27/06/2026
کوئٹہ کے معروف تاجر ہاشم خان نورزئی نے اس شہر پر اعتماد کرتے ہوئے کروڑوں روپے کی سرمایہ کاری کی، کاروبار قائم کیے اور سینکڑوں خاندانوں کے لیے روزگار کے مواقع پیدا کیے۔ مگر انتہائی افسوس کے ساتھ انہیں دن دہاڑے فائرنگ کر کے قتل کر دیا گیا۔
یہ واقعہ صرف ایک شخص کے قتل کا سانحہ نہیں بلکہ بلوچستان کے سرمایہ کاری کے ماحول، تاجروں کے اعتماد اور کاروباری برادری کے تحفظ سے متعلق ایک سنگین سوال بھی ہے۔ جب سرمایہ کار، صنعت کار اور روزگار فراہم کرنے والے افراد خود کو غیر محفوظ محسوس کریں تو اس کے اثرات معیشت، ترقی اور عوامی فلاح پر بھی مرتب ہوتے ہیں۔
ہم متعلقہ حکام سے مطالبہ کرتے ہیں کہ اس افسوسناک واقعے کی شفاف اور فوری تحقیقات کر کے ملزمان کو قانون کے مطابق سخت سزا دی جائے، تاکہ شہریوں اور سرمایہ کاروں کا اعتماد بحال ہو اور ایسے واقعات کی روک تھام یقینی بنائی جا سکے۔
اللہ تعالیٰ مرحوم ہاشم خان نورزئی کو اپنی رحمت میں جگہ عطا فرمائے، ان کے اہلِ خانہ کو صبرِ جمیل دے، اور ہمارے معاشرے میں امن و امان قائم فرمائے۔ آمین۔,🥲💔🤲
