29/06/2026
9 September 2025
کو سانجھ پریت این جی او کی تین رکنی ٹیم، جن میں ایک خاتون بھی شامل تھیں، ہمارے سکول تشریف لائیں۔ سیلاب کے بعد سکول کھلنے کے پہلے ہی دن طلبہ کی حاضری انتہائی حوصلہ افزا رہی اور 400 سے زائد بچے سکول آئے۔ سکول کا تمام تدریسی و انتظامی عملہ بھی موجود تھا جبکہ سکول کونسل کے تمام اراکین نے بھی پروگرام میں شرکت کی۔ این جی او ٹیم نے طلبہ سے مختصر ٹیسٹ لیا اور انہیں سیلابی آفات سے بچاؤ، احتیاطی تدابیر اور ہنگامی حالات میں محفوظ رہنے کے طریقوں کے بارے میں تربیت فراہم کی۔ اس تربیتی نشست میں اہلِ علاقہ نے بھی بھرپور شرکت کی اور مفید معلومات حاصل کیں۔ یہ پروگرام طلبہ اور مقامی کمیونٹی میں آگاہی پیدا کرنے اور آفات کے دوران بہتر تیاری کو فروغ دینے کے حوالے سے نہایت مفید اور کامیاب ثابت ہوا۔
