29/08/2026
نوجوان سياسي اتحاد ۽ بمبلي مائنر جي آبادگارن جي جدوجهد جاري — سنڌ هاءِ ڪورٽ پاران ڪانٽيمٽ آف ڪورٽ پٽيشن جا نوٽيس جاري
بمبلي مائنر جي پڇڙي تائين پاڻي پهچائڻ ۽ آبادگارن جي جائز حقن جي حصول لاءِ داخل ڪيل آئيني پٽيشن کان پوءِ هاڻي ڪانٽيمٽ آف ڪورٽ جي ڪارروائي پڻ اڳتي وڌي وئي آهي.
بمبلي مائنر جي آبادگارن پاران سنڌ هاءِ ڪورٽ، سکر بينچ ۾ داخل ڪيل ڪانٽيمٽ آف ڪورٽ جي ٻڌڻي لاءِ لاڳاپيل عملدارن کي عدالت پاران نوٽيس جاري ڪيا ويا آهن.
نوٽيس موجب ايريگيشن ۽ سيڊا جي لاڳاپيل آفيسرن کي عدالت ۾ پيش ٿيڻ جي هدايت ڪئي وئي آهي، جن ۾ Managing Director SIDA حيدرآباد، Director SIDA گھوٽڪي، Executive Engineer Irrigation گھوٽڪي/ميرپور ماٿيلو، SDO Irrigation خانڳڙهه ۽ داروغو بمبلي مائنر شامل آهن.
ڪيس جي ٻڌڻي: 8 آڪٽوبر 2026
عدالت: سنڌ هاءِ ڪورٽ، سکر بينچ
هي ڪارروائي ان جدوجهد جو اهم حصو آهي، جيڪا بمبلي مائنر جي پڇڙي جي آبادگارن پاران سالن کان پاڻي جي جائز حق لاءِ جاري آهي.
پاڻي پڇڙي تائين پهچائڻ، آبادگارن کي سندن حق ڏيارڻ ۽ بمبلي مائنر جي مسئلي جو مستقل حل ئي اسان جو بنيادي مطالبو آهي.
هي رڳو پاڻي جو مسئلو ناهي؛ هي آبادگارن جي حق، روزگار ۽ مستقبل جو سوال آهي.
