Assistant Commissioner Taxila

05/08/2026

اسسٹنٹ کمشنر ٹیکسلا ڈاکٹر انس سعید کی ہدایت پر ٹیکسلا چوک میں تجاوزات کے خاتمے کے لیے بھرپور آپریشن کیا گیا۔ آپریشن کے دوران غیر قانونی ریڑھی بانوں اور رکشوں کے خلاف سخت کریک ڈاؤن کرتے ہوئے سڑک اور چوک کو ہر قسم کی رکاوٹ سے پاک کرایا گیا تاکہ ٹریفک کی روانی بحال ہو اور شہریوں کو آمدورفت میں سہولت میسر آئے۔ ضلعی انتظامیہ نے واضح کیا ہے کہ عوامی راستوں پر تجاوزات اور غیر قانونی پارکنگ کسی صورت برداشت نہیں کی جائے گی، اور ایسے آپریشنز آئندہ بھی بلاامتیاز جاری رہیں گے۔

صاف ستھرا، منظم اور تجاوزات سے پاک ٹیکسلا — ضلعی انتظامیہ کا عزم۔

05/08/2026

اسسٹنٹ کمشنر ٹیکسلا، ڈاکٹر انس سعید کی زیرِ صدارت ٹیکسلا میں ٹریفک مسائل کے حوالے سے ایک اہم اجلاس منعقد ہوا۔

اجلاس میں ٹیکسلا چوک، تجاوزات، رکشوں کی غیر ضروری اور بے ہنگم پارکنگ، غلط پارکنگ کے باعث ٹریفک کی روانی میں حائل رکاوٹوں اور شہر کو درپیش دیگر ٹریفک مسائل پر تفصیلی تبادلۂ خیال کیا گیا۔ اجلاس میں متعلقہ محکموں کے افسران، ٹریفک پولیس اور دیگر متعلقہ اداروں کے نمائندگان نے شرکت کی۔ اس موقع پر ٹریفک کے نظام کو بہتر بنانے، غیر قانونی پارکنگ کی روک تھام اور شہریوں کو بہتر سفری سہولیات فراہم کرنے کے لیے مختلف تجاویز اور مؤثر عملی اقدامات پر غور کیا گیا۔

04/08/2026

اسسٹنٹ کمشنر تحصیل ٹیکسلا ڈاکٹر محمد انس سعید نے آج THQ ہسپتال ٹیکسلا کا اچانک دورہ کیا اور ہسپتال کی مجموعی صفائی، انتظامی امور اور مریضوں کو فراہم کی جانے والی سہولیات کا جائزہ لیا۔
دورے کے دوران وارڈز، ایمرجنسی اور او پی ڈی کا معائنہ کیا، جہاں صفائی کے ناقص انتظامات اور دیگر خامیوں کی نشاندہی کی۔ متعلقہ عملے کو فوری طور پر بہتری لانے اور معیاری صحت سہولیات یقینی بنانے کی سخت ہدایات جاری کی گئیں۔

Deputy Commissioner Rawalpindi Commissioner Rawalpindi Official Govt of Punjab

04/08/2026

اسسٹنٹ کمشنر ٹیکسلا ڈاکٹر محمد انس سعید صاحب کی صدارت میں آج تحصیل ایمرجنسی رسپانس کمیٹی کی میٹنگ منعقد کی گئی۔ جس میں تحصیل کے تمام محکمہ جات کے افسران نے شرکت کی۔ ڈینگی کی روک تھام کے متعلق تمام محکموں کی کارکردگی کا جائزہ لیا گیا اور اس کو مزید بہتر بنانے کی ہدایات جاری کی گئی۔ تاکہ تحصیل ٹیکسلا میں اس مون سون سیزن ڈینگی کی افزائش کی روک تھام یقینی بنائی جا سکے۔

Deputy Commissioner Rawalpindi Commissioner Rawalpindi Official Govt of Punjab

03/08/2026

اسسٹنٹ کمشنر ٹیکسلا ڈاکٹر محمد انس سعید نے واہ جنرل ہسپتال کا دورہ کیا۔
اس موقع پر ہسپتال کے مختلف شعبہ جات کا معائنہ کیا گیا۔ لیبارٹری میں ضروری سہولیات اور ادویات کی دستیابی کا جائزہ لیا گیا جبکہ ڈاکٹرز اور طبی عملہ اپنی ڈیوٹی پر موجود پایا گیا۔ ہسپتال میں مریضوں کے لیے فراہم کی جانے والی طبی سہولیات اور دیگر انتظامات کا بھی جائزہ لیا گیا۔
اسسٹنٹ کمشنر نے مریضوں سے ملاقات کرکے علاج معالجے اور دستیاب سہولیات کے بارے میں دریافت کیا۔
اسسٹنٹ کمشنر نے ہسپتال انتظامیہ کو مریضوں کو بروقت اور معیاری طبی سہولیات کی فراہمی، ادویات کی دستیابی، ڈاکٹرز کی حاضری اور دیگر انتظامات کو مزید بہتر بنانے کے لیے ضروری ہدایات جاری کیں۔

