14/08/2026
ضلع ساؤتھ وزیرستان لوئر پولیس
ملک بھر کی طرح ضلع ساؤتھ وزیرستان لوئر میں بھی 79واں یومِ آزادی ملی جوش و جذبے اور قومی ولولے کے ساتھ منایا گیا۔
جشنِ آزادی کی تقریبات کا آغاز وانا پولیس لائن میں ختم القرآن اور خصوصی دعاؤں سے ہوا، جہاں ملک و قوم کی سلامتی، خوشحالی، امن و استحکام اور شہدائے وطن کے درجات کی بلندی کے لیے خصوصی دعائیں کی گئیں۔
بعد ازاں ڈپٹی کمشنر آفس میں یومِ آزادی کے حوالے سے ایک پروقار تقریب منعقد ہوئی، جس میں ڈسٹرکٹ پولیس آفیسر ساؤتھ وزیرستان لوئر شاہ حسن (PSP)، ڈپٹی کمشنر مسرت زمان، ایڈیشنل اسسٹنٹ کمشنر رضوان برکی، ملک جمیل خان، ڈی ایس پی ہیڈکوارٹرز اصغر علی شاہ سمیت دیگر پولیس افسران و جوانوں، علاقائی مشران، بچوں اور شہریوں نے بھرپور شرکت کی۔
تقریب کے دوران قومی پرچم کو سلامی پیش کی گئی اور وطنِ عزیز سے تجدیدِ وفا کا عزم کیا گیا۔ اس موقع پر شجرکاری بھی کی گئی، جبکہ جشنِ آزادی کی مناسبت سے پیدل ریلی اور پولیس گاڑیوں کی خصوصی ریلی بھی نکالی گئی، جس میں شرکاء نے قومی پرچم لہراتے ہوئے پاکستان سے اپنی والہانہ محبت اور یکجہتی کا اظہار کیا۔
شرکاء نے اس عزم کا اظہار کیا کہ پاکستان کی سلامتی، امن، ترقی اور خوشحالی کے لیے ہر سطح پر اپنا بھرپور کردار ادا کیا جائے گا۔
