GTA Aainee Sherani

06/04/2026

آج 6 اپریل کو ضلع شیرانی کے ہیڈکوارٹر مانی خواہ میں محکمہ تعلیم کے زیرِ اہتمام نئے بھرتی ہونے والے اساتذہ کرام میں تعیناتی آرڈرز کی تقسیم کے حوالے سے ایک پروقار تقریب کا انعقاد کیا گیا۔
تقریب کے مہمانِ خصوصی ڈپٹی کمشنر شیرانی جناب حضرت ولی کاکڑ صاحب تھے، جبکہ پروگرام کی صدارت ڈسٹرکٹ ایجوکیشن آفیسر شیرانی جناب احمد خان قریشی صاحب نے کی۔
تقریب سے خطاب کرتے ہوئے جی ٹی اے آئینی شیرانی کے صدر سید شاہ شیرانی نے نئے بھرتی اساتذہ کرام کو دل کی گہرائیوں سے مبارکباد پیش کی۔ انہوں نے اس بات پر زور دیا کہ تمام بھرتیاں مکمل طور پر میرٹ کی بنیاد پر کی گئی ہیں، جس کا سہرا ڈسٹرکٹ ریکروٹمنٹ کمیٹی کے چیئرمین ڈپٹی کمشنر شیرانی جناب حضرت ولی کاکڑ صاحب اور ڈسٹرکٹ ایجوکیشن آفیسر شیرانی جناب احمد خان قریشی صاحب کے سر جاتا ہے۔
انہوں نے مزید کہا کہ ہمیں ایسے دیانتدار اور محنتی افسران پر فخر ہے اور ہم ان کی خدمات کو خراجِ تحسین پیش کرتے ہیں۔

20/01/2026

گرینڈ الائنس مزید سخت اقدامات اٹھانے پر مجبور
حکومت کی بے حسی اور نااہلی اپنے عروج پر پہنچ چکی ہے، جس کے واضح ثبوت آج خود حکومتی اقدامات نے پیش کر دیے ہیں۔ ملازمین کے جائز مطالبات کو مسلسل نظرانداز کرنے کے باعث گرینڈ الائنس اب مزید سخت اور فیصلہ کن اقدامات اٹھانے پر مجبور ہو چکا ہے۔
ان حالات کے پیشِ نظر کل پریس کلب میں ایک اہم پریس کانفرنس منعقد کی جائے گی، جس میں آئندہ کے لائحہ عمل کا باضابطہ اعلان کیا جائے گا۔
تمام ملازمین، تنظیمی عہدیداران اور ہمدرد ساتھیوں سے اپیل ہے کہ وہ بھرپور شرکت کرکے اپنی یکجہتی اور اتحاد کا عملی ثبوت دیں۔

20/01/2026

بلوچستان گرینڈ الائنس کے طے شدہ شیڈول کے مطابق آج 20 جنوری کو بلوچستان بھر کے سرکاری ملازمین اپنے جائز، آئینی اور قانونی حقوق کے حصول کے لیے کوئٹہ کی جانب پُرامن طور پر روانہ ہوئے۔ تاہم نااہل اور عوام دشمن حکومتی طرزِعمل کے تحت مختلف مقامات پر غیر قانونی رکاوٹیں کھڑی کر کے ملازمین کو روکنے کی ناکام کوشش کی گئی، جو آئینِ پاکستان میں دیے گئے حقِ اجتماع اور حقِ احتجاج کی کھلی خلاف ورزی ہے۔
یہ واضح کیا جاتا ہے کہ ریاستی طاقت کا استعمال، راستوں کی بندش اور ملازمین کو ہراساں کرنا کسی بھی صورت قانونی جواز نہیں رکھتا اور اس کے تمام تر نتائج کی ذمہ داری براہِ راست حکومتِ وقت پر عائد ہوگی۔
بلوچستان گرینڈ الائنس کی قیادت میں جاری یہ جدوجہد کسی دباؤ، رکاوٹ یا جبر سے نہیں رکے گی۔ ملازمین اپنے حقوق سے ایک انچ بھی پیچھے ہٹنے کو تیار نہیں۔
انشاء اللہ فتح ملازمین کی ہوگی،
اور حق کی آواز ہر رکاوٹ توڑ کر منزل تک پہنچے گی۔

