Local Government & Rural Development Department, Balochistan.

09/04/2026

09/04/2026

08/04/2026

کوئٹہ (خبر نامہ )8 اپریل 2026
سیکرٹری بلدیات و دیہی ترقی عبدالروف بلوچ کی بذریعہ ویڈیو لنک زیر صدارت بلوچستان کی لوکل کونسلز کے لیے مجوزہ ڈرافٹ ماڈل ٹیکس شیڈول کے حوالے سے ایک اہم اجلاس منعقد ہوا، اجلاس میں سیکرٹری لوکل گورنمنٹ بورڈ شجاعت علی ، چیف میٹروپولیٹن کارپوریشن نظر زہری، خادم حسین نے شرکت سمیت محکمہ بلدیات و دیہی ترقی اور میٹروپولیٹن کارپوریشن کوئٹہ کے اعلیٰ افسران نے شرکت کی۔
اجلاس میں لوکل گورنمنٹ ایکٹ 2010 کی دفعہ 115 کے تحت تیار کردہ ڈرافٹ ماڈل ٹیکس شیڈول پر تفصیلی غور و خوض کیا گیا۔ اس موقع پر متعلقہ حکام کی جانب سے ڈرافٹ ٹیکس شیڈول پر جامع پریزنٹیشن بھی دی گئی، جس میں مجوزہ ٹیکسز، ان کے نفاذ کے طریقہ کار، اور لوکل کونسلز کی مالی خودمختاری کو مضبوط بنانے کے مختلف پہلوؤں کو اجاگر کیا گیا۔
اجلاس سے بذریعہ ویڈیو لنک سے خطاب کرتے ہوئے سیکرٹری بلدیات عبدالروف بلوچ نے کہا کہ بلدیاتی اداروں کو مالی طور پر مستحکم بنانا وقت کی اہم ضرورت ہے، تاکہ وہ عوام کو بنیادی سہولیات کی فراہمی میں مؤثر کردار ادا کر سکیں۔ انہوں نے زور دیا کہ ٹیکس شیڈول کو اس انداز میں مرتب کیا جائے کہ نہ صرف مقامی حکومتوں کی آمدن میں اضافہ ہو بلکہ عوام پر غیر ضروری بوجھ بھی نہ پڑے۔
اجلاس کے دوران سابقہ نوٹیفکیشنز اور ٹیکس پالیسیوں کا بھی جائزہ لیا گیا، اور ان پر تفصیلی بحث کی گئی تاکہ نئی پالیسی کو موجودہ تقاضوں سے ہم آہنگ بنایا جا سکے۔ شرکاء نے مختلف تجاویز پیش کیں، جنہیں حتمی شکل دے کر متعلقہ فورم پر جمع کرانے کا فیصلہ کیا گیا۔
سیکرٹری بلدیات نے ہدایت کی کہ تمام تجاویز کو عملی اور قابلِ عمل بنایا جائے، تاکہ بلدیاتی نظام کو مزید فعال، شفاف اور عوام دوست بنایا جا سکے۔ انہوں نے اس عزم کا اظہار کیا کہ صوبے میں مضبوط بلدیاتی نظام کے قیام کے لیے تمام وسائل بروئے کار لائے جائیں گے۔
اجلاس کے اختتام پر اس امر پر اتفاق کیا گیا کہ ڈرافٹ ماڈل ٹیکس شیڈول کو جلد از جلد حتمی شکل دے کر نافذ العمل بنانے کے لیے اقدامات تیز کیے جائیں گے، تاکہ لوکل گورننس کے نظام کو مؤثر اور پائیدار بنایا جا سکے

