03/07/2023
انٹری رسید حاصل کرنے کے باوجود جناح پارک سے موٹر سائیکل چوری
پارک انتظامیہ کا ذمہ داری لینے سے یکسر انکار‘ شہری نے آر پی او‘ سی پی او سے مدد مانگ لی
راولپنڈی (عبدالرحمان سے) جناح پارک کی پارکنگ سے موٹر سائیکل 125چوری ہونے کے باوجود پولیس اور پارک انتظامیہ کے عدم تعاون پر شہری نے آر پی او راولپنڈی اور سی پی او راولپنڈی سے مدد مانگ لی۔ عثمان اشرف نے تھانہ سول لائن پولیس کو بتایا کہ 2006ء ماڈل بلیک موٹر سائیکل نمبر آر ایل ایف 8141پر جناح پارک گیا۔ جناح پارک انتظامیہ کی پارکنگ پرچی سیریل نمبر 40962حاصل کرنے کے باوجود موٹر سائیکل چوری ہو گیا جبکہ پارک انتظامیہ کسی قسم کی کوئی ذمہ داری لینے کو تیار نہیں۔ ون فائیو پر کال کے باوجود پولیس موقع پر نہ پہنچی جس پر مجبوراً تھانہ سول لائن پہنچے۔ انہوں نے کہا کہ پارک انتظامیہ کی ملی بھگت کے بغیر موٹر سائیکل غائب ہونا ممکن ہی نہیں جبکہ جناح پارک انتظامیہ نے باقاعدہ پرنٹڈ انٹری رسید بھی جاری کی ہوئی ہے۔عثمان اشرف نے ریجنل پولیس آفیسر اور سٹی پولیس آفیسر سے اپیل کی کہ پارک انتظامیہ کی ملی بھگت پر ان کیخلاف کارروائی کر کے موٹر سائیکل برآمد کیاجائے۔ Rawalpindi Police CPO office Rawalpindi Sp aisha butt DC Office Rawalpindi Rawalpindi Police SSP Operations Rawalpindi
