Il-Kont Tal-Poplu

Il-Kont Tal-Poplu Informações para nos contactar, mapa e direções, formulário para nos contactar, horário de funcionamento, serviços, classificações, fotos, vídeos e anúncios de Il-Kont Tal-Poplu, Partido político, Freamunde.

10/06/2026

Glenn Bedingfield: "Ma tajna l-ebda xogħol waqt il-kampanja elettorali!"

Owen Bonnici: "Le, le! Lanqas qabel, lanqas waqt, u lanqas wara!"

Ian Borg: "Noddy... Bendingu... intom żgur li tafu x'qed tgħidu? Jew se jkollna nibdew ngħoddu l-ħatriet u l-kuntratti wieħed wieħed?"

Meta l-iskużi jsiru aktar diffiċli biex temminhom mill-fatti stess...

10/06/2026

Żewġ Ministri li diffiċli tara xi riżultat minnhom.

Waħda tgħidlek li ssaħħnu l-cables u tħallik fid-dlam u fis-sħana.

L-oħra tgħidlek li, waqt li tkun fid-dlam, taqbad ktieb u taqra.

Il-problemi jibqgħu hemm.
L-iskużi jinbidlu.
Il-wegħdiet jiżdiedu.

U l-poplu jibqa' jħallas il-kont.

Aktar mill-istess.

09/06/2026

Chris Bonett beda l-kariga l-ġdida tiegħu bħala Ministru responsabbli mill-Mobbiltà b’wegħdiet kbar li se jsolvi l-problema tat-traffiku.

Imma jidher li l-ewwel ostaklu tiegħu mhux it-traffiku... iżda l-Ministru tal-Finanzi stess.

Wara li Clyde Caruana ddikjara li mhux lest jiffirma għal aktar nefqa relatata ma’ din is-"silly season", il-mistoqsija tibqa’ waħda:

Kif se tissolva l-kriżi tat-traffiku jekk ħadd ma jrid jiffinanzja s-soluzzjonijiet?

Metro?
Park & Ride?
Trasport pubbliku aħjar?
Inċentivi ġodda?

Jidher li l-ideat hemm, iżda l-flus le.

U filwaqt li l-ministri jiddiskutu, il-poplu jibqa’ mwaħħal fit-traffiku kuljum.

Forsi l-akbar sfida ta’ Chris Bonett mhix il-mobbiltà...

Imma kif jikkonvinċi lil Clyde Caruana jiftaħ il-kartiera!

09/06/2026

Malcolm Paul Agius Galea nħatar Ministru għall-Arti, il-Kultura u l-Wirt Nazzjonali.

Prosit għall-ħatra l-ġdida.

Imma wara snin fil-qasam tas-saħħa, ħafna kienu qed jistennewh fil-Ministeru tas-Saħħa, mhux fil-qasam tal-kultura.

Jidher li l-Prim Ministru kellu pjani oħra.

U jekk il-kartun għandu raġun, forsi fil-fond ta’ qalbu Malcolm qed jaħseb:

"Jien il-Ministeru tas-Saħħa ridt, Prim!"

F’Malta, mhux dejjem tispiċċa fejn tkun qed tistenna...

06/06/2026

Jidher li Robert Abela neħħa lil Jo Etienne Abela mill-Ministeru tas-Saħħa, iżda flok ġab persuna b'esperjenza fis-settur, poġġa lil Ian Borg.

Il-problema? Ian Borg stess jidher mitluf.

Waiting lists? EHR? Riżorsi umani? Protokolli mediċi?

Il-mistoqsija li qed jagħmlu ħafna hija sempliċi: kif tista' tmexxi ministeru daqshekk importanti jekk ma tifhimx is-settur?

Skont il-kritiċi, jidher li f'Malta l-aktar ħaġa importanti mhijiex il-kompetenza, iżda li tkun fil-post it-tajjeb u tagħmel kif jgħidulek.

Il-pazjenti qed jistennew.
L-infermiera u t-tobba qed jistennew.
Is-sistema tas-saħħa qed tiffaċċja sfidi kbar.

U filwaqt li kulħadd qed ifittex soluzzjonijiet, il-Gvern jidher aktar interessat f'logħba ta' siġġijiet milli f'riformi serji.

F'Malta biss.

06/06/2026

Robert Abela għadu kif ta l-akbar konferma tiegħu stess dwar il-prestazzjoni ta’ Jo Etienne Abela bħala Ministru tas-Saħħa.

