06/09/2026
۔سردار شاہوانیُ ھاوس جناح ٹاون کویٹہ۔
تحریک انصاف پی بی 43 کے زیرِ اہتمام انصاف یوتھ ونگ اور 27 ستمبر کے حوالے سے اہم مشاورتی اجلاس سردار شاہوانی ہاؤس جناح ٹاؤن کوئٹہ میں منعقد ہوا، جس کی صدارت تحریک انصاف کے مرکزی سینئر نائب صدر اور عوامی ایم پی اے سردار دوداخان شاہوانی نے کی۔
اجلاس میں انصاف یوتھ ونگ کے صوبائی صدر عزیز خان کاکڑ، نور خانُ کاکڑ، ملک نظر خان زدران، مینورٹی ونگ کے صوبائی صدر مشرف افضل، مشر گلُ خان اچکزئی ،ایڈووکیٹ وزیر خان، عزیز بلوچ، اصغر بلوچ، ڈاکٹر وفا شاہ تارن، انصاف یوتھ ونگ کوئٹہ کے صدر خوشحال خان کاکڑ ،ملک آصف کاسی ، علی بڑیچ سمیت دیگر پارٹی رہنماؤں اور کارکنان نے شرکت کی۔
اجلاس سے مقررین نے خطاب کرتے ہوئے 27 ستمبر کے حوالے سے پارٹی کی کال پر بھرپور اور پُرجوش انداز میں شرکت کرنے کے عزم کا اظہار کیا۔ رہنماؤں نے کہا کہ کارکنان پارٹی قیادت کی ہدایت پر متحد ہو کر اپنا بھرپور کردار ادا کریں گے۔
اجلاس میں تنظیمی امور کا بھی جائزہ لیا گیا اور پی بی 43 کے مختلف یونین کونسلز اور وارڈز تک تنظیم کو مکمل کرنے کا فیصلہ بھی عملی طور پر پایۂ تکمیل تک پہنچایا گیا۔
شرکاء نے اس عزم کا اظہار کیا کہ پارٹی کی تنظیم کو مزید مضبوط اور فعال بنایا جائے گا اور آئندہ سیاسی و عوامی جدوجہد میں بھرپور کردار ادا کیا جائے گا۔
