01/07/2026
عوامی مسائل کے حل اور علاقے کی بہتری کے لیے اہم پیش رفت
آج پی کے 78 کے وفد نے سابق صدر تحصیل پشتہ خرہ جناب جبار باغی، وی سی 36 حاجی بانڈہ کے صدر حاجی مکرم خان، صدر ایوب خان اور جناب الطاف خان کی قیادت میں ڈبلیو ایس ایس پی کے سی ای او ملک شہاب سے تفصیلی ملاقات کی۔
ملاقات کے دوران علاقے میں صفائی، سیوریج، پینے کے صاف پانی، بنیادی شہری سہولیات اور دیگر عوامی مسائل پر تفصیلی تبادلۂ خیال کیا گیا۔ وفد نے عوام کو درپیش مشکلات اور ضروریات کو بھرپور انداز میں اجاگر کیا، جبکہ سی ای او ملک شہاب نے مسائل کے بروقت حل، صفائی کے نظام میں بہتری اور علاقے کی ترقی و خوبصورتی کے لیے ہر ممکن تعاون اور عملی اقدامات کی یقین دہانی کرائی۔
ان شاء اللہ امید ہے کہ ڈبلیو ایس ایس پی کی جانب سے جلد بھرتیوں کا بھی اعلان ہوگا، جس سے علاقے کے نوجوانوں کو روزگار کے مواقع میسر آئیں گے۔ توقع ہے کہ حاجی بانڈہ کے بھی تقریباً 5 سے 6 نوجوانوں کو روزگار کا موقع مل سکے گا۔
ہمیں یقین ہے کہ اس ملاقات کے مثبت نتائج جلد سامنے آئیں گے اور علاقے کے عوام کو بہتر شہری سہولیات اور صاف ستھرا ماحول فراہم کرنے کی جانب مؤثر پیش رفت ہوگی۔
عوامی خدمت ہمارا عزم ہے، اور عوامی مسائل کا حل ہماری اولین ترجیح۔
