Khyber Police

Khyber Police Official page of Khyber Police. For all emergencies dial 15.

لنڈی کوتل پولیس کا فوری ایکشن، شادی میں ہوائی فائرنگ کرنے والا دلہا گرفتار،مقدمہ درج، مزید تفتیش جاریتفصیلات کے مطابق ڈی...
01/06/2026

لنڈی کوتل پولیس کا فوری ایکشن، شادی میں ہوائی فائرنگ کرنے والا دلہا گرفتار،مقدمہ درج، مزید تفتیش جاری

تفصیلات کے مطابق ڈی پی او خیبر وقار احمد کی خصوصی ہدایات پر ضلع بھر میں شادی بیاہ اور دیگر تقریبات کے دوران ہوائی فائرنگ کے خلاف جاری مہم کے سلسلے میں لنڈی کوتل پولیس نے کامیاب کارروائی کرتے ہوئے دلہا فیضان ولد فیاض سکنہ سلطان خیل کو گرفتار کر لیا۔
ایس ایچ او لنڈی کوتل عشرت شینواری کی سربراہی میں سب انسپکٹر خیال محمد نے پولیس نفری کے ہمراہ کارروائی کرتے ہوئے ملزم دلہا فیضان کو گرفتار کرکے حوالات منتقل کر دیا۔ ملزم شادی کی تقریب میں ہوائی فائرنگ کر رہا تھا جس پر فوری قانونی کارروائی عمل میں لاتے ہوئے اس کے خلاف مقدمہ درج کر لیا گیا جبکہ مزید تفتیش جاری ہے۔
ایس ایچ او عشرت شینواری نے شہریوں کو سخت تنبیہ کرتے ہوئے کہا کہ شادی بیاہ اور دیگر تقریبات میں ہوائی فائرنگ کرنے والوں کے خلاف بلاامتیاز قانونی کارروائی کی جائے گی، لہٰذا عوام قانون شکنی سے گریز کریں۔

ایس پی جمرود سرکل کا علی مسجد اور لنڈی کوتل تھانوں کا دورہ، پولیس افسران کو اہم ہدایاتایس پی جمرود سرکل بادشاہ خان نے ڈی...
01/06/2026

ایس پی جمرود سرکل کا علی مسجد اور لنڈی کوتل تھانوں کا دورہ، پولیس افسران کو اہم ہدایات

ایس پی جمرود سرکل بادشاہ خان نے ڈی ایس پی سید خان کے ہمراہ تھانہ علی مسجد اور تھانہ لنڈی کوتل کا دورہ کیا، جہاں انہوں نے پولیس افسران اور جوانوں سے ملاقات کی۔ اس موقع پر تھانوں میں آنے والے سائلین سے بھی ملاقات کی گئی اور ان کے مسائل سنے گئے۔
ایس پی جمرود سرکل نے افسران کو ہدایت کی کہ عوامی درخواستوں کو بروقت نمٹایا جائے اور شہریوں کے ساتھ خوش اخلاقی اور پیشہ ورانہ انداز میں پیش آیا جائے۔ انہوں نے سیکیورٹی کو ہائی الرٹ رکھنے، گشت اور ناکہ بندی کے نظام کو مزید مؤثر بنانے، جبکہ ڈیوٹی کے دوران اہلکاروں کو اپنی حفاظت کے لیے ہیلمٹ اور بلٹ پروف جیکٹس کے استعمال کو ہر صورت یقینی بنانے کی ہدایت کی۔ انہوں نے کہا کہ عوام کی جان و مال کے تحفظ اور امن و امان کے قیام کے لیے تمام دستیاب وسائل بروئے کار لائے جائیں۔

جمرود پولیس کی بڑی کارروائی9 کلو 600 گرام چرس برآمد، دو ملزمان گرفتار منظم منشیات گروہ کے کارندے گرفتار، نیٹ ورک کی چھان...
01/06/2026

جمرود پولیس کی بڑی کارروائی9 کلو 600 گرام چرس برآمد، دو ملزمان گرفتار منظم منشیات گروہ کے کارندے گرفتار، نیٹ ورک کی چھان بین جاری،ڈی پی او وقار احمد کی قیادت میں کریک ڈاؤن مذید تیز کردی گئی۔