Wara snin ta’ problemi, stennijiet twal u kritika kontinwa fis-settur tas-saħħa, issa ġie trasferit mill-Ministeru tas-Saħħa għall-Ministeru tat-Turiżmu.

Minn pudina fil-Ministeru tas-Saħħa għal froġa fil-Ministeru tat-Turiżmu.

Jekk il-Gvern kien tassew sodisfatt bil-ħidma tiegħu, kien iħallih fejn kien. Imma jidher li anke Robert Abela wasal għall-konklużjoni li kienet meħtieġa bidla.

F’Malta, meta tfalli f’ministeru, mhux bilfors titlef il-kariga...

Xi kultant sempliċement tibdel il-ministeru.

05/06/2026

Jidher li f’Malta l-kwalifiki biex issir Ministru m’għadhomx il-kompetenza, l-integrità jew il-mertu.

Skont ħafna kritiċi, biżżejjed tibqa’ leali lejn il-partit, ma tagħmilx wisq mistoqsijiet u tkun lest “titħanżer” biex tibqa’ parti mis-sistema.

U mbagħad il-promozzjoni tasal waħedha.

Titli jinbidlu, karigi jinbidlu, imma l-kontabbiltà tibqa’ nieqsa.

F’Malta, jidher li l-mertu sar sekondarju, filwaqt li l-lealtà politika saret l-aktar kwalifika importanti.

F’Malta biss.



Rosianne Cutajar

05/06/2026

Wara ħafna spekulazzjoni dwar x'ministeru ġdid seta' ngħata Anton Refalo, ir-riżultat kien sempliċi ħafna...

Ministru tal-Ġebel? Le.

Ministru tal-Ingliż? Le.

Ministru tal-Pittura? Lanqas.

Fl-aħħar mill-aħħar, kollox baqa' kif kien: Ministru tal-Agrikoltura, is-Sajd u l-Provvista tal-Ikel.

L-unika ħaġa li donnha nbidlet hija li issa jaf min hi Totorina!

F'Malta, kultant iqattgħu ġimgħat jitkellmu dwar reshuffle, ministeri ġodda u bidliet kbar...

Imbagħad jasal il-jum u tiskopri li l-kariga baqgħet eżatt fejn kienet.

Titli ġodda, stejjer ġodda, ħafna storbju... imma l-istess siġġijiet.



Refalo

05/06/2026

Owen Bonnici reġa' sab siġġu ġdid.

Wara li għadda minn ġustizzja, kultura, gvern lokali, edukazzjoni, ugwaljanza, riċerka u innovazzjoni, issa wasal il-pass li jmiss: l-akkomodazzjoni.

Jidher li l-unika ħaġa konsistenti fil-karriera tiegħu hija kemm-il darba jibdel ministeru.

Minn siġġu għal ieħor, minn ministeru għal ieħor... iżda l-mistoqsija tibqa': x'impatt ħalla warajh?

Forsi Owen Bonnici mhux Ministru tal-Akkomodazzjoni, iżda Ministru tal-"Musical Chairs".

Il-logħba tkompli... u s-siġġijiet jibqgħu jinbidlu.



Owen Bonnici

04/06/2026

Glenn Bedingfield telaq minn responsabbiltà li ħalliet warajha muntanji ta’ problemi fil-ġbir tal-iskart u fil-BCRS, u llum ingħata promozzjoni biex imexxi l-Ministeru tal-Intern u s-Sigurtà.

Minn kaos fl-iskart għal kaos fil-pulizija.

Filwaqt li l-uffiċjali tal-pulizija qed jiffaċċjaw nuqqas ta’ riżorsi, pressjoni kbira u sfidi ta’ kuljum, issa għandhom ukoll ministru ġdid li qed iġorr miegħu bagalji politiċi mhux żgħar.

Jidher li f’Malta l-kriterju għall-promozzjoni mhuwiex kemm solvejt problemi, iżda kemm kapaċi tibqa’ miexi minkejja l-problemi.

Glenn Bedingfield kien jonqos issa... il-bambin magħna!

F’Malta, jekk tagħmel kaos... tħatru.



Glenn Bedingfield

Endereço

Freamunde

Website

Notificações

Seja o primeiro a receber as novidades e deixe-nos enviar-lhe um email quando Il-Kont Tal-Poplu publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.

Atalhos

Compartilhar

Categoria