JUI Digital Media Cell Tank

28/09/2026

ٹانک ٹریفک پولیس کی گاڑی پر حملے کی شدید مذمت کرتے ہیں۔ شہید پولیس اہلکاروں کے اہلِ خانہ کے غم میں برابر کے شریک ہیں۔ اللہ تعالیٰ شہداء کے درجات بلند اور پسماندگان کو صبرِ جمیل عطا فرمائے۔ شہداء کی قربانیاں رائیگاں نہیں جائیں گی۔
سابق وفاقی وزیر مولانا اسعد محمود

27/09/2026

ٹانک: جمعیت علماء اسلام ضلع ٹانک کی ضلعی مجلس عمومی کا اہم اجلاس ضلعی امیر مولانا امیر محمد جان صاحب کی زیرِ صدارت مفتی محمود مرکز ٹانک میں منعقد ہوا۔ اجلاس کا ایجنڈا ضلعی سیکرٹری جنرل مولانا نادر خان صاحب نے پیش کیا۔

اجلاس میں 15 اکتوبر کو ملتان میں منعقد ہونے والی مفتی محمود کانفرنس میں بھرپور شرکت، کانفرنس کی تیاریوں کو حتمی شکل دینے، جماعتی سرگرمیوں میں مزید تیزی لانے اور ضلع بھر میں جماعتی نظم و نسق کو مزید فعال، منظم اور مؤثر بنانے کے حوالے سے تفصیلی مشاورت کی گئی۔

اجلاس کے دوران اراکینِ مجلس عمومی نے مختلف جماعتی، عوامی اور انتظامی امور کے حوالے سے اپنی آراء اور تجاویز پیش کیں، جن پر تفصیلی غور و خوض کیا گیا۔ شرکاء نے جماعتی نظم و ضبط کو مزید مضبوط بنانے اور عوامی مسائل کے حل کے لیے ہر ممکن مؤثر کردار ادا کرنے کے عزم کا اظہار کیا۔

مجلس عمومی کے اجلاس میں ضلع بھر کے مختلف سرکاری دفاتر میں جاری مبینہ بدعنوانی، کرپشن کی روک تھام اور عوام کو درپیش مشکلات کے حوالے سے بھی تفصیلی گفتگو کی گئی۔ اجلاس میں اس امر پر زور دیا گیا کہ عوامی مسائل کے حل، شفافیت کے فروغ اور کرپشن کے تدارک کے لیے متعلقہ فورمز پر مؤثر آواز اٹھائی جائے گی۔

اجلاس میں ضلع ٹانک میں جاری بدامنی، روزانہ کی بنیاد پر چوری، ڈکیتی اور راہزنی کے واقعات، شہر میں صفائی کی ابتر صورتحال اور ہفتے میں دو روز کرفیو کے باعث پیدا ہونے والی مشکلات پر بھی شدید تشویش کا اظہار کیا گیا۔ اراکینِ مجلس عمومی نے مطالبہ کیا کہ شہریوں کے جان و مال کے تحفظ، امن و امان کی بحالی، صفائی کے مؤثر نظام اور معمولاتِ زندگی کی بحالی کے لیے فوری اور مؤثر اقدامات کیے جائیں۔

شرکاء نے اس بات پر زور دیا کہ عوام کو درپیش بنیادی مسائل کے حل اور ضلع میں امن و امان کے قیام کے لیے تمام متعلقہ ادارے اپنی ذمہ داریاں پوری کریں، جبکہ جمعیت علماء اسلام عوامی مسائل کے حل کے لیے اپنی آواز مؤثر انداز میں بلند کرتی رہے گی۔

اجلاس کے اختتام پر جمعیت علماء اسلام کے سینئر نائب امیر مولانا شریف الدین صاحب نے قائد جمعیت مولانا فضل الرحمن صاحب کی صحت و سلامتی، جماعت کی فعالیت و استحکام، ملک و قوم کی سلامتی اور ضلع ٹانک میں امن و امان کے قیام کے لیے خصوصی دعا کرائی۔
جاری کردہ
شمس الزمان شمس
سیکرٹری اطلاعات جمعیت علماء اسلام ضلع ٹانک

23/09/2026

جمعیت علماء اسلام ضلع ٹانک کی ضلعی مجلسِ عاملہ کا اہم اجلاس

جمعیت علماء اسلام ضلع ٹانک کی ضلعی مجلسِ عاملہ کا اہم اجلاس ضلعی قائم مقام امیر مفتی اللہ نور صاحب کی زیرِ صدارت منعقد ہوا، جبکہ اجلاس کا ایجنڈا ضلعی سیکرٹری جنرل مولانا نادر خان صاحب نے پیش کیا۔