ڈسٹرکٹ پولیس آفیسر وقار احمد کی قیادت میں منشیات فروشوں و سمگلروں کے خلاف ضلع بھر میں مؤثر اور سخت کریک ڈاؤن جاری ہے۔ایس ایچ او صدیق خان کی نگرانی میں اسسٹنٹ انچارج نواب شاہ شہید چوکی وزیرڈھنڈ یاراہ جان نے اپنی ٹیم کے ہمراہ خوگیانی کوثہ کے مقام پر خصوصی ناکہ بندی کی۔ دوران ناکہ بندی مشکوک موٹر سائیکل سواروں کو روک کر تلاشی لی گئی۔تلاشی کے دوران مجموعی طور پر 9 کلو 600 گرام چرس برآمد کر لی گئی۔دونوں ملزمان عابد حسین ولد زرغن شاہ سکنہ محلہ آفریدی آباد کوہاٹ روڈ اور محمد بلال ولد سلمان شاہ سکنہ باڑہ شلوبر کو گرفتار کر لیا۔ملزمان کے خلاف مقدمہ درج کرکے مزید تفتیش شروع کر دی گئی ہے۔

ایس ایچ او جمرود نے کہا کہ منشیات فروش معاشرے کا ناسور ہیں اور ان کے خلاف کارروائیاں بلا تعطل جاری رہیں گی۔ گرفتار ملزمان ایک منظم منشیات گروہ کے کارندے ہیں جن کے پورے نیٹ ورک کے خلاف بھی گھیرا تنگ کیا جا رہا ہے۔ علاقے میں منشیات کے مکمل خاتمے کے لیے سخت اور مؤثر اقدامات جاری ہیں اور عوام پولیس کے ساتھ اسی طرح تعاون جاری رکھے۔

31/05/2026

جمرود پولیس کی منشیات فروشوں کے خلاف بڑی کارروائی، عارضی ٹھکانے مسمار

جمرود پولیس نے منشیات فروشوں اور جرائم پیشہ عناصر کے خلاف مؤثر کریک ڈاؤن کے دوران متعدد عارضی ٹھکانوں کو مسمار کر کے نذر آتش کر دیا۔
ایس ایچ او جمرود صدیق خان کی قیادت میں پولیس نے کامیاب کارروائی کرتے ہوئے منشیات فروشوں کے استعمال میں آنے والے ٹھکانوں کو مکمل طور پر مسمار کر کے آگ لگا دی گئی۔
اس موقع پر ڈسٹرکٹ پولیس آفیسر خیبر وقار احمد نے کہا کہ ضلع بھر میں منشیات فروشوں، سمگلروں، ڈیلرز اور ان کے سہولت کاروں کے خلاف بلا امتیاز کارروائیاں جاری ہیں۔ انہوں نے بتایا کہ اب تک متعدد کامیاب آپریشنز کے دوران سینکڑوں کلوگرام منشیات برآمد اور متعدد ملزمان کو گرفتار کیا جا چکا ہے۔
ڈی پی او نے کہا کہ منشیات جیسا ناسور صرف پولیس کی کوششوں سے ختم نہیں کیا جا سکتا، اس کے خاتمے کے لیے عوامی تعاون ناگزیر ہے۔ انہوں نے عوام، مشران، ملکان، نوجوانوں اور سماج کے تمام طبقات سے اپیل کی کہ وہ پولیس کے ساتھ بھرپور تعاون کریں اور منشیات فروشوں، سمگلروں اور ان کے سہولت کاروں کا سماجی بائیکاٹ یقینی بنائیں تاکہ معاشرے کو اس لعنت سے پاک کیا جا سکے۔

ملاگوری پولیس کی کارروائی، شادی کی تقریب میں ہوائی فائرنگ کرنے والا ملزم گرفتارڈسٹرکٹ پولیس آفیسر خیبر وقار احمد کے احکا...
31/05/2026