17/03/2026

کوئٹہ (پریس ریلیز) 17 مارچ 2026
سیکرٹری بلدیات و دیہی ترقی بلوچستان، عبدالروف بلوچ کی زیرِ صدارت ایک اہم اجلاس منعقد ہوا، جس میں محکمہ بلدیات و دیہی ترقی کے مختلف افسران اور ملازمین کے ترقیاتی کیسز کا تفصیلی جائزہ لیا گیا۔ اجلاس میں ڈائریکٹر جنرل بلدیات و دیہی ترقی ایوب قریشی , ایڈیشنل سیکرٹری محکمہ بلدیات و دیہی ترقی ثناء اللہ قریش سمیت دیگر اعلیٰ افسران نے شرکت کی۔
اجلاس کے دوران افسران و ملازمین کی پیشہ ورانہ ترقی اور ادارہ جاتی کارکردگی کو مزید بہتر بنانے کے لیے مختلف اہم فیصلے کیے گئے۔ شرکاء کو بریفنگ دیتے ہوئے بتایا گیا کہ محکمہ میں میرٹ، شفافیت اور کارکردگی کو مدنظر رکھتے ہوئے ترقیاتی عمل کو آگے بڑھایا جا رہا ہے۔
اجلاس میں ڈائریکٹوریٹ جنرل بلدیات و دیہی ترقی بلوچستان کے تحت اسسٹنٹ (B-16) اور APS (BPS-16) کو سپرنٹنڈنٹ (BPS-17) کے عہدوں پر ترقی دینے، سینئر کلرک (BPS-14) کو اسسٹنٹ (BPS-16) کے عہدے پر ترقی دینے، جبکہ سینئر سپروائزر (BPS-14) کو ڈیولپمنٹ آفیسر (BPS-16) کے عہدے پر ترقی دینے کے کیسز پر غور کیا گیا اور ضروری اقدامات کی منظوری دی گئی۔
مزید برآں، بلوچستان رورل ڈویلپمنٹ اکیڈمی، کوئٹہ کے تحت سینئر کلرک (BPS-14) کو اسسٹنٹ (BPS-16) کے عہدے پر ترقی دینے کے معاملے کا بھی تفصیلی جائزہ لیا گیا اور اس حوالے سے پیش رفت کے لیے ہدایات جاری کی گئیں۔
سیکرٹری بلدیات عبدالروف بلوچ نے اجلاس سے خطاب کرتے ہوئے کہا کہ محکمہ میں ملازمین کی بروقت ترقی ان کے حوصلے بلند کرنے اور ادارے کی مجموعی کارکردگی کو بہتر بنانے میں اہم کردار ادا کرتی ہے۔ انہوں نے ہدایت کی کہ تمام ترقیاتی کیسز کو مقررہ قواعد و ضوابط اور میرٹ کے مطابق جلد از جلد مکمل کیا جائے تاکہ اہل افسران و ملازمین کو ان کا حق بروقت مل سکے۔
اجلاس کے اختتام پر اس عزم کا اعادہ کیا گیا کہ محکمہ بلدیات و دیہی ترقی میں شفافیت، اور میرٹ کو یقینی بنایا جائے گا اور ملازمین کی فلاح و بہبود کے لیے عملی اقدامات جاری رکھے جائیں گے۔

12/03/2026

ٹکرز برائے الیکٹرانک میڈیا
کوئٹہ، 12 مارچ

*وزیر اعلیٰ بلوچستان میر سرفراز بگٹی کی زیر صدارت پبلک سیکٹر ڈویلپمنٹ پروگرام کی پیش رفت سے متعلق اعلیٰ سطحی جائزہ اجلاس*

صوبائی وزراء میر سلیم خان کھوسہ اور میر صادق عمرانی کی اجلاس میں خصوصی شرکت

چیف سیکرٹری بلوچستان شکیل قادر خان سمیت تمام محکموں کے سیکرٹریز اور اعلیٰ حکام کی اجلاس میں شرکت

بلوچستان کے 1100 تعلیمی اداروں میں فائبر آپٹیکل انٹرنیٹ کی فراہمی کا منصوبہ تیزی سے جاری، چھ ماہ میں مکمل کرلیا جائے گا، بریفنگ

آئندہ مرحلے میں صوبے کے تمام تعلیمی اداروں، اسپتالوں اور سرکاری دفاتر کو فائبر آپٹیکل نیٹ ورک سے منسلک کیا جائے گا، بریفنگ

انٹرپرائزز ڈویلپمنٹ پروگرام کے تحت نوجوانوں کو تربیت دینے کا آغاز، 60 ہزار نوجوانوں کو روزگار سے جوڑا جائے گا، بریفنگ

پیپلز ٹرین سروس منصوبے کے لیے فنڈز کے اجراء میں تاخیر پر وزیر اعلیٰ بلوچستان کا اظہار برہمی

منصوبے کو جلد مکمل کرکے عوام کو جدید اور محفوظ سفری سہولیات فراہم کی جائیں، وزیر اعلیٰ بلوچستان کی ہدایت

عوامی مسائل کی شنوائی اور کے فوری حل کے لیے تحصیل سطح سے صوبائی سطح تک مؤثر شکایت سیل قائم کیے جا رہے ہیں، بریفنگ

