FIA Sahiwal

FIA Sahiwal Federal crimes, promote justice, protection of human rights, awareness against crimes, Crime free Pakistan

28/07/2026

فیڈرل انویسٹی گیشن ایجنسی (FIA) فیصل آباد زون
اینٹی ہیومن ٹریفکنگ سرکل (AHTC) ساہیوال

بیرون ملک بھجوانے کے نام پر فراڈ کیس میں 30 لاکھ روپے برآمد

ڈائریکٹر FIA فیصل آباد زون کی ہدایات پر اینٹی ہیومن ٹریفکنگ سرکل (AHTC) ساہیوال نے انکوائری نمبر 106/2026 میں اہم پیش رفت کرتے ہوئے 30 لاکھ روپے برآمد کر لیے۔

یہ انکوائری مورخہ 30-06-2026 شکایت کنندہ محمد اسلم ولد غلام رسول، سکنہ چک نمبر 64/4-R، ساہیوال کی درخواست پر درج کی گئی تھی۔

انکوائری میں نامزد ملزمان:

محمد وقاص ولد احمد دین، سکنہ شکر گڑھ، نارووال

شازیہ بی بی زوجہ مجید علی، سکنہ چک نمبر 64/4-R، ساہیوال

ایف آئی اے نے کارروائی کے دوران شکایت کنندہ کے 30 لاکھ روپے برآمد کر لیے۔

28/07/2026

FIA فیصل آباد زون (ساہیوال کمپوزٹ سرکل) کی انسانی اسمگلرز کے خلاف بڑی کارروائی

بغیر لائسنس دبئی ورک ویزا کا جھانسہ دے کر 4 لاکھ روپے ہتھیانے والا ملزم گرفتار

فیڈرل انویسٹی گیشن ایجنسی (FIA) فیصل آباد زون، ساہیوال کمپوزٹ سرکل نے انسانی اسمگلنگ کے خلاف کارروائی کرتے ہوئے FIR نمبر 49/2026 کے مقدمہ میں ملزم نصیر احمد کو گرفتار کر لیا۔

ملزم پر الزام ہے کہ اس نے اوورسیز ایمپلائمنٹ پروموٹر (OEP) لائسنس کے بغیر دبئی ورک ویزا کا جھانسہ دے کر شہری سے 4 لاکھ روپے وصول کیے، تاہم وعدے کے مطابق ویزا فراہم نہ کیا۔

مقدمہ امیگریشن آرڈیننس 1979 کی دفعات 17/22 کے تحت انکوائری E-1492/25 کی بنیاد پر درج کیا گیا۔ ملزم سے مزید تفتیش جاری ہے اور انسانی اسمگلنگ میں ملوث دیگر عناصر کے حوالے سے بھی تحقیقات کی جا رہی ہیں۔

ترجمان، FIA فیصل آباد زون، ساہیوال کمپوزٹ سرکل

فیڈرل انویسٹی گیشن ایجنسی (FIA) فیصل آباد زونکمپوزٹ سرکل ساہیوالریجنل پاسپورٹ آفس ساہیوال میں مبینہ کرپشن کے منظم نیٹ ور...
24/07/2026

فیڈرل انویسٹی گیشن ایجنسی (FIA) فیصل آباد زون
کمپوزٹ سرکل ساہیوال

ریجنل پاسپورٹ آفس ساہیوال میں مبینہ کرپشن کے منظم نیٹ ورک کے خلاف بڑی کارروائی

ڈائریکٹر FIA فیصل آباد زون جناب ثاقب سلطان کی ہدایات اور ڈپٹی ڈائریکٹر FIA کمپوزٹ سرکل ساہیوال محمد ہاشم رضا کی نگرانی میں ریجنل پاسپورٹ آفس، جیل روڈ ساہیوال میں مبینہ طور پر سرگرم کرپشن کے منظم نیٹ ورک کے خلاف ایک کامیاب کارروائی عمل میں لائی گئی۔

مصدقہ خفیہ اطلاع موصول ہونے پر ڈپٹی ڈائریکٹر FIA کمپوزٹ سرکل ساہیوال نے SHO رانا محمد مستحسن خان کی سربراہی میں ایک خصوصی ریڈنگ ٹیم تشکیل دی، جس میں سب انسپکٹر خالد محمود، انسپکٹر زینب نواز، اے ایس آئی عمیر احمد، اے ایس آئی سجاد حسین، ہیڈ کانسٹیبل محمد امجد، ہیڈ کانسٹیبل علی رضا، ایف سی ظہور احمد، ایف سی ارسلان سرور، ایف سی ایاز شکیل اور ایف سی ڈی عمران علی شامل تھے۔ ٹیم نے ریجنل پاسپورٹ آفس ساہیوال میں کامیاب چھاپہ مار کارروائی کرتے ہوئے مبینہ کرپشن نیٹ ورک میں ملوث متعدد افراد کو گرفتار کر لیا۔