ملاگوری پولیس کی کارروائی، شادی کی تقریب میں ہوائی فائرنگ کرنے والا ملزم گرفتار

ڈسٹرکٹ پولیس آفیسر خیبر وقار احمد کے احکامات پر ملاگوری پولیس نے شادی کی تقریب میں ہوائی فائرنگ کرنے والے ملزم ضیاء الحق ولد نیک عمل سکنہ ذگا کلے کو گرفتار کر لیا۔
ایس ایچ او ملاگوری زاہد خان کی نگرانی میں ایڈیشنل ایس ایچ او صالح محمد اور پولیس ٹیم نے کارروائی کے دوران ملزم کے قبضے سے ایک عدد پستول بھی برآمد کر لیا۔ ملزم کے خلاف مقدمہ درج کرکے مزید تفتیش شروع کر دی گئی ہے۔
ڈی پی او وقار احمد نے کہا کہ ہوائی فائرنگ ایک سنگین جرم ہے، قانون شکنی کرنے والوں کے خلاف بلاامتیاز کارروائی جاری رہے گی۔

خیبر لنڈی کوتل پولیس کی بڑی کارروائی خوشیوں کی تقریب میں قانون شکنی دولہا گرفتار، مقدمہ درج لنڈی کوتل پولیس کا مؤثر ایکش...
30/05/2026

خیبر لنڈی کوتل پولیس کی بڑی کارروائی خوشیوں کی تقریب میں قانون شکنی دولہا گرفتار، مقدمہ درج لنڈی کوتل پولیس کا مؤثر ایکشن

لنڈی کوتل پولیس نے شادی بیاہ کی تقریبات میں ہوائی فائرنگ کے خلاف کارروائیوں کا سلسلہ جاری رکھتے ہوئے ایس ایچ او لنڈی کوتل عشرت شینواری کی ہدایت پر علاقہ خوگہ خیل اشرف خیل میں شادی کی تقریب کے دوران ہوائی فائرنگ کرنے والے دولہا ثاقب خان کو گرفتار کر لیا گیا۔ملزم کے خلاف باقاعدہ مقدمہ درج کرکے مزید تفتیش شروع کر دی ہے۔ ہوائی فائرنگ جیسے خطرناک عمل کے خلاف زیرو ٹالرنس پالیسی کے تحت کارروائی عمل میں لائی گئی۔

اس موقع پر ایس ایچ او عشرت شینواری نے کہا کہ ڈسٹرکٹ پولیس آفیسر خیبر وقار احمد کے واضح احکامات کی روشنی میں ہوائی فائرنگ، اسلحہ کی نمائش اور دیگر غیر قانونی سرگرمیوں میں ملوث عناصر کے خلاف بلاامتیاز کارروائیاں جاری ہیں۔ انہوں نے کہا کہ شادی بیاہ اور دیگر خوشی کی تقریبات میں ہوائی فائرنگ کسی صورت برداشت نہیں کی جائے گی اور قانون کی خلاف ورزی کرنے والوں کے خلاف سخت قانونی کارروائی عمل میں لائی جائے گی۔
انہوں نے مزید کہا کہ ہوائی فائرنگ نہ صرف قانوناً جرم ہے بلکہ یہ قیمتی انسانی جانوں کے لیے شدید خطرہ بھی ہے، جس کے تدارک کے لیے پولیس پوری طرح متحرک ہے۔

خیبر :- لنڈیکوتل پولیس کی کامیاب کارروائی، دوست کو قتل کرنے والا ملزم گرفتار، آلہ قتل بھی برآمد،لنڈیکوتل پولیس نے جدید ت...
30/05/2026

خیبر :- لنڈیکوتل پولیس کی کامیاب کارروائی، دوست کو قتل کرنے والا ملزم گرفتار، آلہ قتل بھی برآمد،