وزیر اعلیٰ بلوچستان عوامی شکایات کے ازالے کے عمل کی خود نگرانی کریں گے، بریفنگ

گڈ گورننس اور سروس ڈلیوری بہتر بنانے کے لیے تمام محکموں کو اصلاحاتی اقدامات تیز کرنے کی ہدایت

نئے ڈویژن اور اضلاع سمیت دور دراز علاقوں میں انتظامی افسران کے لیے پری فیبریکیٹڈ دفاتر اور رہائش کے انتظامات جلد مکمل کرنے کا حکم

صوبے کی تمام یونین کونسلز میں صاف پینے کے پانی کی فراہمی کے منصوبوں پر کام تیز کر دیا گیا، بریفنگ

میونسپل سروسز کی بہتری کے لیے 95 میونسپل کمیٹیوں کو جدید مشینری 30 جون تک فراہم کردی جائے گی، بریفنگ

بلوچستان کے چار ہزار سنگل روم اسکولوں میں دو اضافی کمروں کی تعمیر کا منصوبہ جاری، کام تیز کرنے کی ہدایت

گزشتہ ایک سال کے دوران اسکول سے باہر ایک لاکھ بچوں کو تعلیمی اداروں میں داخل کیا گیا، بریفنگ

صوبے میں پوست کی غیر قانونی فصلوں کے خاتمے کے لیے آپریشن میں تیزی، ملوث عناصر کے خلاف کارروائی جاری، بریفنگ

ترقیاتی منصوبوں میں شفافیت، رفتار اور معیار پر کسی قسم کا سمجھوتہ نہیں کیا جائے گا، وزیر اعلیٰ بلوچستان میر سرفراز بگٹی

عوامی فلاح و بہبود اور بنیادی سہولیات کی فراہمی حکومت کی اولین ترجیح ہے، وزیر اعلیٰ بلوچستان میر سرفراز بگٹی

تمام محکمے ترقیاتی منصوبوں کی بروقت تکمیل کو یقینی بنائیں تاکہ عوام کو جلد ثمرات مل سکیں، وزیر اعلیٰ بلوچستان میر سرفراز بگٹی

12/03/2026

کوئٹہ (پریس ریلیز) 12 مارچ 2026
محکمہ بلدیات و دیہی ترقی کے افسران اور عملے کو سی ایم ڈی یو (CMDU) کی جانب سے ای فائلنگ سسٹم کے حوالے سے تفصیلی بریفنگ دی گئی۔ بریفنگ کے دوران شرکاء کو ای فائلنگ نظام کے استعمال، اس کے فوائد اور سرکاری امور میں شفافیت اور تیزی لانے کے طریقہ کار سے آگاہ کیا گیا۔
اس موقع پر ماہرین نے بتایا کہ ای فائلنگ سسٹم کے ذریعے سرکاری فائلوں کی ترسیل اور کارروائی کو جدید تقاضوں کے مطابق مؤثر اور تیز بنایا جا سکتا ہے۔ بریفنگ میں افسران اور عملے نے بھرپور دلچسپی کا اظہار کیا اور مختلف سوالات بھی کیے جن کے تسلی بخش جوابات دیے گئے۔
حکام کے مطابق ای فائلنگ نظام کے نفاذ سے دفتری امور میں بہتری، شفافیت اور وقت کی بچت ممکن ہوگی۔

07/03/2026

کوئٹہ میٹرو پولیٹن کارپوریشن کے حوالے سے جائزہ اجلاس کی صدارت سیکرٹری بلدیات عبد الرؤف بلوچ نے کی اور میٹروپولیٹن کارپوریشن کوئٹہ کے ایڈ مینسٹر مجیب الرحمٰن قمرانی بھی شریک ہیں اس حوالے سے پرنٹ میڈیا کے نیوز کلپلپنگ

