PERA Force Sahiwal

PERA Force Sahiwal PERA is a governmental body established under the Punjab Enforcement and Regulation Act, 2024.

ایس ڈی ای او پیرا فورس ساہیوال جناب نعمان قیصر نے چیف ڈسٹرکٹ آفیسر سول ڈیفنس عدنان قیصر اور پیرا فورس کے انفورسمنٹ آفیسر...
18/07/2026

ایس ڈی ای او پیرا فورس ساہیوال جناب نعمان قیصر نے چیف ڈسٹرکٹ آفیسر سول ڈیفنس عدنان قیصر اور پیرا فورس کے انفورسمنٹ آفیسرز کے ہمراہ اٹک پٹرولیم، گو پٹرولیم اور آرامکو پٹرولیم کے ڈپوؤں کا تفصیلی معائنہ کیا۔
دورانِ معائنہ پیٹرول اور ڈیزل کے دستیاب اسٹاک، سپلائی کی صورتحال اور ایندھن کی بلا تعطل فراہمی کا جائزہ لیا گیا تاکہ شہریوں کو کسی قسم کی پریشانی کا سامنا نہ کرنا پڑے۔ متعلقہ حکام کو ہدایت کی گئی کہ حکومت کی مقررہ پالیسی کے مطابق ایندھن کی مسلسل فراہمی یقینی بنائی جائے اور کسی بھی صورت مصنوعی قلت یا ذخیرہ اندوزی کی اجازت نہ دی جائے۔
ایس ڈی ای او پیرا فورس نعمان قیصر نے واضح کیا کہ ضلعی انتظامیہ کی اولین ترجیح عوام کو پیٹرولیم مصنوعات کی بروقت اور بلا تعطل فراہمی ہے۔ انہوں نے کہا کہ پیرا فورس اور سول ڈیفنس کی مشترکہ مانیٹرنگ کا سلسلہ جاری رہے گا اور ذخیرہ اندوزی، ناجائز منافع خوری یا حکومتی احکامات کی خلاف ورزی کے مرتکب عناصر کے خلاف قانون کے مطابق سخت کارروائی عمل میں لائی جائے گی۔ عوامی مفاد کے تحفظ کے لیے ضلع بھر میں پٹرول پمپس اور ڈپوؤں کی اچانک چیکنگ بھی جاری رکھی جائے گی

ڈپٹی کمشنر ساہیوال کی ہدایات اور SDEO پیرا فورس ساہیوال جناب نعمان قیصر کی نگرانی میں پیرا فورس کے انفورسمنٹ آفیسرز نے ر...
17/07/2026

ڈپٹی کمشنر ساہیوال کی ہدایات اور SDEO پیرا فورس ساہیوال جناب نعمان قیصر کی نگرانی میں پیرا فورس کے انفورسمنٹ آفیسرز نے رات گئے تک ضلع بھر کے پٹرول پمپس کا تفصیلی معائنہ کیا اور پیٹرول و ڈیزل کی دستیابی، سرکاری نرخوں پر فروخت اور اسٹاک کی صورتحال کا جائزہ لیا۔

دورانِ کارروائی مختلف پٹرول پمپس پر عوام کو ایندھن کی بلا تعطل فراہمی، سرکاری نرخوں پر فروخت اور ذخیرہ اندوزی کی روک تھام کو یقینی بنایا گیا۔ پٹرول پمپ مالکان کو سختی سے ہدایت کی گئی کہ وہ مصنوعی قلت پیدا کرنے، ناجائز منافع خوری یا سرکاری احکامات کی خلاف ورزی سے گریز کریں، بصورت دیگر ان کے خلاف قانون کے مطابق سخت کارروائی عمل میں لائی جائے گی
Deputy Commissioner Sahiwal@followers

ایس ڈی ای او پییرا فورس نعمان قیصر نے ہڑپہ کے مختلف علاقوں میں قائم ایل پی جی گیس کی دکانوں کا اچانک معائنہ کیا۔ دورانِ ...
05/07/2026