اجلاس میں 27 ستمبر کو منعقد ہونے والے ضلعی مجلسِ عمومی کے اجلاس کی تیاریوں کا تفصیلی جائزہ لیا گیا۔ یہ اجلاس 15 اکتوبر کو ملتان میں منعقد ہونے والی مفتی محمود کانفرنس کی کامیابی کے سلسلے میں منعقد کیا جا رہا ہے۔

ضلعی مجلسِ عاملہ نے مجلسِ عمومی کے اجلاس کے انتظامات اور تیاریوں کو حتمی شکل دیتے ہوئے کانفرنس کی بھرپور کامیابی کے لیے تنظیمی سطح پر مؤثر حکمتِ عملی اور اقدامات پر بھی غور کیا۔

16/09/2026

2002 سے 2007 تک صوبے میں صرف ایک مرتبہ متحدہ مجلسِ عمل کے پلیٹ فارم سے جمعیت علماء اسلام کو حکومت کا موقع ملا۔ اس دور میں بھی ٹانک سے صوبائی اسمبلی کا رکن جمعیت علماء اسلام سے نہیں تھا، اس کے باوجود ٹانک میں ریکارڈ ترقیاتی کام کیے گئے اور ایسے منصوبے دیے گئے جو آج بھی نمایاں نظر آتے ہیں۔

اس کے برعکس 2013 سے 2026 تک مختلف ادوار میں تحریکِ انصاف کو صوبے میں طویل عرصے تک حکومت حاصل رہی۔ اب سوال یہ ہے کہ ان 13 برسوں کے دوران ٹانک کے عوام کے لیے کون سا ایسا بڑا اور تاریخی منصوبہ شروع یا مکمل کیا گیا جسے ضلع کی ترقی میں سنگِ میل قرار دیا جا سکے؟

ٹانک کے عوام کو نعروں اور دعوؤں کے بجائے عملی کارکردگی، مکمل شدہ منصوبوں اور ترقیاتی نتائج کا حساب دیا جانا چاہیے۔

10/09/2026

جمعیت علماء اسلام ضلع ٹانک کی ضلعی مجلسِ عاملہ کا ہنگامی اجلاس ضلعی امیر مولانا امیر محمد جان صاحب کی زیرِ صدارت اور ضلعی سیکرٹری جنرل مولانا نادر خان صاحب کی زیرِ نظامت بیٹنی ہاؤس ڈبرہ میں جاری ہے۔ اجلاس میں اہم تنظیمی امور پر غور و خوض جاری ہے، جبکہ اہم فیصلے متوقع ہیں۔

07/09/2026

07/09/2026

جمعیت علماء اسلام ضلع ٹانک کی زیرِ سرپرستی اور عالمی مجلس تحفظ ختمِ نبوت ضلع ٹانک کے زیرِ اہتمام ختمِ نبوت ﷺ موٹر سائیکل ریلی سپین مسجد ٹانک سے روانہ ہو گئی۔

ریلی دامان چوک پہنچے گی، جہاں فاتحِ ختمِ نبوت حضرت مفتی محمودؒ کے نام کا بورڈ نصب کرکے دامان چوک کو مفتی محمود چوک کا نام دینے کی تقریب کا افتتاح کیا جائے گا۔

بعد ازاں ریلی کے شرکاء سے عالمی مجلس تحفظ ختمِ نبوت ٹانک اور جمعیت علماء اسلام ضلع ٹانک کے ضلعی ذمہ داران مختصر خطاب کریں گے۔

02/09/2026

جمعیت علماء اسلام ضلع ٹانک کی ضلعی مجلس عاملہ کا اہم اجلاس، 7 ستمبر کو یومِ الفتح و ختمِ نبوت منانے اور موٹر سائیکل ریلی کا اعلان

جمعیت علماء اسلام ضلع ٹانک کی ضلعی مجلس عاملہ کا اہم اجلاس ضلعی امیر مولانا امیر محمد جان صاحب کی زیرِ صدارت منعقد ہوا، جس میں اراکینِ ضلعی مجلس عاملہ نے بھرپور شرکت کی۔ اجلاس میں جماعتی امور، آئندہ کی سرگرمیوں اور تنظیمی معاملات سمیت مختلف اہم امور پر تفصیلی غور و خوض کیا گیا۔

اجلاس کا ایجنڈا ضلعی سیکرٹری جنرل مولانا نادر خان صاحب نے پیش کیا، جس پر اراکینِ مجلس عاملہ نے تفصیلی مشاورت کی اور مختلف تجاویز پیش کیں۔ اجلاس میں فیصلہ کیا گیا کہ 7 ستمبر کو یومِ الفتح و ختمِ نبوت کے طور پر بھرپور انداز میں منایا جائے گا، جبکہ اس سلسلے میں عوامی آگاہی اور عقیدۂ ختمِ نبوت کی اہمیت کو اجاگر کرنے کے لیے 7 ستمبر کو موٹر سائیکل ریلی بھی نکالی جائے گی۔

