PMLN Sialkot

PMLN Sialkot This is an official PMLN page for Sialkot district

ہمارا سب قیمتی اثاثہ پاکستان کے عوام ہيں جن کی خدمت ہماری پہلی ترجیح ہے
عوام کے ووٹ کے تقدس کی بحالی اور پارلیمان کی بالادستی ہمارا نظريہ ہے
تيز تر اور مستحکم معاشی ترقی ہمارا نصب العين ہے
ملک سے اندھیروں کا حاتمہ ہماری کامیابی ہے
انصاف، صحت، تعلیم اور روزگار کی ارزاں و بلاتفریق فراہمی ہمارا مقصد ہے
ہر شہری کے ليے فوری اور سستا انصاف ہمارا مشن ہے
ملک کا ناقابل تسخیر دفاع اور دہشتگردی کا مکمل خاتمہ ہمارا عزم ہے

02/07/2026

پنجاب بھر میں ماحول دوست اور سستی ٹرانسپورٹ کی فراہمی کا مشن تیزی سے جاری ہے۔ عوام کی سہولت کے لیے امسال 1500 مزید الیکٹرک بسیں سسٹم میں شامل کی جا رہی ہیں، جس سے کل تعداد 3000 ہو جائے گی۔ ان شاء اللہ صوبے کی تمام تحصیلوں تک یہ بہترین سفری سہولیات پہنچائیں گے
ٹرانسپورٹ ٹیم کو شاباش!

02/07/2026

پنجاب بھر کے تمام اضلاع اور تحصیلوں میں بغیر کسی تفریق کے اسٹیٹ آف دی آرٹ ائیر کنڈیشنڈ گرین بس سروس کامیابی سے جاری ہے، جہاں عوام کو صرف 20 روپے میں بہترین سفری سہولت مل رہی ہے۔ اس سال 1100 بسیں سڑکوں پر موجود ہوں گی جبکہ اگلے تین سالوں میں یہ تعداد 5000 بسوں تک پہنچائی جائے گی

24/06/2026

🚨🚨🚨🚨

پریس ریلیز

وزارتِ قانون و انصاف، حکومتِ پاکستان

وزیراعظم کی قائم کردہ کمیٹی نے پاکستان ٹیلی کمیونیکیشن ری آرگنائزیشن ترمیمی بل 2026 میں رائٹ آف وے شقوں سے متعلق رپورٹ پیش کر دی

اسلام آباد، 24 جون 2026 - وزارتِ قانون و انصاف نے کہا ہے کہ وزیراعظم اسلامی جمہوریہ پاکستان کی جانب سے پاکستان ٹیلی کمیونیکیشن ری آرگنائزیشن ترمیمی بل 2026 میں شامل رائٹ آف وے شقوں کا جائزہ لینے کے لیے قائم کردہ کمیٹی نے اپنی عبوری رپورٹ پیش کر دی ہے۔

وزارت کے مطابق کمیٹی نے بل میں شامل مجوزہ ترامیم اور رائٹ آف وے سے متعلق موجودہ قانونی ڈھانچے کا تفصیلی جائزہ لیا۔ کمیٹی نے متعدد اجلاس کیے اور تفصیلی غور و خوض کے بعد یہ رائے دی کہ بل کا بنیادی مقصد ملک میں ڈیجیٹل رابطہ سہولت کو بہتر بنانا اور شہریوں کے حقوق کا تحفظ کرنا ہے، تاہم بعض شقوں کی زبان میں مزید وضاحت ضروری ہے تاکہ کسی قسم کا ابہام باقی نہ رہے۔

رپورٹ میں کہا گیا ہے کہ نجی جائیداد کے معاملے میں مالک کی رضامندی اور باہمی معاہدہ بنیادی شرط ہوگی۔ کسی نجی فرد یا نجی قانونی ادارے کی زمین، عمارت، جائیداد یا اثاثے کے استعمال یا رسائی سے متعلق کوئی قدم مالک کی رضامندی اور باہمی معاہدے کے بغیر نہیں اٹھایا جائے گا۔