ابتدائی تحقیقات کے مطابق گرفتار افراد پاسپورٹ درخواست گزاروں سے سرکاری فیس کے علاوہ ایک ہزار سے پانچ ہزار روپے تک غیر قانونی رقم وصول کرتے تھے اور مقررہ طریقہ کار اور قطار کو نظر انداز کرتے ہوئے ترجیحی بنیادوں پر پاسپورٹ پراسیسنگ کی سہولت فراہم کرتے تھے۔

گرفتار کیے گئے ملزمان کے نام درج ذیل ہیں:

- عمر فاروق ولد محمد ارشاد
- طلحہ عثمانی ولد بشیر
- عبدالجبار نعیم ولد عطا محمد
- طلحہ حسین ولد طاہر حسین
- طٰہٰ خان ولد طاہر حسین
- محمد ارشاد ولد غلام نبی
- محمد اسماعیل شاکر ولد محمد صادق
- مبارک علی ولد شیر محمد

ابتدائی تفتیش کے دوران ملزمان نے انکشاف کیا کہ وہ ریجنل پاسپورٹ آفس کے باہر نجی ایجنٹ اور سہولت کار کے طور پر کام کرتے تھے۔ انہوں نے مزید بتایا کہ بعض سرکاری اہلکاروں اور دیگر سہولت کاروں کی مبینہ ملی بھگت سے پاسپورٹ درخواستوں پر FC، FC-II، King، Broiler اور Double Broiler جیسے اعتراضات لگا کر شہریوں کو غیر قانونی رقم ادا کرنے پر مجبور کیا جاتا تھا، جس کے بعد ان اعتراضات کو ختم کروا کر پاسپورٹ درخواستوں کو ترجیحی بنیادوں پر پراسیس کروایا جاتا تھا۔

ابتدائی تفتیش کے دوران ملزمان نے اس منظم نیٹ ورک میں ملوث متعدد سہولت کاروں اور بعض سرکاری اہلکاروں کے کردار سے متعلق اہم معلومات فراہم کیں، جن کی روشنی میں مزید تحقیقات جاری ہیں۔

تحقیقات کے دوران درج ذیل افراد کو بھی مقدمہ میں نامزد کیا گیا ہے:

- ڈپٹی اسسٹنٹ ڈائریکٹر، ریجنل پاسپورٹ آفس ساہیوال
- طاہر حسین (اسپیشل برانچ پولیس اہلکار)
- سجاد حسین (اسپیشل برانچ پولیس اہلکار)
- اعجاز قادری (پرائیویٹ ایجنٹ)
- عبدالوہاب (سکیورٹی گارڈ)
- ننھا عرف سیموئیل مسیح (سویپر)

اس سلسلے میں FIA کمپوزٹ سرکل ساہیوال نے تعزیراتِ پاکستان کی دفعات 109، 161، 162 بمعہ انسدادِ بدعنوانی ایکٹ 1947 کی دفعہ 5(2) کے تحت مقدمہ درج کر لیا ہے۔ مزید تحقیقات جاری ہیں تاکہ اس مبینہ منظم کرپشن نیٹ ورک میں ملوث تمام سہولت کاروں، سرکاری اہلکاروں اور دیگر ذمہ داران کے کردار کا تعین کر کے قانون کے مطابق کارروائی عمل میں لائی جا سکے۔

FIA بدعنوانی کے خاتمے، سرکاری اداروں میں شفافیت کے فروغ اور عوام کے اعتماد کی بحالی کے لیے بلاامتیاز کارروائیاں جاری رکھنے کے اپنے عزم کا اعادہ کرتی ہے۔ قانون کی خلاف ورزی میں ملوث کسی بھی فرد کے ساتھ رعایت نہیں برتی جائے گی۔

ترجمان
فیڈرل انویسٹی گیشن ایجنسی (FIA)
کمپوزٹ سرکل ساہیوال، فیصل آباد زون

23/07/2026

وفاقی تحقیقاتی ادارہ (FIA) فیصل آباد زون
کمپوزٹ سرکل ساہیوال
سرکاری املاک کی چوری اور بدعنوانی میں ملوث عناصر کے خلاف بڑی کارروائی
ڈائریکٹر ایف آئی اے فیصل آباد زون جناب ثاقب سلطان کی ہدایات اور ڈپٹی ڈائریکٹر ایف آئی اے کمپوزٹ سرکل ساہیوال جناب محمد ہاشم رضا کی نگرانی میں ایف آئی اے کمپوزٹ سرکل ساہیوال نے سرکاری املاک کی چوری اور بدعنوانی میں ملوث عناصر کے خلاف اہم کارروائی کرتے ہوئے ایک نجی ورکشاپ پر چھاپہ مارا۔
مصدقہ خفیہ اطلاع پر ایف آئی اے کی ریڈنگ ٹیم نے گلبرگ ٹاؤن، ساہیوال میں قائم ایک نجی ورکشاپ پر کارروائی کی، جہاں مبینہ طور پر واپڈا/میپکو کے چوری شدہ ٹرانسفارمرز کی غیر معیاری طریقے سے مرمت کر کے سرکاری سامان میں خرد برد کی جا رہی تھی۔