اجلاس میں جمعیت علماء اسلام ضلع ٹانک کو تحصیل، ویلج کونسل اور دیگر تنظیمی سطحوں پر مزید فعال اور منظم بنانے کے حوالے سے بھی اہم فیصلے کیے گئے۔ اس مقصد کے لیے ضلعی امیر مولانا امیر محمد جان صاحب نے اراکینِ مجلس عاملہ سے تفصیلی مشاورت کے بعد 27 ستمبر کو ضلعی مجلسِ عمومی کا اہم دستوری اجلاس طلب کرلیا، جس میں جماعت کی تنظیمی فعالیت، آئندہ کے لائحۂ عمل اور دیگر اہم جماعتی امور پر تفصیلی غور کیا جائے گا۔

اجلاس میں اس عزم کا بھی اظہار کیا گیا کہ جمعیت علماء اسلام ضلع ٹانک کی تنظیمی سرگرمیوں کو مزید مؤثر بنایا جائے گا اور تحصیلوں، ویلج کونسلوں اور یونٹ کی سطح تک جماعتی نظم و نسق کو مضبوط کرکے کارکنان کو مزید متحرک کیا جائے گا۔

اجلاس کے اختتام پر جے یو آئی ضلع ٹانک کے ضلعی سینئر نائب امیر مولانا شریف الدین صاحب نے قائدِ جمعیت مولانا فضل الرحمان صاحب کی صحت و تندرستی، درازیٔ عمر اور جماعتی و ملی خدمات کی توفیق کے لیے خصوصی دعا کرائی۔ اس کے علاوہ ملکِ پاکستان، بالخصوص خیبرپختونخوا میں پائیدار امن و استحکام، عوام کی جان و مال کے تحفظ اور ملک و قوم کی ترقی و خوشحالی کے لیے بھی خصوصی دعائیں کی گئیں۔

جاری کردہ
شمس الزمان شمس سیکرٹری اطلاعات جمعیت علماء اسلام ضلع ٹانک

25/08/2026

ٹانک جمعیت علماء اسلام ٹانک کے ضلعی سیکرٹری جنرل مولانا نادر خان کی سربراہی میں اراکین ضلعی مجلسِ عاملہ کے وفد نے محمد آیاز برکی، ایکسین واپڈا ٹانک سے اہم ملاقات کی۔ ملاقات میں ضلع ٹانک کے مختلف علاقوں میں بجلی کی بندش، عوام کو درپیش مشکلات اور بجلی کے نظام میں بہتری کے حوالے سے تفصیلی گفتگو کی گئی۔ وفد میں جےیوآئی ٹانک کے ضلعی سرپرست ڈاکٹر محمد شعیب اور ضلعی سیکرٹری مالیات قاری گل بادشاہ و دیگر احباب بھی شامل تھے۔

وفد نے خصوصاً کڑی حیدر، نصران اور دیگر علاقوں میں تاریں ٹوٹنے کے باعث کئی گھنٹوں سے جاری بجلی کی بندش کا مسئلہ ایکسین واپڈا کے سامنے اٹھایا اور مطالبہ کیا کہ متاثرہ علاقوں میں فوری طور پر بجلی بحال کرنے کے لیے عملی اقدامات کیے جائیں تاکہ شدید گرمی میں عوام کو مزید مشکلات کا سامنا نہ کرنا پڑے۔

اس موقع پر گاؤں مانجھی، پیروانہ اور گل امام میں نئے ٹرانسفارمرز کی تنصیب کے حوالے سے بھی تفصیلی تبادلۂ خیال کیا گیا۔ وفد نے زور دیا کہ ان علاقوں میں بجلی کی ضروریات اور آبادی کو مدنظر رکھتے ہوئے نئے ٹرانسفارمرز کی تنصیب کا عمل جلد از جلد مکمل کیا جائے۔

ایکسین واپڈا محمد آیاز برکی نے وفد کو یقین دہانی کرائی کہ بجلی کی بندش سے متعلق مسائل کے فوری ازالے اور نئے ٹرانسفارمرز کی تنصیب کے لیے متعلقہ عملے کو ضروری ہدایات جاری کی جائیں گی اور عوام کو درپیش مشکلات کے حل کے لیے ہر ممکن اقدامات کیے جائیں گے۔

جمعیت علماء اسلام ٹانک کے وفد نے اس امید کا اظہار کیا کہ واپڈا حکام عوامی مشکلات کا فوری نوٹس لیتے ہوئے بجلی کی فراہمی میں بہتری اور متعلقہ مسائل کے مستقل حل کے لیے عملی اقدامات کو یقینی بنائیں گے۔

23/08/2026

جے یو آئی پشاور ورکرز کنونشن

قومی ترانے