15/08/2026
آج اپنے گاوں باجا کی لوکل زکوٰۃ کمیٹی کا نوٹیفیکیشن دیکھا تو بہت افسوس ہوا۔ ہمارے لئیے کمیٹی کے تمام ممبران قابل احترام ہیں۔ افسوس صرف اس بات کا ہوا کہ پاکستان تحریک انصاف باجا کی تنظیم یا جس نے اس کمیٹی کے نام پیش کئیے انہوں نے اتنا احساس نہیں کیا کہ پاکستان تحریک انصاف کو سب سے زیادہ ووٹ باجا کے کس محلے سے دیا جاتا ہے۔
پاکستان تحریک انصاف کو 2013 سے لے کر 2023 تک چاہے وہ بلدیاتی الیکشن تھا یا جنرل الیکشن سب سے زیادہ ووٹ محلہ عثمان خیل سے دیا گیا۔ لیکن افسوس کہ جب کوئی کمیٹی بنائی جاتی ہے تو اس میں پورے محلے سے ایک بھی نمائندہ منتخب نہیں ہوتا۔ جس پارٹی کو ایک جگہ سے اکثریتی ووٹ حاصل ہوتا ہے اس پارٹی کے پاس ایک نمائندہ نہیں کہ کمیٹی میں شامل کر سکیں۔
ہمارے ساتھ ساتھ محلہ لال خیل جو پاکستان تحریک انصاف کے ساتھ ہر الیکشن میں بھر پور وفا کرتے ہیں کیا وہاں بھی ایک ورکر نہیں تھا جس کو کمیٹی میں شامل کیا جاتا۔
ہمارا اعتراض کسی فرد واحد یا محلے پر نہیں ہے۔ ہمارے لئیے سب قابل احترام ہیں۔ لیکن جہاں حق کی بات آتی ہے تو سوال بنتا ہے۔
کہ الیکشن میں تحریک انصاف کو آدھا ووٹ ہمارے محلے سے دیا جاتا ہے لیکن کیا اتنے ووٹ لینے کے بعد کوئی ایک بھی ووٹر نہیں تھا جس کو کمیٹی میں شامل کیا جاتا؟
اس نظر اندازی کو ہم کیا سمجھیں؟
فیصلہ عوام پر!