کمیٹی نے سفارش کی ہے کہ قانون کا اطلاق عوامی اداروں، وفاقی، صوبائی اور مقامی حکومتوں کے زیرِ ملکیت یا زیرِ انتظام زمین، عمارت، جائیداد اور اثاثوں کے ساتھ ساتھ منظم نجی رہائشی منصوبوں، کوآپریٹو ہاؤسنگ سوسائٹیز اور اسی نوعیت کے اداروں پر واضح طور پر کیا جائے۔

کمیٹی نے یہ بھی سفارش کی ہے کہ نجی زمین، نجی جائیداد، نجی افراد، کمپنیوں، کوآپریٹو سوسائٹیز اور مشترکہ ملکیت کے دیگر انتظامات کی تعریفیں قانون میں صاف اور واضح طور پر شامل کی جائیں تاکہ کسی بھی سطح پر غلط فہمی پیدا نہ ہو۔

رپورٹ کے مطابق زمین کے اوپر اور زیرِ زمین ٹیلی کام ڈھانچے، رائٹ آف وے اور متعلقہ آلات کے معاملات میں واضح فرق رکھا جائے گا، اور ہر معاملے کے لیے الگ طریقہ کار مقرر کیا جائے گا۔

اگر کسی لائسنس یافتہ ادارے اور عوامی ادارے، رہائشی منصوبے، کوآپریٹو ہاؤسنگ سوسائٹی یا اسی نوعیت کے ادارے کے درمیان تنازع پیدا ہو تو معاملہ اپروپریٹ گورنمنٹ یعنی متعلقہ حکومت کو بھیجا جائے گا۔ متعلقہ حکومت اس معاملے کا فیصلہ پینتالیس دن کے اندر قانون کے مطابق کرے گی۔

کمیٹی نے سفارش کی ہے کہ متعلقہ حکومت کی رہنمائی کے لیے واضح اصول مقرر کیے جائیں تاکہ وہ کسی تجویز کی ضرورت، مناسب ہونے، عوامی مفاد اور قابلِ ادا معاوضے کا جائزہ لے سکے۔

کمیٹی نے یہ بھی سفارش کی ہے کہ متعلقہ حکومت کے فیصلے سے متاثرہ شخص کو ٹیلی کمیونیکیشن اپیلیٹ ٹربیونل سے رجوع کرنے کا حق حاصل ہوگا، جو سیکشن 7 اے آف دی پاکستان ٹیلی کمیونیکیشن ری آرگنائزیشن ایکٹ 1996 کے تحت قائم ہے۔ اس معاملے میں ٹربیونل کا فیصلہ حتمی ہوگا۔

رپورٹ میں اوور رائیڈنگ کلاز کے دوبارہ جائزے کی سفارش کی گئی ہے تاکہ قانون کی زبان اور مقصد میں ہم آہنگی رہے اور شہریوں کے حقوق سے متعلق کوئی ابہام باقی نہ رہے۔

کمیٹی نے سیکشن 27 بی ون کے تحت تجویز کردہ جرمانے کی رقم کا بھی جائزہ لینے اور اسے قانون کے مجموعی مقصد، ڈھانچے اور شقوں سے ہم آہنگ بنانے کی سفارش کی ہے۔

وزارتِ قانون و انصاف کے مطابق کمیٹی نے وسیع اصولوں، پالیسی مقاصد اور ضروری ترامیم پر اتفاق کر لیا ہے۔ کمیٹی کی سفارشات کی روشنی میں پاکستان ٹیلی کمیونیکیشن ری آرگنائزیشن ترمیمی بل 2026 میں مجوزہ ترامیم کا مسودہ ایک ہفتے کے اندر حتمی شکل دے کر مزید غور اور ہدایات کے لیے پیش کیا جائے گا۔

وزارت نے واضح کیا کہ حکومت ٹیلی کام اور انفارمیشن ٹیکنالوجی کے شعبوں کی ترقی چاہتی ہے، مگر یہ ترقی شہریوں کے آئینی اور قانونی حقوق کے مکمل تحفظ کے ساتھ آگے بڑھے گی۔