ایس ڈی ای او پییرا فورس نعمان قیصر نے ہڑپہ کے مختلف علاقوں میں قائم ایل پی جی گیس کی دکانوں کا اچانک معائنہ کیا۔ دورانِ چیکنگ متعدد دکاندار سرکاری نرخ نامے سے زائد قیمت وصول کرتے ہوئے پائے گئے، جن کے خلاف موقع پر سخت قانونی کارروائی عمل میں لائی گئی اور بھاری جرمانے عائد کیے گئے۔
اس موقع پر ایس ڈی ای او نے تمام ایل پی جی ڈیلرز کو سختی سے ہدایت کی کہ وہ سرکاری مقررہ نرخوں پر گیس کی فروخت یقینی بنائیں، نرخ نامہ نمایاں جگہ پر آویزاں رکھیں اور صارفین سے کسی بھی قسم کی ناجائز اضافی رقم وصول کرنے سے گریز کریں۔
Deputy Commissioner Sahiwal@followers


04/07/2026

انفورسمنٹ آفیسر محمد عمران سعید نے مختلف فروٹ کارٹس دورہ ہر پھلوں کی قیمتوں کا جائزہ لیا اور سرکاری نرخ ناموں پر عملدرآمد کو یقینی بنایا۔

دورانِ معائنہ انہوں نے شہریوں سے اپیل کی کہ خریداری کے وقت سرکاری ریٹ لسٹ ضرور چیک کریں اور مقررہ نرخوں سے زائد قیمت وصول کیے جانے کی صورت میں فوری طور پر ضلعی انتظامیہ یا پیرا فورس کو اطلاع دیں۔
Deputy Commissioner Sahiwal


ساہیوال کے LPG صارفین کے لئے ضروری اطلاعگورنمنٹ نے ایل پی جی گیس کا سرکاری ریٹ 241.43 مقرر کیا ہےاضافی اوور چارج وصول کر...
03/07/2026

ساہیوال کے LPG صارفین کے لئے ضروری اطلاع

گورنمنٹ نے ایل پی جی گیس کا سرکاری ریٹ 241.43 مقرر کیا ہے

اضافی اوور چارج وصول کرنے والے دکاندار کی ویڈیو اور لوکیشن دوکان کا نام دیئے گئے نمبر پر سینڈ کریں۔
سینئر سارجنٹ / محرر پیرا انفورسمنٹ اسٹیشن ساہیوال
اعجازاحمد0345.4758316
خضرحیات0301.6901196
👈 اہم نوٹ
پنجاب میں باقی شہروں کے لوگ اپنے قریبی پیرا فورس اسٹیشن پر اطلاع دیں


Deputy Commissioner Sahiwal

29/06/2026

97/9ایل ضلع ساہیوال کی رہائشی پروین بی بی کے شوہر کا تقریباً 15 سال قبل انتقال ہو گیا تھا۔ شوہر کی وفات کے بعد ان کے دیوروں نے ناجائز طور پر پروین بی بی کی 4 کنال زرعی اراضی پر قبضہ کر لیا اور انہیں ان کی قانونی ملکیت سے محروم کر دیا، جس کے باعث وہ طویل عرصہ تک شدید مشکلات کا شکار رہیں۔
متاثرہ خاتون کی درخواست موصول ہونے پر پیرا فورس ساہیوال نے فوری کارروائی عمل میں لائی۔ متعلقہ ریکارڈ اور حقائق کا جائزہ لینے کے بعد قانونی تقاضے پورے کرتے ہوئے ناجائز قابضین کے خلاف آپریشن کیا گیا اور 4 کنال اراضی واگزار کروا کر اس کی قانونی مالک پروین بی بی کے حوالے کر دی گئی۔
اراضی واپس ملنے پر پروین بی بی نے خوشی اور اطمینان کا اظہار کرتے ہوئے ڈپٹی کمشنر ساہیوال، SDEO پیرا فورس اور پیرا فورس ساہیوال کا شکریہ ادا کیا۔ انہوں نے کہا کہ طویل عرصے بعد انہیں انصاف ملا ہے اور ان کی ملکیت انہیں واپس دلوا دی گئی ہے۔




