کے عزم کا اظہار کیا گیا ہے۔

30/09/2026

سریاب میں ملاوٹ شدہ دودھ کے خلاف کارروائی، 8 افراد گرفتار

عوامی شکایات پر ڈپٹی کمشنر کوئٹہ مہراللہ بادینی کے احکامات پر اسسٹنٹ کمشنر سریاب کی فوڈ ڈیپارٹمنٹ بلوچستان کی ٹیم کے ہمراہ سریاب میں دودھ کی دکانوں اور ڈیری فارمز کا معائنہ۔

کارروائی کے دوران ملاوٹ شدہ دودھ فروخت کرنے پر 2 ڈیری فارم مالکان سمیت 8 افراد گرفتار کر لیے گئے۔

انتظامیہ کی جانب سے دودھ فروشوں اور ڈیری فارم مالکان کو حفظانِ صحت کے اصولوں، دودھ کے معیار اور مقررہ فوڈ سیفٹی اسٹینڈرڈز پر عملدرآمد یقینی بنانے کی ہدایت۔

ملاوٹ اور عوام کی صحت سے کھیلنے والوں کے خلاف قانونی کارروائی جاری رہے گی۔

30/09/2026

ملاوٹی دودھ اور دہی کے خلاف کارروائی، 8 افراد گرفتار

کوئٹہ، 30 ستمبر 2026: ڈپٹی کمشنر کوئٹہ مہراللہ بادینی کے احکامات پر اسسٹنٹ کمشنر سریاب کیپٹن (ر) کبیر مزاری اور اسپیشل مجسٹریٹ عزت اللہ نے بلوچستان فوڈ اتھارٹی کی ٹیم کے ہمراہ ایسٹرن بائی پاس اور جتک اسٹاپ پر کارروائی کی۔

کارروائی کے دوران 8 ڈیری فارمز اور متعدد ملک شاپس کی چیکنگ کی گئی، جبکہ ملاوٹ اور دیگر خلاف ورزیوں پر 8 افراد گرفتار، 4 کو جرمانہ اور ایک ملک شاپ سیل کی گئی۔

معائنے کے دوران دودھ میں 21 فیصد پانی اور دہی میں اسکمڈ ملک پاؤڈر کی ملاوٹ پکڑی گئی، جبکہ مویشیوں کے لیے استعمال ہونے والے آکسی ٹوسن انجیکشن کے 12 پیکٹ بھی ضبط کیے گئے۔

ضلعی انتظامیہ نے ڈیری فارمز اور ملک شاپ مالکان کو فوڈ سیفٹی SOPs پر عملدرآمد کی ہدایت کرتے ہوئے خلاف ورزیوں کے خلاف کارروائی جاری رکھنے کا عزم کیا۔

Address

Inscomb Road
Quetta
87300

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Deputy Commissioner Quetta posts news and promotions. Your email address will not be used for any other purpose, and you can unsubscribe at any time.

Shortcuts

Share

Category