07/08/2026
سکردو : ریجنل پولیس آفیسر بلتستان، آصف اقبال مہمند (پی ایس پی) کی زیر صدارت ضلعی پولیس افسران کا اہم اجلاس منعقد ہوا، جس میں چاروں اضلاع کے ڈی پی اوز نے امن و امان کی صورتحال، جرائم کی شرح، زیرِ تفتیش مقدمات، افرادی قوت، ٹرانسپورٹ، اسلحہ اور دیگر دستیاب وسائل سے متعلق تفصیلی بریفنگ دی۔
اجلاس میں ڈی پی او سکردو اور ڈی پی او شگر نے بالمشافہ جبکہ ڈی پی او گانگچھے اور ڈی پی او کھرمنگ نے آن لائن شرکت کی۔
آر پی او بلتستان نے انسپکٹر جنرل اف پولیس گلگت بلتستان، ڈاکٹر اکبر ناصر خاں (پی ایس پی) کی ہدایات کی روشنی میں تمام ڈی پی اوز کو ہدایت کی کہ قانون کی بالادستی، بروقت انصاف کی فراہمی اور عوامی خدمت کو ہر صورت یقینی بنایا جائے۔ انہوں نے کہا کہ پولیس افسران اپنی ذمہ داریاں دیانتداری، پیشہ ورانہ مہارت اور احساسِ ذمہ داری کے ساتھ انجام دیں تاکہ عوام کا اعتماد مزید مضبوط ہو۔
آر پی او بلتستان جلد تمام اضلاع کا دورہ کرکے پولیس کی مجموعی کارکردگی، عوامی خدمت اور جاری اقدامات کا تفصیلی جائزہ لیں گے۔
(ترجمان گلگت بلتستان پولیس )
Gilgit-Baltistan Police
