12/04/2018
لیٹر نمبر/Jui-sdkt/07/2018
جميعت علماءاسلام تعلقي شہدادڪوٽ جي جنرل سيڪريٽري حافظ عبدالرزاق مگسي، مولانا مولابخش جمالي، مولانا مبين احمد مستوئي ۽ مولانا عبدالحميد مغيري مجلس شوري جي اجلاس کانپوءِ ايس ايڇ او اي سيڪشن ميران دراني خلاف پريس ڪانفرنس ڪندي چيو ته راشي ايس ايڇ او جميعت جي اڳواڻن ۽ علماءِ ڪرام خلاف نازيبا الفاظ استعمال ڪندي علماء جي گستاخي ڪئي آهي، علماءِ ڪرام انبياء عليھم السلام جا وارث آھن نه صرف اڳواڻن پر جمعيت علماءِ اسلام جي تنظيم لاءِ به بد شد ڳالهايو آھي ۽ ايس ايڇ او جماعت جي اڳواڻن کي ٿاڻي اچڻ کان جھليندي چيو ته ميران دراني پنهنجي "ڏوھي" سان ملي سگھي ٿو پر جمعيت وارن سان نٿو ملي سگھي.
اڳواڻن شهر ۾ هلندڙ تمام براين جو ذميوار ۽ ايران و افغانستان کان اسمگل ٿيندڙ تيل، گٽڪو، چرس ۽ آفيم سميت ممنوعه اشياء جي اسمگلنگ ۾ وڏن مافياز سان ايس ايڇ او کي ڀائيوار قرار ڏيندي آء جي سنڌ، ڊي آءجي لاڙڪاڻو ۽ ايس ايس پي قمبر کان مطالبو ڪيو ته ايس ايڇ او دراني کي هٽايو وڃي. ھو چالاڪيءَ سان ننڍن ڏوھارين خلاف آپريشن ڪري ھڪ ٻه فوٽو سيشن ڪرائي پاڻ کي ايماندار آفيسر باور ڪرائي ٿو اسان کي ٻدائي ته اسمگلنگ۾ استعمال ٿيندڙ وڏيون گاڏيون ڇو نٿو پڪڙين ڇا اتي ايس ايڇ او جا پر سڙن ٿا يا انھن ۾ ڀائيوار آھين.
اڳواڻن وڌيڪ ڳالھائيندي چيو ته پوليس وارا موٽرسائيڪلن جي بغير تالي ھجڻ جي بھاني ڪاھي بعد ۾ 20000, 20000 ھزار ڀنگ وٺڻ بعد موٽائي ڏين ٿا جنھن ۾ ايس ايڇ او پاڻ ملوث آھي جنھنجا اسان وٽ ثبوت موجود آھن. جيڪڏھن ايس ايڇ او نه هٽايو ويو ته ٻئي صورت ۾ آچر کان احتجاجي ريلي ڪڍڻ ۽ ايس ايڇ او هٽايو تحريڪ هلائڻ جو پڻ اعلان ڪيو.