26/07/2026

حکومتِ پنجاب کے ویژن، کمشنر راولپنڈی ڈویژن سلمان غنی صاحب اور ڈپٹی کمشنر راولپنڈی کیپٹن (ر) ندیم ناصر کی ہدایات کی روشنی میں اسسٹنٹ کمشنر ٹیکسلا محترمہ ماریہ جاوید صاحبہ نے TEVTA کالج ٹیکسلا میں قائم "سانجھی سبزی، مفت سبزی" سائٹ کا دورہ کیا۔
اس موقع پر اسسٹنٹ کمشنر نے منصوبے کے لیے مختص جگہ، زمین کی تیاری، موسمی سبزیوں کی کاشت کے انتظامات اور متعلقہ امور کا تفصیلی جائزہ لیا۔ انہوں نے ہدایت کی کہ حکومتی اراضی کو مؤثر انداز میں بروئے کار لاتے ہوئے معیاری موسمی سبزیوں کی کاشت کو جلد از جلد یقینی بنایا جائے تاکہ مستحق اور کم آمدن والے خاندانوں کو تازہ سبزیاں بلا معاوضہ فراہم کی جا سکیں۔ یہ منصوبہ حکومتِ پنجاب کی عوامی فلاح، غذائی تحفظ، مہنگائی کے اثرات میں کمی اور سرکاری اراضی کے مثبت استعمال کی جانب ایک اہم اقدام ہے۔
محترمہ ماریہ جاوید صاحبہ نے متعلقہ افسران کو ہدایت کی کہ منصوبے پر مقررہ ٹائم لائن کے مطابق پیش رفت یقینی بنائی جائے، سبزیوں کی بروقت کاشت، دیکھ بھال اور شفاف تقسیم کے لیے تمام ضروری اقدامات کیے جائیں تاکہ حکومتِ پنجاب کے اس فلاحی منصوبے کے ثمرات زیادہ سے زیادہ مستحق افراد تک پہنچ سکیں

25/07/2026

کمشنر راولپنڈی ڈویژن اور ڈپٹی کمشنر کی ہدایات کے مطابق اسسٹنٹ کمشنر ٹیکسلا محترمہ ماریہ جاوید نے نائب تحصیلدار فضل منان کے ہمراہ وطنِ عزیز پر اپنی جان نچھاور کرنے والے پاک فوج کے بہادر سپوت، شہید حافظ ضیاء انور ولد صوفی انور، ساکن ملک آباد، جلالہ روڈ، واہ کینٹ، ٹیکسلا کے گھر جا کر اہلِ خانہ سے ملاقات کی۔

اس موقع پر اسسٹنٹ کمشنر ٹیکسلا محترمہ ماریہ جاوید نے شہید کے والدین، اہلیہ اور دیگر اہلِ خانہ سے دلی تعزیت اور ہمدردی کا اظہار کیا، ان کے لیے صبرِ جمیل کی دعا کی اور شہید کے درجات کی بلندی کے لیے فاتحہ خوانی کی۔

چیف آفیسر میونسپل کمیٹی ٹیکسلا محمد حسیب صدیقی نے شہید حافظ ضیاء انور کی نمازِ جنازہ میں شرکت کی۔ اس موقع پر چیف آفیسر میونسپل کمیٹی ٹیکسلا محمد حسیب صدیقی نے پھولوں کی چادر چڑھائی اور فاتحہ خوانی کی گئی۔

شہداءِ وطن قوم کا وہ عظیم سرمایہ ہیں جن کی لازوال قربانیوں کی بدولت پاکستان امن و سلامتی کا گہوارہ ہے۔ پوری قوم اپنے شہداء کی بے مثال قربانیوں کو کبھی فراموش نہیں کر سکتی۔ ان کی عظیم قربانیاں ہمیشہ ہمارے لیے فخر، حوصلے، ایثار اور حب الوطنی کی روشن مثال بنی رہیں گی۔

اللہ تعالیٰ شہید حافظ ضیاء انور کے درجات بلند فرمائے، انہیں جنت الفردوس میں اعلیٰ مقام عطا فرمائے اور تمام لواحقین کو صبرِ جمیل عطا فرمائے۔ آمین۔

23/07/2026

حکومتِ پنجاب اور ڈپٹی کمشنر راولپنڈی کیپٹن (ر) ندیم ناصر کی ہدایات کی روشنی میں اسسٹنٹ کمشنر ٹیکسلا محترمہ ماریہ جاوید صاحبہ نے دریائے ہرو کے حساس اور نشیبی مقامات کا تفصیلی دورہ کیا۔
دورے کے دوران خانپور کی انتظامیہ کے ساتھ رابطہ کیا گیا۔ ممکنہ شدید مون سون بارشوں کے پیشِ نظر خانپور ڈیم کے اسپِل ویز کھولے جانے کی صورت میں حفاظتی انتظامات کا جائزہ لیا گیا۔ مقامی آبادی کو نشیبی علاقوں اور دریا کے کناروں سے دور رہنے کی ہدایت کی گئی، جبکہ ریونیو اسٹاف کو متعلقہ مساجد کے ذریعے بروقت اعلانات کروانے کی ہدایات جاری کی گئیں تاکہ عوام کو کسی بھی ممکنہ خطرے سے محفوظ رکھا جا سکے۔
مزید برآں، پیرا (PERA) ٹیموں کو علاقے میں مسلسل گشت پر مامور کر دیا گیا ہے، جبکہ دریا کے قریب کسی بھی قسم کی نئی آبادی یا عارضی رہائش کی ہرگز اجازت نہیں دی جائے گی۔ ضلعی انتظامیہ شہریوں سے اپیل کرتی ہے کہ وہ احتیاطی تدابیر پر عمل کریں اور کسی بھی ہنگامی صورتحال میں انتظامیہ سے مکمل تعاون کریں۔

23/07/2026