18/05/2025
اسلام آباد: نیشنل ڈیموکریٹک موومنٹ کی مرکزی آرگنائزنگ کمیٹی کا اجلاس چیئرمین محسن داوڑ کی صدارت میں ہوا۔
اجلاس میں این ڈی ایم کے سینئر رہنما افراسیاب خٹک، مرکزی جنرل سیکرٹری مزمل شاہ, مرکزی سیکرٹری اطلاعات جمیلہ گیلانی، پختونخوا کی صوبائی چیئرپرسن بشریٰ گوہر، جنوبی پختونخوا / بلوچستان کے چیئرمین احمد جان لالا، سندھ کے چیئرمین محمد شیر، اسلام آباد کے چیئرمین منصور محسود، مرکزی آرگنائزنگ کمیٹی کے ممبران ہارون بازئ، ابراھیم خان، اسماعیل محسود اور خوشحال خان اور نیشنل سٹوڈنٹس موومنٹ کے مرکزی چیئرمین نعمان وزیر نے شرکت کی۔
اجلاس میں صوبائی تنظمیوں اور این ایس ایم نے پارٹی اور این ایس ایم کی سرگرمیوں کے حوالے سے رپورٹس پیش کیں۔ اجلاس میں پارٹی کی تنظیمی امور پر تفصیلی گفتگو اور مشاورت ہوئی۔
اجلاس میں این ڈی ایم کے مرکزی رہنماؤں کی پختونخوا نیشنل عوامی پارٹی اور قومی وطن پارٹی کے ساتھ ملک اور خطے کی موجودہ سیاسی صورتحال کے حوالے سے ہونے والی حالیہ ملاقاتوں کے بارے میں گفتگو ہوئی۔
اجلاس میں پختونخوا میں جاری دہشتگردی اور اس حوالے سے صوبائی اور وفاقی حکومتوں کی خاموشی پر تشویش کا اظہار کیا گیا۔
اجلاس میں بلوچستان کی موجودہ سیاسی صورتحال اور جاری کشیدگی پر گفتگو ہوئی اور تشویش کا اظہار کیا گیا۔
اجلاس میں پارٹی کے آئندہ کے لائحہ عمل کے حوالے سے تفصیلی گفتگو اور مشاورت ہوئی۔