18/01/2026

03/08/2025

جی ٹی اے آئینی ضلع شیرانی
ماہانہ اجلاس کی کارروائی
مورخہ 3 اگست 2025
زیر صدارت ۔ سید شاہ شیرانی
جی ٹی اے آئینی ضلع شیرانی کا ماہانہ اجلاس 3 اگست 2025 کو صدر تنظیم سید شاہ شیرانی کی زیر صدارت منعقد ہوا ۔ اجلاس میں کابینہ کے اراکین نے بڑی تعداد میں شرکت کی ۔ باہمی مشاورت اور اتفاق رائے سے درج ذیل فیصلے کئے گئے ۔
1 چائے پارٹی کا اہتمام
ضلع شیرانی میں حال ہی میں SBK، کنٹریکٹ اور لواحقین کوٹہ کے تحت تعینات ہونے والے معزز اساتذہ کرام کے اعزاز میں ایک چائے پارٹی منعقد کرنے کا فیصلہ کیا گیا ۔ یہ تقریب بروز اتوار 10 اگست 2025 کو منعقد ہوگی ، جس میں نئے بھرتی اساتذہ کو خوش آمدید کہا جائے گا اور تنظیم کی جانب سے نیک تمناؤں کا اظہار کیا جائے گا ۔
2 نئے عہدیداران کا انتخاب ۔
گزشتہ اجلاس میں خالی ہونے والے عہدوں پر نئی تقرریاں عمل میں لائی گئیں ، جن کی تفصیل درج ذیل ہے
1 چیئرمین۔ وطن یار شیرانی
2 آرگنائزر ۔ سید زمان حریفال
3 سپورٹس سیکرٹری ۔ نور محمد شیرانی
4 سوشل میڈیا سیل ۔ بلو خان حریفال
ان تقرریوں کی باقاعدہ منظوری اور نوٹیفکیشن کیلئے سفارشات صوبائی مشاورتی کونسل کے چیئرمین کو ارسال کر دی گئی ہیں ۔
3 ایس بی کے اور کنٹریکٹ اساتذہ کے مسائل
اجلاس میں فیصلہ کیا گیا کہ SBK اور کنٹریکٹ بنیاد پر تعینات اساتذہ کو درپیش مسائل کے حل کیلئے تنظیم بھرپور عملی اقدامات کرے گی اور ہر ممکن تعاون فراہم کیا جائے گا ۔
4 جی ٹی اے آئینی کا عزم
اجلاس کے اختتام پر اس عزم کا اعادہ کیاگیا کہ جی ٹی اے آئینی ضلع شیرانی ہمیشہ اساتذہ کرام کے حقوق کے تحفظ کیلئے کوشاں رہی ہے اور آئیندہ بھی ہر سطح پر ان کی نمائندگی کرتے ہوئے کسی قربانی سے دریغ نہیں کرے گی ۔
یہ تنظیم ضلع شیرانی کے اساتذہ کی واحد آواز ہے ، جو ہر فورم پر ان کے وقار ، حقوق اور مسائل کے حل کیلئے سرگرم عمل ہے ۔

24/07/2025

گورنمنٹ ٹیچر ایسو سی ایشن آئینی بلوچستان کے ہیڈ آفس ڈائریکٹوریٹ میں صوبائی صدر خادم علی بگٹی سے جی ٹی اے آئینی ضلع شیرانی کے وفد کی ملاقات ہوئی۔ ملاقات میں تنظیمی معاملات پر تبادلہ خیال ہوا اور معطل اساتذہ کرام کے معاملے پر بھی بات چیت ہوئی۔

20/07/2025

آج مورخہ *20 جولائی* کو محسنِ اساتذہ جناب *حاجی مجیب غرشین صاحب* کی جانب سے اپنے آبائی گاؤں *غرشینان رود ملازئ* میں *جی ٹی اے آئینی کے ضلعی و صوبائی قائدین* اور *گرینڈ الائنس کے قائدین* کے اعزاز میں پرتکلف اعشائیہ کا اہتمام کیا گیا۔

ضلع شیرانی کی جانب سے جناب *معصوم صاحب، وطن یار صاحب، مراد خان صاحب، علی خان صاحب* اور *نجیب صاحب* نے شرکت کی۔

اس موقع پر *گرینڈ الائنس کے قائد پروفیسر جناب قدوس کاکڑ صاحب* کے ساتھ حالیہ حکومتی مذاکرات کے حوالے سے ایک تفصیلی نشست بھی ہوئی، جس میں ملازمین کے مسائل اور پیش رفت پر تبادلہ خیال کیا گیا۔

قدوس کاکڑ صاحب نے تمام ملازمین کو مذاکرات کی صورتحال پر *اطمینان اور اتحاد* برقرار رکھنے کی تلقین کی۔

02/07/2025

گرینڈ الائنس کے تمام صوبائی و ضلعی قائدین کی رہائی کا خیرمقدم کرتے ہیں اور اُن کی جراتمندانہ جدوجہد و عظیم قربانیوں پر انہیں خراجِ تحسین پیش کرتے ہیں۔ یہ رہائی اُن کے عزم، اتحاد اور اصولی مؤقف کی جیت ہے
جی ٹی اے آئینی شیرانی

25/06/2025

شیم شیم نااہل اور فارم 47 کی پیداوار صوبائی حکومت کی ملازمین دشمن اقدامات اضلاع کو منتقل ژوب انتظامیہ نے جی ٹی اے آئینی ژوب کے ضلعی صدر حق یار مندوخیل کو ابھی تھری ایم پی او میں گرفتار کر کے ژوب جیل منتقل کردیا