10/06/2026

محمد بشیر نامی ایک ضعیف العمر شہری ڈپٹی کمشنر ساہیوال کے روبرو پیش ہوئے اور شکایت کی کہ ان کے بیٹے نے انہیں گھر سے نکال دیا ہے اور ان کی ملکیتی رہائش گاہ پر قبضہ کر لیا ہے۔ بزرگ شہری نے انصاف اور داد رسی کی درخواست کی۔
شکایت موصول ہونے پر ڈپٹی کمشنر ساہیوال نے SDEO پیرا فورس کو ہدایت جاری کی کہ فریقین کو طلب کرکے معاملے کی سماعت کی جائے اور حقائق کی روشنی میں مسئلہ حل کیا جائے۔
SDEO پیرا فورس کی جانب سے محمد بشیر اور ان کے بیٹے کو طلب کیا گیا۔ سماعت کے دوران دونوں فریقین کا مؤقف سنا گیا۔ بیٹے نے اپنی غلطی کا اعتراف کر لیا اور اپنے والد سے معافی مانگی۔ اس موقع پر اس نے اپنے والد کے پاؤں پکڑ کر آئندہ ایسی حرکت نہ کرنے کا وعدہ کیا اور ان کے ساتھ حسنِ سلوک کا یقین دلایا۔

بعد ازاں بزرگ شہری کو ان کا گھر واپس دلوا دیا گیا اور بیٹا اپنے والد کو عزت و احترام کے ساتھ گھر لے گیا۔ اس خوشگوار حل پر محمد بشیر نے ضلعی انتظامیہ اور پیرا فورس ساہیوال کا شکریہ ادا کیا اور ان کی بروقت مداخلت کو سراہا۔
Deputy Commissioner Sahiwal



04/06/2026

انفورسمنٹ آفیسر محمد عمران سعید نے سرور چوک میں واقع یورو پٹرول پمپ کا اچانک معائنہ کیا۔ دورانِ انسپکشن پٹرول کی پیمائش (پیمانہ) چیک کی گئی، جس میں مقررہ معیار کے مطابق مقدار کم پائی گئی۔ اس خلاف ورزی پر پٹرول پمپ انتظامیہ کے خلاف کارروائی کرتے ہوئے 10 ہزار روپے جرمانہ عائد کیا گیا۔

محمد عمران سعید نے اس موقع پر پٹرول پمپ انتظامیہ کو ہدایت کی کہ صارفین کو مکمل اور درست مقدار میں ایندھن فراہم کیا جائے اور تمام قانونی تقاضوں کی سختی سے پابندی کی جائے۔ انہوں نے کہا کہ عوامی شکایات کے ازالے اور صارفین کے حقوق کے تحفظ کے لیے ایسے معائنے باقاعدگی سے جاری رہیں گے۔
Deputy Commissioner Sahiwal






انفورسمنٹ آفیسر ذیشان احمد نے ہڑپہ اسٹیشن کے علاقے میں مختلف دکانوں کا دورہ کیا اور اشیائے خورد و نوش کی قیمتوں کا تفصیل...
02/06/2026

انفورسمنٹ آفیسر ذیشان احمد نے ہڑپہ اسٹیشن کے علاقے میں مختلف دکانوں کا دورہ کیا اور اشیائے خورد و نوش کی قیمتوں کا تفصیلی جائزہ لیا۔ دورانِ چیکنگ سرکاری نرخ ناموں اور مقررہ قیمتوں پر عملدرآمد کو یقینی بنایا گیا۔ زائد نرخ وصول کرنے والے دکانداروں کو سخت وارننگ جاری کی گئی اور انہیں ہدایت کی گئی کہ وہ سرکاری نرخوں کے مطابق اشیاء فروخت کریں۔ عوامی شکایات کی صورت میں قانونی کارروائی عمل میں لائی جائے گی۔ اس موقع پر دکانداروں کو صارفین کے حقوق کا احترام کرنے اور ناجائز منافع خوری سے گریز کرنے کی بھی تلقین کی گئی۔
Deputy Commissioner Sahiwal



Address

Enforcement Station, PERA, Adjacent To Child Protection Bureau, Jail Road
Sahiwal
57000

Website

Alerts

Be the first to know and let us send you an email when PERA Force Sahiwal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category