وفاقی تحقیقاتی ادارہ (FIA) فیصل آباد زونکمپوزٹ سرکل ساہیوالسرکاری املاک کی چوری اور بدعنوانی میں ملوث عناصر کے خلاف بڑی ...
22/07/2026

وفاقی تحقیقاتی ادارہ (FIA) فیصل آباد زون
کمپوزٹ سرکل ساہیوال
سرکاری املاک کی چوری اور بدعنوانی میں ملوث عناصر کے خلاف بڑی کارروائی
ڈائریکٹر ایف آئی اے فیصل آباد زون جناب ثاقب سلطان کی ہدایات اور ڈپٹی ڈائریکٹر ایف آئی اے کمپوزٹ سرکل ساہیوال جناب محمد ہاشم رضا کی نگرانی میں ایف آئی اے کمپوزٹ سرکل ساہیوال نے سرکاری املاک کی چوری اور بدعنوانی میں ملوث عناصر کے خلاف اہم کارروائی کرتے ہوئے ایک نجی ورکشاپ پر چھاپہ مارا۔
مصدقہ خفیہ اطلاع پر ایف آئی اے کی ریڈنگ ٹیم نے گلبرگ ٹاؤن، ساہیوال میں قائم ایک نجی ورکشاپ پر کارروائی کی، جہاں مبینہ طور پر واپڈا/میپکو کے چوری شدہ ٹرانسفارمرز کی غیر معیاری طریقے سے مرمت کر کے سرکاری سامان میں خرد برد کی جا رہی تھی۔
کارروائی کے دوران تین ملزمان کو موقع پر گرفتار کر لیا گیا، جن میں:
محمد وحید اقبال
منظور احمد
علی رضا
شامل ہیں۔
ابتدائی تحقیقات کے مطابق ملزمان خراب شدہ میپکو ٹرانسفارمرز میں نصب قیمتی تانبے (کاپر) کی وائنڈنگ نکال کر اس کی جگہ کم معیار کا مواد استعمال کرتے تھے، جبکہ سرکاری ٹرانسفارمرز سے حاصل ہونے والا قیمتی تانبا غیر قانونی طور پر فروخت کیا جاتا تھا، جس سے قومی خزانے کو بھاری مالی نقصان پہنچایا جا رہا تھا۔
چھاپے کے دوران بڑی تعداد میں میپکو ٹرانسفارمرز، کاپر اسکریپ، کاپر وائر، ٹرانسفارمر کورز، کوائلز، خراب شدہ انرجی میٹرز، آئل ٹینکس اور غیر قانونی سرگرمی میں استعمال ہونے والا دیگر سامان برآمد کر کے قبضہ میں لے لیا گیا۔
ابتدائی تفتیش میں گرفتار ملزمان نے میپکو کے بعض اہلکاروں کے نام بھی ظاہر کیے ہیں، جو مبینہ طور پر سرکاری ٹرانسفارمرز کو غیر قانونی طور پر نجی ورکشاپ منتقل کرنے اور اس غیر قانونی عمل میں سہولت کاری کر رہے تھے۔ ان اہلکاروں کے کردار کی تحقیقات جاری ہیں۔
اس مقدمہ کا اندراج ایف آئی اے کمپوزٹ سرکل ساہیوال میں تعزیراتِ پاکستان کی دفعات 120-B، 409 اور انسدادِ بدعنوانی ایکٹ 1947 کی دفعہ 5(2) کے تحت کر لیا گیا ہے۔ مزید تفتیش جاری ہے تاکہ اس نیٹ ورک میں ملوث تمام سہولت کاروں، سرکاری اہلکاروں اور دیگر ذمہ دار افراد کو قانون کے کٹہرے میں لایا جا سکے۔
ایف آئی اے اس عزم کا اعادہ کرتی ہے کہ قومی اثاثوں کا تحفظ، بدعنوانی کا خاتمہ اور سرکاری املاک میں خرد برد کے مرتکب تمام عناصر کے خلاف بلاامتیاز قانونی کارروائی جاری رکھی جائے گی۔ کسی بھی فرد کو، خواہ وہ کسی بھی عہدے پر فائز ہو، سرکاری وسائل کے ناجائز استعمال یا قومی خزانے کو نقصان پہنچانے کی ہرگز اجازت نہیں دی جائے گی۔
ترجمان
وفاقی تحقیقاتی ادارہ (FIA)
کمپوزٹ سرکل ساہیوال فیصل اباد ذون

Address

Main Multan Road
Sahiwal

Website

Alerts

Be the first to know and let us send you an email when FIA Sahiwal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category