06/03/2026

کوئٹہ (خبرنامہ) 5 مارچ 2026ء
وزیر اعلیٰ بلوچستان میر سرفراز بگٹی کی عوام دوست احکامات کے مطابق سیکرٹری بلدیات و دیہی ترقی عبدالروف بلوچ کی زیرِ صدارت میٹروپولیٹن کارپوریشن کوئٹہ سے متعلق امور کا جائزہ لینے کے لیے ایک اہم اجلاس منعقد ہوا، جس میں ایڈمنسٹر مجیب الرحمٰن قمرانی میٹرو پولیٹن کارپوریشن کوئٹہ ،سیکرٹری لوکل گورنمنٹ بورڈ شجاعت علی ،وحید بادنی ، طحہٰ جیند اسٹنٹ ڈائریکٹر میٹرو پولیٹن کارپوریشن ، نظر خان زہری سی ایم او میٹروپولیٹن کارپوریشن کوئٹہ اور محکمہ بلدیات و دیہی ترقی اور میٹروپولیٹن کارپوریشن کوئٹہ کے متعلقہ افسران نے شرکت کی۔ اجلاس میں میٹروپولیٹن کارپوریشن کوئٹہ کے انتظامی، مالی اور ترقیاتی امور کا تفصیلی جائزہ لیا گیا۔
اجلاس سے خطاب کرتے ہوئے سیکرٹری بلدیات و دیہی ترقی عبدالروف بلوچ نے کہا کہ میٹروپولیٹن کارپوریشن کوئٹہ کو شہر میں صفائی ستھرائی، بلدیاتی سہولیات اور شہری خدمات کی فراہمی کو مزید مؤثر بنانے کے لیے اپنی کارکردگی بہتر بنانا ہوگی۔ اجلاس میں خصوصی طور پر صفائی و ستھرائی کے منصوبے “صفاء کوئٹہ” کی پیش رفت، گرانٹ اِن ایڈ فنڈز کی موجودہ صورتحال اور ان فنڈز کے مؤثر استعمال پر تفصیلی غور کیا گیا۔
اجلاس کے دوران میٹروپولیٹن کارپوریشن کوئٹہ کے تحت قائم چار نئے ٹاؤنز کے چیف آفیسرز کے انتظامی امور اور دفتری معاملات کا بھی جائزہ لیا گیا اور اس بات پر زور دیا گیا کہ تمام انتظامی و مالی معاملات کو شفاف اور بروقت طریقے سے نمٹایا جائے تاکہ ادارے کی کارکردگی مزید بہتر بنائی جا سکے۔
اجلاس میں میٹروپولیٹن کارپوریشن کوئٹہ سے متعلق زیر التواء معاملات اور خط و کتابت میں تاخیر پر بھی گفتگو کی گئی۔ اس حوالے سے مشینری کی خریداری، سروس رولز کی تیاری، قانونی پہلوؤں کے جائزے اور مختلف امور کے لیے کمیٹیوں کی تشکیل جیسے اقدامات پر غور کیا گیا۔ اس کے علاوہ ملازمین کو درپیش مسائل، تنخواہوں اور پنشن کے معاملات کو حل کرنے کے لیے بھی ضروری اقدامات پر بات چیت کی گئی۔ اجلاس میں 10 فیصد ایڈہاک ریلیف الاؤنس، پنشنرز کے لیے 7 فیصد اضافے اور ملازمین کی سالانہ انکریمنٹ کے معاملات کا بھی جائزہ لیا گیا۔
اجلاس کے دوران میٹروپولیٹن کارپوریشن کوئٹہ کے ہیومن ریسورس (HR) ڈیٹا کا بھی تفصیلی جائزہ لیا گیا تاکہ ادارے کی انتظامی کارکردگی کو مزید مؤثر بنایا جا سکے اور افرادی قوت کو بہتر انداز میں استعمال کیا جا سکے۔
اس موقع پر سیکرٹری بلدیات و دیہی ترقی عبدالروف بلوچ نے ہدایت کی کہ کوئٹہ شہر اور گردونواح میں صفائی ستھرائی کے نظام کو مزید بہتر بنایا جائے اور بڑے پیمانے پر جمع ہونے والے کچرے کو فوری طور پر شہر سے باہر منتقل کیا جائے تاکہ شہریوں کو صاف ستھرا اور صحت مند ماحول فراہم کیا جا سکے۔
انہوں نے مزید ہدایت کی کہ گرانٹ اِن ایڈ فنڈز کو فوری اور مؤثر انداز میں استعمال کیا جائے تاکہ شہریوں کو درپیش مسائل کو ترجیحی بنیادوں پر حل کیا جا سکے اور جاری ترقیاتی منصوبوں کو بروقت مکمل کیا جائے۔ انہوں نے اس عزم کا اعادہ کیا کہ محکمہ بلدیات و دیہی ترقی عوام کو بہتر بلدیاتی سہولیات کی فراہمی کے لیے تمام دستیاب وسائل بروئے کار لائے گا۔