لنڈیکوتل پولیس نے جدید تفتیشی حکمت عملی اور بروقت کارروائی کرتے ہوئے پکنک کے دوران اپنے ہی دوست کو قتل کرنے والے ملزم کو گرفتار کر لیا، جبکہ آلہ قتل بھی برآمد کر لیا گیا ہے۔
تفصیلات کے مطابق مورخہ 29 مئی 2026 کو علاقہ چارباغ تنگئی لنڈیکوتل کے پکنک پوائنٹ سے تنویر ولد عجب، سکنہ ناصر باغ پشاور، عمر تقریباً 20 سے 22 سال، کی نعش برآمد ہوئی۔ اطلاع ملتے ہی پولیس موقع پر پہنچ گئی اور قانونی کارروائی کے بعد نعش کو پوسٹ مارٹم کے لیے ہسپتال منتقل کر دیا گیا۔
پوسٹ مارٹم رپورٹ سے معلوم ہوا کہ مقتول کو تیز دھار آلہ (چھری) کے وار کرکے قتل کیا گیا تھا، جبکہ مقتول کے ساتھ موجود بعض دوستوں نے ابتدائی طور پر حقائق چھپاتے ہوئے پولیس کو پہاڑ سے گرنے کا جھوٹا بیان دیا تھا۔
واقعے کا نوٹس لیتے ہوئے ڈسٹرکٹ پولیس آفیسر خیبر، وقار احمد نے ملزم کی فوری گرفتاری کے احکامات جاری کیے۔ ایس ایچ او لنڈیکوتل عشرت شینواری نے تفتیشی ٹیم کے ہمراہ خصوصی ٹیم تشکیل دے کر مختلف پہلوؤں پر تحقیقات کا آغاز کیا۔ پیشہ ورانہ تفتیش اور شواہد کی بنیاد پر اصل ملزم بلال ولد فدا محمد، سکنہ ناصر باغ پشاور، کو گرفتار کر لیا گیا، جس نے دورانِ تفتیش جرم کا اعتراف بھی کر لیا۔ پولیس نے ملزم کی نشاندہی پر آلہ قتل بھی برآمد کر لیا ہے۔ ملزم سے مزید تفتیش جاری ہے

ڈسٹرکٹ پولیس آفیسر وقار احمد نے کامیاب کارروائی پر ایس ایچ او لنڈیکوتل اور پوری تفتیشی ٹیم کی کارکردگی کو سراہتے ہوئے کہا کہ ملزم نے جرم کو چھپانے کی بھرپور کوشش کی، تاہم پولیس نے پیشہ ورانہ مہارت، جدید تفتیشی طریقہ کار اور ٹھوس شواہد کی مدد سے ملزم کو قانون کے کٹہرے میں پہنچا دیا۔ انہوں نے کہا کہ عوام کے جان و مال کے تحفظ اور جرائم پیشہ عناصر کے خلاف بلاامتیاز کارروائیاں جاری رہیں گی۔

جمرود پولیس کی منشیات فروشوں کے خلاف کامیاب کارروائیاں، تین ملزمان گرفتارڈسٹرکٹ پولیس آفیسر خیبر وقار احمد کے احکامات کی...
30/05/2026

جمرود پولیس کی منشیات فروشوں کے خلاف کامیاب کارروائیاں، تین ملزمان گرفتار

ڈسٹرکٹ پولیس آفیسر خیبر وقار احمد کے احکامات کی روشنی میں جمرود پولیس کی جانب سے منشیات فروشوں اور جرائم پیشہ عناصر کے خلاف کارروائیاں بدستور جاری ہیں۔اسی سلسلے میں ایس ایچ او جمرود صدیق خان کی سربراہی میں اسسٹنٹ انچارج زرمت خان شہید چوکی نعمت خان نے مختلف کارروائیوں کے دوران تین ملزمان کو گرفتار کر لیا۔
گرفتار ملزمان میں اظہار، عرفان اور زیشان شامل ہیں ملزم اظہار کے قبضے سے 176 گرام آئس، 300 عدد ایکسٹیسی گولیاں اور دھندہ کے رقم، ملزم عرفان کے قبضے سے 50 گرام آئس، 400 عدد ایکسٹیسی گولیاں اور دھندہ کی رقم جبکہ ملزم زیشان کے قبضے سے 44 گرام آئس، 270 عدد ایکسٹیسی گولیاں اور دھندہ کی رقم برآمد کر لیے۔
برآمد شدہ منشیات قبضے میں لے کر ملزمان کے خلاف مقدمات درج کر لیے گئے ہیں جبکہ مزید تفتیش جاری ہے۔

