09/10/2025
کوئٹہ، مظلوم عوامی تحریک پاکستان کے مرکزی محبوب چیئرمین مشر صادق خان اچکزئی کی ھدایت پر مرکزی رہنماء وطن یار خلجی کی قیادت میں سپر افغان ،فقیر آباد اور شموزئی کے نمائندہ وفد جس میں ثناء خان خلجی و دیگر علاقائی معتبرین شامل تھے آج بروز جمعرات سوئی سدرن گیس کمپنی کے جی ایم محمد انور خان ناصر سے ملاقات کی۔ملاقات میں سوئی سدرن گیس کمپنی کے دیگر حکام بھی موجود تھے۔ اس موقع پر وطن یار خلجی اور ثناء خان خلجی نے جی ایم گیس کمپنی کو مزکورہ علاقوں میں گیس کی عدم موجودگی اور عوام کو درپیش تکالیف سے آگاہ کیا۔ اور بتایا کہ اس جدید دور میں بھی سپر افغان ،فقیر آباد اور شموزئی کے رہائشی گیس کی بنیادی سہولت سے محروم ہیں۔ لہذا گیس کی بنیادی سہولت ان علاقوں کے رہائشیوں کو فراھم کی جائے۔ جی ایم گیس کمپنی نے وفد سے کہا کہ وہ اس صورتحال کا فوری جائزہ لیں گے اور وفد کے ساتھ آئندہ ھفتے ایک اور نشست کی جائیگی ۔
