02/08/2026
باتسلیمات دفتر میونسپل کمیٹی اوچ شریف، ٹیلی فون نمبر: 0622551753
ہینڈ آؤٹ نمبر: 55/26
بتاریخ: 2 اگست 2026ء
اوچ شریف: اسسٹنٹ کمشنر احمد پور شرقیہ اقراء ناصر نے اوچ شریف میں للو والی پل کے قریب آندھی اور بارش کی وجہ سے میتلہ ہوٹل کے چھپر گرنے کے واقعہ کا جائزہ لینے کے لیے مذکورہ ڈھابے کا دورہ کیا اور مقامی لوگوں سے ملاقات کی۔ اس موقع پر انہوں نے بستی سیال میں چھپر کے نیچے دب کر جاں بحق ہونے والے شخص عبدالحمید کے اہل خانہ سے بھی ملاقات کی اور مرحوم کے لیے فاتحہ خوانی کرتے ہوئے ورثا سے تعزیت کا اظہار کیا۔ اسسٹنٹ کمشنر احمد پور شرقیہ نے شہریوں سے اپیل کی کہ بارشوں کے موسم میں احتیاطی تدابیر اختیار کی جائیں، کسی بھی ہنگامی صورت حال میں متعلقہ اداروں سے فوری رابطہ کیا جائے۔ واضح رہے کہ اوچ شریف میں آج شام آنے والی تیز آندھی اور بعدازاں موسلا دھار بارش کے دوران للو والی پل کے قریب میتلہ ہوٹل کا چھپر اچانک زمین بوس ہو گیا تھا، اس حادثے کے نتیجے میں بستی ماہی کے رہائشی 55 سالہ شخص عبدالحمید ولد اللہ وسایا جاں بحق جب کہ 28 سالہ نوجوان محمد ساجد ولد ریاض احمد زخمی ہو گئے تھے۔