وزارتِ قانون و انصاف نے کہا ہے کہ شہریوں کی نجی جائیداد، مالک کی رضامندی، حقِ اعتراض، قانونی تحفظ اور معاوضے کے اصولوں پر کوئی سمجھوتہ نہیں ہوگا۔ رائٹ آف وے اصلاحات کا مقصد عوام کو بہتر، قابلِ اعتماد اور تیز انٹرنیٹ سہولت فراہم کرنا ہے، نہ کہ کسی شہری کے حقِ ملکیت کو متاثر کرنا۔

پریس آفس

وزارتِ قانون و انصاف

حکومتِ پاکستان

24/06/2026

شکیلہ جاوید آرتھر ممبر صوبائی اسمبلی پنجاب، بجٹ سیشن 2026-27 کے دوران اپنے خیالات اور تجاویز پیش کر رہی ہیں

20/06/2026

چوہدری فیصل اکرام پنجاب اسمبلی کے بجٹ 2026-27 پر اظہار خیال
یہ بجٹ ایسے وقت میں پیش کیا گیا ہے جب عوام مہنگائی، بے روزگاری اور بنیادی سہولیات کے مسائل کا سامنا کر رہے ہیں، میں حکومت کی ان کاوشوں کو سرہاتا ہوں جن کے تحت تعلیم، صحت، زراعت، انفراسٹرکچر اور سماجی بہبود کے شعبوں کے لیے فنڈز مختص کیے گئے ہیں
خصوصاً کسانوں کی معاونت، نوجوانوں کے لیے روزگار کے مواقع اور دیہی علاقوں کی ترقی کے منصوبے قابل تحسین ہیں

جو وعدہ قوم سے کیا تھا، الحمدللہ وہ پورا کرنے جا رہے ہیں، پٹرول کی فی لیٹر 373 روپے سے کم ہو کر 299 روپے پر آ جائے گی، ڈ...
19/06/2026

جو وعدہ قوم سے کیا تھا، الحمدللہ وہ پورا کرنے جا رہے ہیں، پٹرول کی فی لیٹر 373 روپے سے کم ہو کر 299 روپے پر آ جائے گی، ڈیزل کی فی لیٹر قیمت 378 روپے سے کم ہو کر 311 روپے پر آ جائے گی
وزیراعظم پاکستان میاں محمد شہباز شریف

18/06/2026

وزیراعظم پاکستان محمد شہباز شریف نے اسلام آباد مفاہمتی یاداشت (Islamabad Memorandum of Understanding) پر بطور ثالث دستخط کردئے۔
اسلام آباد مفاہمتی یاداشت پر امریکی صدر ڈونلڈ ٹرمپ اور ایران کے صدر مسعود پزشکیان کے دستخط موجود ہیں۔

Prime Minister of Pakistan Muhammad Shehbaz Sharif signed the Islamabad Memorandum of Understanding (Islamabad MoU)، as mediator.
The Islamabad MOU has been signed by President of USA Donald J. Trump and Iranian President Masoud Pazeshkian.

16/06/2026

وزیرِاعلیٰ پنجاب محترمہ مریم نواز شریف کی ہدایت پر عوامی فلاح و بہبود کو ہر پالیسی اور فیصلے کا مرکز بنایا جا رہا ہے۔ ترقی کا ہر سفر عوام کو اولین ترجیح دینے سے شروع ہوتا ہے، اور اسی وژن کے تحت آج حکومتِ پنجاب ایک عوام دوست بجٹ پیش کرے گی جو عوامی بہبود، پائیدار ترقی، خوشحالی اور بہتر مستقبل کے لیے نئے مواقع فراہم کرے گا۔

Address

PML(N) House, Paris Road
Sialkot
51310

Website

Alerts

Be the first to know and let us send you an email when PMLN Sialkot posts news and promotions. Your email address will not be used for any other purpose, and you can unsubscribe at any time.

Shortcuts

Share

Category