ایس ایچ او جمرود نے کہا ہے کہ جمرود میں منشیات فروشوں اور نوجوان نسل کو تباہی کی طرف دھکیلنے والے عناصر کے خلاف بلاامتیاز کارروائیاں جاری رہیں گی اور قانون شکن عناصر کے لیے کسی قسم کی رعایت نہیں برتی جائے گی۔

خیبر پولیس کی جانب سے والدین سے گزارش ہے کہ عید الاضحیٰ کے دنوں میں بچوں کو موٹر سائیکل چلانے کی ہرگز اجازت نہ دیں۔ اگر ...
28/05/2026

خیبر پولیس کی جانب سے والدین سے گزارش ہے کہ عید الاضحیٰ کے دنوں میں بچوں کو موٹر سائیکل چلانے کی ہرگز اجازت نہ دیں۔ اگر موٹر سائیکل میں ایسی تبدیلیاں کی گئی ہوں جیسے سیٹ اونچی کرنا، ہینڈل تبدیل کرنا یا بغیر نمبر پلیٹ استعمال کرنا، تو یہ خطرناک ون ویلنگ کی تیاری ہے جو جان لیوا حادثات کا سبب بن سکتی ہے۔
اپنے بچوں پر کڑی نظر رکھیں اور پولیس کے ساتھ مکمل تعاون کریں تاکہ عید کی خوشیاں محفوظ رہیں۔

وزیراعلیٰ خیبرپختونخوا کے دورہ خیبر باڑہ کے موقع پر خیبر پولیس کے فول پروف سیکیورٹی انتظاماتتفصیلات وزیراعلیٰ خیبرپختونخ...
28/05/2026

وزیراعلیٰ خیبرپختونخوا کے دورہ خیبر باڑہ کے موقع پر خیبر پولیس کے فول پروف سیکیورٹی انتظامات

تفصیلات وزیراعلیٰ خیبرپختونخوا کے دورہ باڑہ کے موقع پر ڈسٹرکٹ پولیس آفیسر خیبر وقار احمد کی سربراہی میں سیکیورٹی کے فول پروف انتظامات کیے گئے سرکل آفیسر بادشاہ خان ڈی ایس پی باڑہ مظہر آفریدی، ایس ایچ او جاوید آفریدی سمیت پولیس کی بھاری نفری نے رہائش گاہ کے داخلی و خارجی راستوں، اہم شاہراہوں اور حساس مقامات پر سخت سیکیورٹی ڈیوٹیاں سرانجام دیں۔دورے کے دوران خصوصی ناکہ بندیاں قائم کی گئیں، اسنیپ چیکنگ اور گشت کے نظام کو مزید مؤثر بنایا گیا جبکہ بم ڈسپوزل یونٹ اور سادہ کپڑوں میں موجود پولیس اہلکار بھی مکمل طور پر الرٹ رہے۔ پولیس جوانوں نے پیشہ ورانہ مہارت اور ذمہ داری کے ساتھ فرائض سرانجام دیتے ہوئے سیکیورٹی کو ہر ممکن طور پر یقینی بنایا۔

ڈسٹرکٹ پولیس آفیسر خیبر وقار احمد نے مختلف سیکیورٹی پوائنٹس کا دورہ کرکے انتظامات کا تفصیلی جائزہ لیا۔ انہوں نے ڈیوٹی پر موجود افسران و اہلکاروں کی بہترین کارکردگی، فرض شناسی اور مستعدی کو سراہتے ہوئے انہیں شاباش دی۔
انہوں نے کہا کہ ضلع میں امن و امان کی صورتحال کو برقرار رکھنا اور اہم شخصیات کی سیکیورٹی کو یقینی بنانا خیبر پولیس کی اولین ترجیح ہے، اور اس مقصد کے لیے تمام دستیاب وسائل اور پیشہ ورانہ صلاحیتیں بروئے کار لائی جا رہی ہیں۔

Address

Jamdood Shakas
Khyber

Telephone

+923459076278

Website

Alerts

Be the first to know and let us send you an email when Khyber Police posts news and promotions. Your email address will not be used for any other purpose, and you can unsubscribe at any time.

Shortcuts

Share

Category